Header Ads

ກອງປະຊຸມແລກປ່ຽນບົດຮຽນ ເພື່ອພັດທະນາວຽກງານຂ່າວສານແມ່ຍິງລາວ



ໃນວັນທີ 27 ມີນາ 2018 ຜ່ານມານີ້ທີ່ ສູນຝຶກອົບຮົມແມ່ຍິງລາວ ນະຄອນຫຼວງວຽງຈັນ, ກົມຂ່າວສານແມ່ຍິງລາວ ສູນກາງສະຫະພັນແມ່ຍິງລາວ ໄດ້ມີການຈັດ ກອງປະຊຸມແລກປ່ຽນບົດຮຽນເພື່ອພັດທະນາວຽກງານຂ່າວສານ ແມ່່ຍິງລາວ ຂື້ນໂດຍການເປັນປະທານຂອງ ທ່ານນາງ. ທຸມມາລີ ວົງພະຈັນ ຮອງປະທານ ຄະນະບໍລິຫານງານ ສູນກາງສະຫະພັນແມ່ຍິງລາວ, ມີບັນດາບັນນາທິການ, ນັກຂຽນ,ນັກປະພັນ ແລະ ສື່ມວນຊົນຈາກພາກສ່ວນຕ່າງໆເຂົ້າຮ່ວມ.


ກອງປະຊຸມແລກປ່ຽນຮບົດຽນຄັ້ງນີ້, ມີຄວາມສໍາຄັນຫຼາຍ ບັນດາບັນນາທິການ ແລະ ສື່ມວນຊົນທີ່ເຂົ້າຮ່ວມແມ່ນຈະໄດ້ແລກປ່ຽນບົດຮຽນ, ຜົນສໍາເລັດ, ຂໍ້ຄົງຄ້າງ ແລະ ວິທີການແກ້ໄຂ ປະສົບການເພື່ອພັດທະນາວຽກງານຂ່າວສານແມ່ຍິງລາວ ໃຫ້ໄດ້ຮັບການພັດທະນາຫຼາຍຂື້ນ ໃຫ້ໄດ້ທັງປະລິມານ ແລະ ຄຸນນະພາບ, ເປັນການຍົກລະດັບຄວາມຮູ້ ຄວາມສາມາດທາງດ້ານການຂຽນຂ່າວ, ຂຽນບົດ, ການສົ່ງຂໍ້ມູນຂ່າວສານ ທີ່ກ່ຽວກັບການໂຄສະນາຜ່ານສື່ຂອງສະຫະພັນແມ່ຍິງລາວ ໃຫ້ສາມາດຮອງຮັບກັບຫນ້າທີ່ການເມືອງ ໃນປັດຈຸບັຍຢ່າງມີປະສິດທິດພາບ, ເມື່ອທຽບໃສ່ຄວາມຮ້ຽກຮ້ອງຕ້ອງການໃນການພັດທະນາວຽກງານຂ່າວສານແມ່ຍິງລາວແລ້ວ ແມ່ນມີຄວາມຈໍາເປັນຕ້ອງໄດ້ຍົກລະດັບຄວາມຮູ້ຄວາມສາມາດ ຕ້ອງໄດ້ແລກປ່ຽນຖອດຖອນບົດຮຽນກັບບັນດາ ບັນນາທິການ, ນັກຂຽນອາວຸໂສທີ່ມີປະສົບການ ລວມທັງການປະກອບຄໍາຄິດຄໍາເຫັນ ເພື່ອເປັນທິດທາງໃນການປັບປຸງ ເພື່ອໃຫ້ເໝາະສົມກັບຈຸດພິເສດຂອງແຕ່ລະວຽກງານ ໃຫ້ໄດ້ທັງປະສິດທິພາບ ແລະ ປະສິດທິຜົນ.






 ໂດຍສະເພາະທາງດ້ານເນື້ອໃນ, ຮູບແບບສີສັນ, ຄວາມວ່ອງໄວ, ຖືກຕ້ອງ-ຊັດເຈນ, ເໝາະສົມກັບຜູ້ຊົມໃຊ້, ສ້າງຄວາມດຶງດຸດໃຈໃຫ້ແກ່ມວນຊົນ, ເພື່ອເອົາຄວາມຮູ້ປະສົບການ ໃນກອງປະຊຸມຄັ້ງດັ່ງກ່າວມາໝູນໃຊ້ເຂົ້າໃນວຽກງານຂ່າວສານແມ່ຍິງລາວ ໃຫ້ມີຄວາມເຂັ້ມແຂງ ເຮັດໃຫ້ສື່ເລົ່ານີ້ ເປັນເຄື່ອງມືອັນແຫລມຄົມ ໃນການເຜີຍແຜ່ແນວທາງນະໂຍບາຍຂອງພັກ - ລັດ, ມີເນື້ອໃນທາງດ້ານການເມືອງ-ແນວຄິດ, ທິດສະດີອັນເລິກເຊິງ, ທັງມີລັກສະນະຕໍ່ສູ້, ລັກສະນະປະຊາຊົນ, ມີການໃຫ້ຂ່າວຢ່າງກ້ວາງຂວາງ, ຄົບຖ້ວນ ແລະ ແທດເໝາະກັບຕົວຈິງ, ຕອບສະໜອງໄດ້ຄວາມຮຽກຮ້ອງຕ້ອງການຂອງສະພາບການ ໃນແຕ່ລະໄລຍະ, ວ່ອງໄວ, ທັນການ ຊັດເຈນ, ຈະແຈ້ງ, ເຂົ້າໃຈງ່າຍ ແລະ ມີຫລາຍຮູບຫລາຍສີ ຍິ່ງໆຂື້ນ. ກອງປະຊຸມຄັ້ງນີ້ ບັນດາຜູ້ເຂົ້າຮ່ວມ ຍັງໄດ້ມີການປະກອບຄໍາຄິດເຫັນ ໃນຫລາຍຮູບແບບຫລາຍສີສັນ ເພື່ອແລກປ່ຽນບົດຮຽນ ແລະ ປະສົບການຕົວຈິງ ທີ່ພົບເຫັນໃນປະຈຸບັນ ເພື່ອນໍາມາປັບປຸງ ຫມຸນໃຊ້ ໃນທິດທາງທີ່ຖືກຕ້ອງ, ພ້ອມກັນພັດທະນາວຽກງານຂ່າວສານແມ່ຍິງລາວ ໃຫ້ໄດ້ຮັບການພັດທະນາໃນດ້ານຕ່າງໆ. ກອງປະຊຸມ ຄັ້ງນີ້ ໄດ້ດໍາເດີນ 1 ວັນເຕັມ ຈິ່ງໄດ້ປິດລົງດ້ວຍຜົນສໍາເລັດ ແລະ ບົດຮຽນທີ່ລໍ້າຄ່າ. ພາບ ແລະ ຂ່າວ: ໂຊກດີ 


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.