Header Ads

ເຜີຍແຜ່ວຽກງານຄຸ້ມຄອງ ແລະ ສົ່ງເສີມອຸດສາຫະກໍາປຸງແຕ່ງ ແລະ ຫັດຖະກໍາ





ລະຫວ່າງວັນທີ 26-28 ມີນາ 2018 ທີ່ພະແນກກະສິກໍາ ແລະ ປ່າໄມ້ແຂວງຫຼວງພະບາງ ໄດ້ມີກອງປະຊຸມເຜີຍແຜ່ວຽກງານຄຸ້ມຄອງ ແລະ ສົ່ງເສີມອຸດສາຫະກໍາປຸງແຕ່ງ ແລະ ຫົດຖະກໍາ ໂດຍການເປັນປະທານຂອງທ່ານ ພັນທອງ ພິດທຸມມາ ຮອງລັດຖະມົນຕີກະຊວງອຸສາຫະກໍາ ແລະ ການຄ້າ,ມີຮອງຫົວໜ້າກົມ,ພະແນກການຕ່າງໆຂອງກະຊວງອຸສາຫະກໍາ-ການຄ້າ,ຕາງໜ້າພະແນກການຂອງແຂວງຫຼວງພະບາງ ແລະ ບັນດາ 8 ແຂວງພາກເໜືອ ພ້ອມດ້ວຍພະນັກງາານວິຊາການເຂົ້າຮ່ວມ.



ທ່ານ ພັນທອງ ພິດທຸມມາ ຮອງລັດຖະມົນຕີກະຊວງອຸສາຫະກໍາ ແລະ ການຄ້າ ໄດ້ກ່າວວ່າ: ວຽກງານອຸດສາຫະກໍາ ແລະ ຫັດຖະກໍາປຸງແຕ່ງ ເປັນວຽກງານໜຶ່ງທີ່ສໍາຄັນ ຕໍ່ກັບການພັດທະນາເສດຖະກິດ-ສັງຄົມຂອງປະເທດເວົ້າລວມ,ເວົ້າສະເພາະແມ່ນພັດທະນາເສດຖະກິດຂອງແຂວງຫຼວງພະບາງ ແລະ ບັນດາ 8 ແຂວງພາກເໜືອ,ເຊິ່ງຕິດພັນໂດຍກົງ ຕໍ່ກັບການບັນລຸເປົ້າໝາຍສະຫັດສະຫວັດ ດ້ານການພັດທະນາ ແລະ ນໍາເອົາປະເທດຊາດຫຼຸດພົ້ນອອກຈາກຄວາມດອຍພັດທະນາໃນປີ 2020.ວຽກງານດັ່ງກ່າວນີ້ ເປັນການເສີມສ້າງຄວາມຮູ້ ແລະ ຄວາມເຂົ້າໃຈເພີ່ມເຕີມໃຫ້ແກ່ບັນດາທ່ານທັງພາກລັດ,ພາກເອກະຊົນ ແລະ ຜູ້ປະກອບການທຸລະກິດໃນການຈັດຕັ້ງປະຕິບັດວຽກງານຄຸ້ມຄອງ ແລະ ສົ່ງເສີມອຸດສາຫະກໍາ ແລະ ຫັດຖະກໍາ,ເພື່ອສ້າງກາລະໂອກາດທີ່ເອື້ອອໍານວຍໃຫ້ແກ່ນັກລົງທຶນ,ຜູ່ປະກອບການກດໍາເນີນກິດຈະການໂຮງງານອຸດສາຫະກໍາ ແລະ ຫັດຖະກໍາໃຫ້ຖຶກຕ້ອງ ແລະ ສອດຄ່ອງຕາມລະບຽບກົດໝາຍຂອງ ສປປ ລາວ.

ໃນວາລະກອງປະຊຸມໄດ້ເຜີຍແຜ່ຫຼາຍເອກະສານເຊັ່ນ: ກົດໝາຍວ່າດ້ວຍການຄຸ້ມຄອງເຄມີ,ການປະເມີນການຈັດຕັ້ງປະຕິບັດກົດໝາຍວ່າດ້ວຍຫົດຖະກໍາດ,ສະບັບເລກທີ 67/ສພຊ,ກົດໝາຍວ່າດ້ວຍອຸດສສາຫະກໍາ ປຸງແຕ່ງ ສະບັບປັບປຸງ ເລທີ 48/ສພຊ,ຂໍ້ຕົກລົງວ່າດ້ວຍການຮັບຮອງເອົາລາຍການບັນຊີ ຜະລິດຕະພັນໄມ້ ເພື່ອສົ່ງອອກ ສະບັບປັບປຸງເລກທີ 0002/ອຄ.ກອຫ,ເຜີຍແຜ່ຂໍ້ຕົກລົງວ່າດ້ວຍການຄຸ້ມຄອງຜະລິດຕະພັນອຸດສາຫະກໍາ ສະບັບເລກທີ 0469/ອຄ.ກອຫ ແລະ ວຽກງານສະຖິຕິອຸດສາຫະກໍາປຸງແຕ່ງ,ການລາຍງານຂໍ້ມູນສະຖິຕິອຸດສາຫະກໍາ ແລະ ຫັດຖະກໍາ,ການຄຸ້ມຄອງໂຮງງານອຸດສາຫະກໍາປຸງແຕ່ງ,ການຄຸ້ມຄອງເຂດ ແລະ ນິຄົມອຸດສາຫະກໍາ ແລະ ເຜີຍແຜ່ລະບຽບການກ່ຽວກັບການຄຸ້ມຄອງສິ່ງແວດລ້ອມ ແລະ ເຄມີ. ຈາກນັ້ນຜູ້ເຂົ້າຮ່ວມກອງປະຊຸມກໍໄດ້ສົນທະນາ,ປຶກສາຫາລືກັນ ພ້ອມທັງຕັ້ງຄໍາຖາມ-ຕອບຢ່າງກົງໄປກົງມາ,ພ້ອມກັນຊອກຫາວິທີຮັບມືກັບສະພາບຕົວຈິ່ງ ແລະ ແກ້ໄຂບັນຫາທີ່ເກີດຂື້ນຢູ່ພາຍໃນຂົງເຂດ,ແຂວງຂອງຕົນ.ນອກນນີ້ຜູ້ເຂົ້າຮ່ວມກອງປະຊຸມກໍໄດ້ໄປຢ້ຽມຢາມໂຮງງານອຸດສາຫະກໍາ ຢູ່ພາຍໃນເມືອງຫຼວງພະບາງຕື່ມອີກ.


ຂ່າວ: ເພັດສາຄອນ ສິມມະວົງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.