Header Ads

ເມືອງ ເງິນ ພິທີເປີດການຮຽນ-ການສອນກົດໜາຍຊັ້ນຕົ້ນຊຸດທີ VI



ຕອນເຊົ້າຂອງວັນທີ 2 ກຸມພາ 2018 ນີ້ຢູ່ທີ່ຫ້ອງປະຊຸມບ້ານຂອນ ເມືອງເງິນ ແຂວງ ໄຊຍະບູລີ ໄດ້ຈັດພິທີເປີດການຮຽນ-ການສອນ ກົດໝາຍຊັ້ນຕົ້ນຊຸດທີ 6 ຂຶ້ນຢ່າງເປັນທາງການ ເຂົ້າຮ່ວມເປັນກຽດມີ ທ່ານ ສອນສຸກ ພວງແກ້ວ ຮອງເລຂາພັກເມືອງຮອງເຈົ້າເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກົມກອງ, ນາຍບ້ານເທດສະບານເມືອງ ຕະຫຼອດຮອດຄູອາຈານ, ທະຫານ,ຕຳຫຼວດ, ແລະ ນັກສໍາມະນາກອນເຂົ້າຮ່ວມຈໍານວນ 60 ທ່ານ ຍິງ 16 ທ່ານ.





ຈຸດປະສົງຂອງການເປີດການຮຽນ-ການສອນກົດໜາຍຊັ້ນຕົ້ນໃນຄັ້ງນີ້ ແມ່ນເພື່ອ ຜັນຂະຫຍາຍແຜນງານ ແລະ ໂຄງການພັດທະນາວຽກງານຍຸຕິທຳ ຕາມຄຳຂວັນ 5 ພ ຂອງ ກະຊວງຍຸຕິທຳວາງອອກ, ທັງເປັນການພັດທະນາບຸກຄະລາກອນ ໃນການໂຄສະນາສຶກສາອົບຮົມ ທາງດ້ານກົດໝາຍ ໃຫ້ແກ່ຮາກຖານ ແລະ ອົງການປົກຄອງບ້ານໃຫ້ກວ້າງຂວາງ ແລະ ທົ່ວເຖິງ, ສ້າງໃຫ້ທຸກຄົນມີສະຕິສູງຕໍ່ການເຄົາລົບ ລະບຽບກົດໝາຍ ເພື່ອແນ່ໃສ່ສ້າງລັດ ແຫ່ງ ສ.ປ.ປ ລາວ ເປັນລັດແຫ່ງກົດໝາຍ ຂອງປະຊາຊົນ ແລະ ເພື່ອຜົນປະໂຫຍດຂອງປະຊາຊົນ, ທັງເປັນການປຸກລະດົມ ແລະ ເຕົ້າໂຮມ ຄວາມສາມັກຄີຂອງພໍ່ແມ່ປະຊາຊົນ ບັນດາເຜົ່າ ໃຫ້ເຄື່ອນໄຫວ ຖືກຕ້ອງຕາມລະບຽບກົດໜາຍ



ຈາກນັ້ນ ທ່ານ ໄກສອນ ແສງເດດ ຫົວໜ້າຫ້ອງການຍຸຕິທຳເມືອງ ກໍ່ໄດ້ຜ່ານແຜນການຮຽນ-ການສອນ ກົດໝາຍຊັ້ນຕົ້ນຊຸດທີ 6 ແມ່ນຈະໄດ້ເລີ່ມຮຽນຕົວຈິງແຕ່ຕົ້ນເດືອນ ກຸມພາ 2018 ນີ້ ເປັນຕົ້ນໄປ ໃຊ້ເວລາ 3 ເດືອນ ມີ 36 ວິຊາຮຽນ, ມີນັກຮຽນ ເຂົ້າຮຽນທັງໜົດ 31 ຄົນ ຍິງ 12 ຄົນ ທີ່ເປັນຕົວແທນຈາກສຳນັກງານ, ຫ້ອງການ,ກົມກອງ ແລະ ບ້ານເທດສະບານເມືອງ, ພາຍຫຼັງທີ່ຮຽນຈົບແລ້ວກໍ່ຈະໄດ້ຮັບໃບປະກາສະນີຍະບັດກົດໝາຍຊັ້ນຕົ້ນ. ເພື່ອເປັນຫຼັກຖານອ້າງອີງໃນການປະກອບສ່ວນ ແລະ ຈັດຕັ້ງປະຕິບັດໜ້າທີ່ວຽງານໃນຕໍ່ໜ້າ

ໂດຍ: ດາວສຸກ ສຸລິຍະພອນ








No comments

Powered by Blogger.