Header Ads

ມູນນິທິຊ່ວຍເຫຼືອຜູ້ປະສົບໄພແຂວງຄຳມ່ວນສະຫລຸບຜົນງານປະຈຳປີ 2017




ໃນວັນທີ 30 ມີນາ 2018 ຜ່ານມານີ້  ຄະນະບໍລິຫານງານມູນນິທິຊ່ວຍເຫຼືອຜູ້ປະສົບໄພແຂວງຄຳມ່ວນພ້ອມດ້ວຍອາສາສະໝັກທັງໝົດໄດ້ຮັບກຽດເຂົ້າຮ່ວມກອງປະຊຸມສະຫລຸບຜົນງານປະຈຳປີ 2017 “ ທີ່ ຫ້ອງວ່າການປົກຄອງແຂວງຄຳມ່ວນ “ ແລະ ຍ້ອງຍໍຊົມເຊີຍແກ່ຜູ້ເຄື່ອນໄຫວວຽກງານກູ້ຊີບ-ກູ້ໄພ ທີ່ແຂວງ ຄຳມ່ວນ ການຍ້ອງຍໍມີ 2 ປະເພດ 1 : ຍ້ອງຍໍຈາກທ່ານເຈົ້າແຂວງ ແຂວງຄຳມ່ວນ ແລະ ປະທານ ຄະນະທີ່ປຶກສາຂອງກູ້ໄພແຂວງຄຳມ່ວນ ໂດຍເປັນກຽດເຂົ້າຮ່ວມເປັນປະທານຂອງ ທ່ານ ແສງທອງ ພະຄຸນທອງ ກຳມະການປະຈຳພັກແຂວງ ປະທານແນວລາວສ້າງຊາດແຂວງ ປະທານສະພາທີ່ປຶກສາໜ່ວຍງານອາສາກູ້ໄພແຂວງຄຳມ່ວນ ມີບັນດາທ່ານຄະນະທີ່ປຶກສາ, ບັນດາທ່ານພະແນກການອ້ອມຂ້າງແຂວງ ໜ່ວຍກູ້ໄພໄດ້ມີ 2 ໜ່ວຍງານເຂົ້າຮ່ວມມີ ມູນນິທິຊ່ວຍເຫຼືອຜູ້ປະສົບໄພແຂວງຄຳມ່ວນແລະ ໜ່ວຍງານອາສາກູ້ໄພແຂວງຄຳມ່ວນ ເຂົ້າຮ່ວມ 110 ສະຫາຍ, ຍິງ 42 ສະຫາຍ. 



ດັ່ງນັ້ນ ຈຶ່ງເປັນຄວາມພາກພູມໃຈຂອງໜ່ວຍງານກູ້ໄພແລະຈະຕັ້ງໜ້າປະຕິບັດວຽກງານໃຫ້ສອດຄ່ອງຕໍ່ແນວທາງນະໂຍບາຍຂອງພັກລັດໃຫ້ເຂັ້ມງວດແລະໂປ່ງໄສ.


ພາບ ແລະ ຂ່າວ: ມູນນິທິຊ່ວຍເຫຼືອຜູ້ປະສົບໄພແຂວງຄຳມ່ວນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.