Header Ads

ເຫດລົດໃຫຍ່ຕໍານັກຮຽນ ຂະນະທີ່ພວມອະນາໄມຢູ່ໃນສ່ວນເຈົ້າຟ້າງຸ່ມ




ອີງຕາມການລາຍງານຂອງໜ້ວຍກູ້ໄພ ວ່າ : ວັນທີ24/03/2018 ເວລາ 06:04 ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວໄດ້ຮັບແຈ້ງເຫດຈາກປະຊາຊົນວ່າມີເຫດລົດໃຫຍ່ຕຳຄົນ ໂດຍຈຸດເກີດເຫດແມ່ນຢູ່ ສວນເຈົ້າຟ້າງຸ່ມ. ເມື່ອໜ່ວຍກູ້ໄພມູນນິທິອອກກວດສອບເຫດພົບວ່າມີຄົນເຈັບ 1 ຄົນ ໂດຍເບື້ອງຕົ້ນຄົນເຈັບເປັນເພດຍິງ 16ປີ ອາຊີບ ນັກຮຽນ ບ້ານບໍ່ນາງົວ ເມືອງຈັນທະບູລີ ແຂວງນະຄອນຫຼວງວຽງຈັນ





ສໍາລັບອາການຄົນເຈັບເບື້ອງຕົ້ນແມ່ນ ຂາຫັກເບື້ອງຂວາ ແລະ ມີບາດເປີດຢູ່ໜ້າແຂ່ງເບື້ອງຂວາ ກະທົບຫົວບໍ່ມີສະຕິ ເຊິ່ງໜ່ວຍກູ້ໄພມູນນິທິໄດ້ປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍມິດຕະພາບ150ຕຽງ ແລະ ນ້ອງໄດ້ເສຍຊີວິດໃນເວລາຕໍ່ມາ. 




ນັບວ່າເປັນເລື່ອງເສົ້າ ແລະ ສະຫຼົດໃຈທີ່ສຸດເມື່ອນ້ອງອາສາໄປທໍາຄວາມສະອາດບໍລິເວນສວນເຈົ້າຟ້າງຸ່ມ ກັບຕ້ອງສັງເວີຍຊີວິດໃຫ້ກັບເຫຍື່ອອຸບັດຕິເຫດ ເຮັດໃຫ້ຄວາມຝັນຂອງຄອບຄົວໝົດສີ້ນ ແລະ ນ້ອງຕ້ອງຈາກໂລກນີ້ໄປຢ່າງບໍ່ມີວັນຫອນຄືນມາ.  ຂໍຝາກເຫດການນີ້ເປັນອຸທາຫອນສໍາລັບທຸກທ່ານທີ່ໃຊ້ລົດໃຊ້ຖະໜົນ ໃຫ້ມີສະຕິ ແລະ ຂັບຂີ່ຢ່າງລະມັດລະວັງ ເມື່ອດື່ມຫ້າມເດັດຂາດໄປຂັບລົດ ຫຼື ພາຫະນາ ເພາະມັນອາດນໍາພາໄປສູ່ເຫດໂສກອານາດຕະກໍາທັງຊີວິດຕົນເອງ ແລະ ຜູ້ອື່ນ.





ຂໍສະແດງຄວາມເສຍໃຈນໍາຄອບຄົວ ແລະ ຍາດພີ່ນ້ອງ ນ້ອງທີ່ປະສົບອຸບັດເຫດໃນຄັ້ງນີ້ດ້ວຍ.



ເຈັບປ່ວຍສຸກເສີນໂທ1623ຟຣີຕະຫຼອດ 24 ຊົ່ວໂມງ
ພາບ ແລະ ຂ່າວ: ໜ່ວຍກູ້ໄພມູນນິທິ 1623
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.