Header Ads

ສໍາເລັດກອງປະຊຸມວຽກງານຈັດຕັ້ງ,ກໍ່ສ້າງພັກ-ພະນັກງານ ປະຈໍາປີ 2017 ທົ່ວແຂວງ ບໍລິຄໍາໄຊ



ກອງງປະຊຸມວຽກງານຈັດຕັ້ງ,ກໍ່ສ້າງພັກ-ພະນັກງານ ປະຈໍາປີ 2017 ທົ່ວແຂວງ ບໍລິຄໍາໄຊ ໄດ້ຈັດຂຶ້ນໃນ ເຊົ້າໃນວັນທີ 14 ມີນາ 2018 ຢູ່ທີ່ຫ້ອງຊຸມຫ້ອງວ່າການປົກຄອງແຂວງ ບໍລິຄໍາໄຊ ມາໃນຕອນບ່າຍຂອງວັນທີ 15 ມີນາ 2018 ແລະ ໄດ້ອັດລົງຢ່າງຈົບງາມ. ກອງປະຊຸມພາຍໃຕ້ການເປັນປະທານຂອງທ່ານ ແດນປີ ມູນ ຫົວໜ້າຄະນະຈັດຕັ້ງແຂວງ, ບໍລິຄໍາໄຊ, ໃຫ້ກຽດເຂົ້າຮ່ວມຂອງທ່ານ ກອງແກ້ວ ໄຊສົງຄາມ ເຈົ້າແຂວງ ບໍລິຄໍາໄຊ, ມີສະພາປະຊາຊົນແຂວງ, ເຈົ້າເມືອງ-ຫົວໜ້າຄະນະຈັດຕັ້ງ 7 ຕົວເມືອງ,ກໍາລັງປ້ອງກັນຊາດ-ປ້ອງກັນຄວາມສະຫງົບ,ເລຂາຄະນະພັກຮາກຖານ,ເລຂາໜ່ວຍພັກຂົງເຂດປົກຄອງ, ລັດວິສາຫະກິດ,ຕະຫຼອດຮອດຜູ້ຮັບຜິດຊອບວຽກງານຈັດຕັ້ງເຂົ້າຮ່ວມ.



ກອງປະຊຸມໄດ້ຮັບຟັງບົດສະຫຼູບຕິລາຄາຄືນວຽກງານ ຮອບດ້ານໃນການຈັດຕັ້ງປະຕິບັດວຽກງານຈັດຕັ້ງ,ກໍ່ສ້າງພັກ-ພະນັກງານປະຈໍາປີ 2017 ທົ່ວແຂວງ ບໍລິຄໍາໄຊ ແລະ ທິດທາງແຜນການປີ 2018 ພ້ອມຮັບຟັງການປະກອບຄໍາເຫັນ ລາຍງານວຽກງານຈັດຕັ້ງ,ກໍ່ສ້າງພັກ-ພະນັກງານ ຈາກບັນດາເມືອງ ກໍາລັງປ້ອງກັນຊາດ-ປ້ອງກັນຄວາມສະຫງົບ,ຂົງເຂດຕ່າງໆຕື່ມອິກ,ຜູ້ແທນກອງປະຊຸມຍັງໄດ້ສຸມຈິດໃຈ ພ້ອມກັນປະກອບຄໍາເຫັນໃສ່ບົດລາຍງານຂັ້ນແຂວງ, ຂັ້ນເມືອງ ແລະ ພະແນກການ ພ້ອມຕອບຄໍາຖາມເຈາະຈີ້ມຂອງປະທານ ໃນການຈັດຕັ້ງປະຕິບັດໜ້າທີ່ວຽກງານ ໃນໄລຍະຜ່ານມາ ແລະ ສະເພາະໜ້າ, ທຸກຄໍາປະກອບຄໍາເຫັນຂອງບັນດາຜູ້ແທນລ້ວນແລ້ວແຕ່ເປັນບ່ອນໃນການຈັດຕັ້ງປະຕິບັດ ໃນສະເພາະໜ້າ ຕາມທິດທາງແຜນການທີ່ວາງໄວ້ນັ້ນບັນລຸຕາມຄາດໝາຍທີວາງໄວ້. 




ໂອກາດນີ້ທ່ານ ເຈົ້າແຂວງ ບໍລິຄໍາໄຊ ໄດ້ຕິລາຄາຍ້ອງຍໍຊົມເຊີຍຕໍ່ຜົນງານໝ່ວຍງານຈັດຕັ້ງ, ກໍ່ສ້າງພັກ-ພະນັກງານທຸກຂັ້ນ ໃນການຈັດຕັ້ງະຕິບັດໜ້າທີ່ວຽກງານວິຊາສິເພາະໃນໄລຍະຜ່ານມາ.ເພື່ອຊຸກຍູ້ການຈັດຕັ້ງປະຕິບັດບັນລຸຕາມຄາດໝາຍທີ່ກໍານົດໄວ້ນັ້ນ ທ່ານເຈົ້າແຂວງ ບໍລິຄໍາໄຊ ໄດ້ເນັ້ນໃໃຫ້ຄະນະພັກ-ຄະນະຈັດຕັ້ງແຕ່ລະຂັ້ນໃຫ້ສຶບຕໍ່ຄົ້ນຄ້ວາເຊື່ອມຊຶມບັນດາມະຕິຂອງກົມການເມືອງສູນການພັກທີ່ຕິດພັນກັບວຽກງານຈັດຕັ້ງກໍ່ສ້າງພັກ-ພະນັກງານໃນໄລຍະໃໝ່, ເພິ່ມທະວີການກໍ້ສ້າງໜ່ວຍພັກປອດໃສ,ເຂັ່ມແຂງ, ໜັກແໜ້ນເຊິ່ງແມ່ນວຽກເຄັງຮ້ອນ ແລະ ຈຸດສຸມໃນປີ 2018. ການກໍ່ສ້າງພັກທາງດ້ານການຈັດຕັ້ງຕ້ອງຖືເອົາຄຸນນະພາບເປັນກົກ, ຂະຫຍາຍພັກຕ້ອງຖືກຕາມກົດລະບຽບຂອງພັກໂດຍອິງໃສ່ຄວາມຮຽກຮ້ອງຕ້ອງການຕົວຈິງຂອງໜ້າທີ່ວຽກງານ,ຄະນະພັກ-ໜ່ວຍພັກແຕ່ລະຂັ້ນ-ແຕ່ລະໝ່ວຍຕ້ອງປະຕິບັດລະບອບດໍາເນີນຊີວີດການເມືອງ, ລະບອບປະຊຸມຕາມກົດລະບຽບຂອງພັກ,ວຽກງານພະນັກງານຕ້ອງຮັບປະກັນໃນການຄຸ້ມຄອງ, ຊັຊຊ້ອນຈັດວາງ ແລະ ກໍ່ສ້າງພະນັັກງານຂອງລັດໃຫ້ມີຄວາມເຂັ້ມແຂງ, ດ້ານກົງຈັກການຈັດຕັ້ງຄະນະນໍາແຕ່ລະບ່ອນພ້ອມກັນກວດກາຄື່ນໃໝ່ກ່ຽວກັບຕໍາແໜ່ງງານ ໃຫ້ສົມເຫດສົມຜົນ, ຄະນະພັກແຕ່ລະຂັ້ນ,ໜ່ວຍພັກແຕ່ລະຽ່ວຍຕ້ອງໄດ້ສຶບຕໍ່ຕິລາຄາຄວາມຮັບຜິດຊອບໜ້າທີການເມືອງຂອງຕົນທີ່ໄດ້ຮັບການມອບໝາຍຂອງລວມໝູ່,ຄະນະ ແລະ ຂອງບຸກຄົນເພື່ອເຮັດໃຫ້ຄະນະພັກແຕ່ລະບ່ອນມີຄວາມປອດໃສ່,ເຂັ້ມແຂງ ແລະ ໜັກແໜ້ນ.

ເນື່ອງໂອກາດກອງປະຊຸມວຽກງານຈັດຕັ້ງ,ກໍ່ສ້າງພັກ-ພະນັກງານ ປະຈໍາປີ 2017 ທົ່ວແຂວງ ບໍລິຄໍາໄຊ ໃນຄັ້ງນີ້ ທ່ານເຈົ້າແຂວງ ບໍລິຄໍາໄຊ ຕ່າງໜ້າໃຫ້ຄະນະບໍລິຫານພັກແຂວງ ຍັງໄດ້ມອບຄອມພິວເຕີຕັ້ງໂຕະ ແລະ ເຄື່ອງປິ້ນເຕີຈໍານວນ 7 ຊຸດໃຫ້ຄະນະຈັດຕັ້ງເມືອງ 7 ຕົວເມືອງ ເພື່ອນໍາໃຊ້ເຂົ້າໃນການປະຕິບັດວຽກງານສະເພາະດ້ານຕື່ມອິກ.

ທີ່ມາ:  ວິທະຍຸກະຈາຍສຽງແຫ່ງຊາດ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.