Header Ads

ຄະນະພົວພັນຕ່າງປະເທດສູນກາງພັກ ສະຫລຸບວຽກ ງານກວດກາປະຈຳປີ 2017




ໃນວັນທີ 27 ມີນາ 2018 ທີ່ ນະຄອນຫລວງວຽງຈັນ, ຄະນະພົວພັນຕ່າງ ປະເທດສູນກາງພັກ ໄດ້ຈັດກອງປະຊຸມ ເພື່ອສະຫລຸບວຽກງານ ກວດກາປະຈຳປີ 2017 ແລະ ທິດທາງແຜນການ ໃນປີ 2018, ໂດຍໃຫ້ກຽດເຂົ້າຮ່ວມ ຂອງ ທ່ານ ນາງ ສູນທອນ ໄຊຍະຈັກ ກຳມະການສູນກາງພັກ, ເລຂາ ຄະນະບໍລິຫານງານພັກ, ຫົວໜ້າ ຄະນະພົວພັນຕ່າງປະເທດສູນກາງພັກ, ມີບັນດາ ຄະນະພັກ, ຄະນະນຳ, ພະນັກງານ ຫລັກແຫລ່ງ ຕະຫລອດຮອດ ພະນັກງານ-ລັດຖະກອນ.



ໃນກອງປະປະຊຸມດັ່ງກ່າວ, ທ່ານ ສົມດີ ບຸນຄຸ້ມ ກຳມະການຄະນະພັກ, ຮອງຫົວໜ້າ ຄະນະພົວພັນຕ່າງ ປະເທດສູນກາງພັກ, ປະທານກວດກາ ໄດ້ຂຶ້ນລາຍງານ ບົດສະຫລຸບວຽກງານກວດກາປະຈຳປີ 2017 ແລະ ທິດທາງແຜນການ ໃນປີ 2018 ຂອງຄະນະພົວພັນ ຕ່າງປະເທດສູນກາງພັກ, ໂດຍຍົກໃຫ້ເຫັນ ດ້ານດີ ແລະ ຈຸດຄົງຄ້າງ ໃນການຈັດຕັ້ງປະຕິບັດ ວຽກງານດັ່ງກ່າວ, ໃນໄລຍະໜຶ່ງ ປີຜ່ານມາ, ເຫັນວ່າ ຄະນະພັກ ໄດ້ມີຄວາມເອົາໃຈໃສ່  ຊີ້ນຳວຽກງານດັ່ງກ່າວ, ເຮັດໃຫ້ສາມາດດຳເນີນການ ກວດກາພັກ-ລັດແບບປົກກະຕິ ໄດ້ 2 ຄັ້ງ, ຈັດຕັ້ງລົງກວດກາ ໂຄງການສ້ອມແປງສຳນັກງານ ຄະນະພົວພັນຕ່າງປະເທດສູນກາງພັກ ຢູ່ ຫລັກ 6 ແລະ ການກໍ່ສ້າງ ຫໍພັກພະນັກງານ ຢູ່ນາທົ່ມ ແຕ່ຫົວທີ ຕາມດຳລັດ ວ່າດ້ວຍ ການຕິດຕາມ, ກວດກາ ໂຄງການລົງທຶນຂອງລັດ ເລີ່ມແຕ່ຫົວທີ.

ໃນຕອນທ້າຍ ກອງປະຊຸມ, ໄດ້ຮັບຟັງການໂອ້ລົມ ຈາກ ທ່ານ ນາງ ສູນທອນ ໄຊຍະຈັກ, ໂດຍໄດ້ຍົກໃຫ້ເຫັນ ໃນບາງຕອນວ່າ: ໃນໄລຍະການປົກປັກຮັກສາ ປະເທດຊາດ ກໍຄື ການພັດທະນາປະເທດ, ວຽກງານກວດກາ ຍິ່ງມີຄວາມຈຳເປັນ ທີ່ຄະນະກວດກາ, ຄະນະພັກ ຕ້ອງໄດ້ເອົາໃຈໃສ່ຈັດຕັ້ງປະຕິບັດ ໃຫ້ເປັນປົກກະຕິ, ໃຫ້ສົມກັບຄຳເວົ້າທີ່ວ່າ: “ບໍ່ມີການກວດກາ ໝາຍຄວາມວ່າ ບໍ່ມີການນຳພາ”. ຖ້າຫາກເຮົາ ມີການກວດກາທີ່ດີ ຈະເປັນການປະກອບສ່ວນ ເຮັດໃຫ້ວຽກງານລວມ ຂອງພັກ-ລັດ, ເວົ້າລວມ ເວົ້າສະເພາະ ແມ່ນວຽກງານ ວິຊາສະເພາະ ຂອງຄະນະພົວພັນ ຕ່າງປະເທດສູນກາງພັກ ດຳເນີນໄປຢ່າງ ມີປະສິດທິພາບ ແລະ ປະສິດທິຜົນສູງ.


ຂ່າວ ແລະ ພາບ: ສິງຄຳ (ຂປລ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.