Header Ads

ຊົມເຊີຍວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 63 ປີ



ເຊິ່ງມູນເຊື້ອການກຳເນີດ, ເຕີບໃຫຍ່ຂະຫຍາຍຕົວຂອງພັກເຮົາ. ປີ 1955 ຕໍ່ໜ້າຄວາມຮຽກຮ້ອງຕ້ອງການໃໝ່ຂອງການປະຕິວັດ ໂດຍປະຕິບັດຕາມມະຕິຂອງກອງປະຊຸມໃຫຍ່ ຄັ້ງທີ II ຂອງພັກກອມມູນິດອີນດູຈີນ, ບັນດານັກກອມມູນິດລາວ ພາຍຫຼັງກະກຽມມາໄດ້ໃນໄລຍະໜຶ່ງ ກໍ່ໄດ້ເປີດກອງປະຊຸມໃຫຍ່ຜູ້ແທນທົ່ວປະເທດ ສ້າງຕັ້ງພັກປະຊາຊົນ ປະຕິວັດລາວ ໃນວັນທີ 22 ມີນາ 1955.

ພາຍຫຼັງທີ່ພັກປະຊາຊົນ ປະຕິວັດລາວ ໄດ້ກຳເນີດຂື້ນ ແລະ ນຳພາພາລະກິດຕໍ່ສູ້ປົດປ່ອຍຊາດ ປະເທດຊາດຂອງພວກເຮົາ ໄດ້ມີການຫັນປ່ຽນຢ່າງໃຫຍ່ຫຫຼວງ ເຊີ່ງບໍເຄີຍມີມາກ່ອນໃນປະຫວັດສາດຂອງຊາດເຮົາ, ໂດຍເສີມຂະຫຍາຍມູນເຊື້ອຮັກຊາດ, ນໍ້າໃຈຕໍ່ສູ້ພິລະອາດຫານ, ບໍ່ຍອມຈຳນົນ ຂອງປະຊາຊົນບັນດາເຜົ່າ ເຂົ້າໃຈໃນການຕໍ່ສູ້ ກູ້ຊາດ ຕ້ານການຮຸກຮານຂອງ ພວກລ່າເມືອງຂື້ນແບບເກົ່າ ແລະ ແບບໃໝ່. ພາຍໃຕ້ການນຳພາຂອງພັກ ມະຫາຊົນຊັ້ນຄົນຕ່າງໆ, ກຳມະກອນ-ຊາວນາ, ນັກຮຽນ, ນັກສຶກສາ ໄດ້ພ້ອມກັນລຸກຮື້ຂື້ນ ແລະ ເຂົ້າຮ່ວມຂະບວນການຕໍ່ສູ້ນັບມື້ນັບຫລາຍ ແລະ ແຂງແຮງ ດ້ວຍເງື່ອນໄຂອຳນວຍຄວາມສະດວກໃຫ້ແກ່ການປະຕິວັດລາວ ກຳແໜ້ນເອົາກາລະໂອກາດ ພັນປີມີເທື່ອໜຶ່ງ ພັກເຮົາໄດ້ຕົກລົງລຸກຮື້ຂື້ນຍຶດອຳນາດ ໃນຕົ້ນເດືອນ 5 ປີ 1975 ດ້ວຍ 3 ບາດຄ້ອນຍຸດທະສາດຄື: ການລຸກຮື້ຂື້ນຂອງປະຊາຊົນ, ການໝູນໜີບຂອງກຳລັງປະກອບອາວຸດປະຕິວັດ ແລະ ການລຸກຮື້ຂື້ນແຍກຕົວຂອງທະຫານສັດຕູສົມທົບກັບປາຍແຫຼມຂອງການຕໍ່ສູ້ທາງດ້ານກົດໝາຍ. ຈົນສາມາດລຶບລ້າງອໍານາດການປົກຄອງເກົ່າທັງໝົດ ແລະ ສ້າງຕັ້ງອຳນາດການປົກຄອງປະຕິວັດຂື້ນແທນໃນຂອບເຂດທົ່ວປະເທດ ວັນທີ່ 2 ທັນວາ 1975 ໄດ້ປະກາດສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງເປັນທາງການ.
ມູນເຊື້ອອັນອົງອາດສະຫຼາດ ສ່ອງໃສຂອງພັກປະຊາຊົນປະ ຕິວັດລາວທີ່ໄດ້ນຳພາກອງທັບ ແລະ ປະຊາຊົນລາວບັນດາເຜົ່າ ດຳເນີນການຕໍ່ສູ້ຍາດເອົາເອກະລາດ, ອຳນາດ, ອະທິປະໄຕ ແລະ ຄວາມມີອິດສະຫຼະພາບ ມາສູ່ປະຊາຊົນລາວບັນດາເຜົ່າ, ຍົກໃຫ້ເຫັນວິວັດທະນາການ ແຫ່ງການກໍ່ຕັ້ງປັບປຸງກໍ່ສ້າງ ເຕີບໃຫຍ່ຂະຫຍາຍຕົວ, ຜົນງານ ວິລະກຳອັນລໍ້າເລີດ, ທາດແທ້ ມູນເຊື້ອອັນສະຫງ່າງາມຂອງ ພັກ, ຕະຫຼອດໄລຍະຜ່ານມາ ເພື່ອແນໃສ່ສຶກສາອົບຮົມໃຫ້ສະ ມາຊິກພັກ-ພະນັກງານ-ນັກຮົບ ໃຫ້ຮັບຮູ້ເຂົ້າໃຈເລິກເຊິ່ງ, ພ້ອມ ກັນນັ້ນເອົາໃຈໃສ່ສຶບຕໍ່ຮັກສາ ແລະ ເສີມຂະຫຍາຍທາດແທ້ອັນດີງາມຂອງພັກຕະຫຼອດໄປ, ການກຳເນີດຂອງພັກປະຊາຊົນ ປະຕິວັດລາວ, ຊາດລາວແມ່ນຊາດໜຶ່ງທີ່ມີປະຫວັດແຫ່ງການກຳເນີດ, ຄົງຕົວ ແລະ ຂະຫຍາຍ ຕົວຍາວນານມາຫຼາຍພັນປີ, ມີປະຫວັດອັນເກົ່າແກ່, ມີມູນ ເຊື້ອທີ່ສະຫງ່າອົງອາດ ແລະ ຈົບ ງາມມາແຕ່ບູຮານນະການເຊັ່ນ: 
ມູນເຊື້ອດຸໜັ່ນໃນການອອກແຮງ ງານ, ມູນເຊື້ອສາມັກຄີປອງດອງ, ມູນເຊື້ອຮັກເຊື້ອແພງ ຊາດ, ມູນເຊື້ອວັດທະນາທຳທີ່ ເປັນເອກະລັກອັນດີງາມ ແລະ ອັນພົ້ນເດັ່ນກວ່າໝູ່ແມ່ນມູນເຊື້ອ ແຫ່ງການຕໍ່ສູ້ບໍ່ຍອມຈຳນົນ ຕ້ານການຮຸກຮານຂອງສັດຕູ ຢ່າງເດັດດ່ຽວໜຽວແໜ້ນຂອງ ບັນດາບັນພະບູລຸດລາວເຮົາໃນການທ້ອນໂຮມ, ປົກປັກຮັກສາ ແລະ ສ້າງສາປະເທດຊາດເພື່ອ ຄວາມຢູ່ເຢັນເປັນສຸກຂອງປະຊາຊົນລາວບັນດາເຜົ່າໃນແຕ່ລະຍຸກແຕ່ລະສະໄໝສຶບທອດຕໍ່ກັນ ມາຈົນເຖິງປັດຈຸບັນ, ວັນທີ 3/2/ 1930 ພັກອມມູນິດອິນດູຈິນ ໄດ້ຮັບການສ້າງຕັ້ງຂື້ນພາຍໃຕ້ ການນຳພາຊີ້ນຳໂດຍກົງຮອບດ້ານຂອງປະທານໂຮ່ຈິມິນ ພັກໄດ້ວາງແນວທາງຍຸດທະສາດ ຍຸດໂທບາຍຂອງການປະຕິວັດ ອິນດູຈີນອອກຢ່າງລະອຽດ ຊີ້ ໃຫ້ເຫັນຊາຕາກຳຂອງປະຊາຊົນ 3 ປະເທດທີ່ຕົກເປັນຫົວເມືອງຂຶ້ນຂອງຈັກກະພັດລ່າເມືອງຂຶ້ນ ຝຮັ່ງ ຍົກໃຫ້ເຫັນຂໍ້ຂັດແຍ່ງພື້ນຖານໃນອິນດູຈີນເຊິ່ງແມ່ນຂໍ້ຂັດແຍ່ງລະຫວ່າງກຳມະກອນ-ຊາວນາ ແລະ ປະຊາຊົນຜູ້ອອກແຮງງານກັບຈັກກະພັດລ່າເມືອງຂຶ້ນ ສັກດີນາ ເຈົ້າທີ່ດິນ ແລະ ນາຍທຶນ ໜ້າທີ່ພື້ນຖານຂອງການປະຕິວັດແມ່ນໂຄ່ນລົ້ມຈັກະພັດຝຮັ່ງ ເຮັດໃຫ້ອິນດູຈີນເປັນເອກະລາດ ສົມບູນລົບລ້າງລະບອບສັກດີນາກຳລັງຕົ້ນຕໍຂອງການປະຕິ ວັດແມ່ນກຳມະກອນ ແລະ ຊາວນາພາຍໃຕ້ການນຳພາຂອງຊົນຊັ້ນກຳມະກອນ ປັດໄຈຕັດສິນໄຊຊະນະຂອງການປະຕິວັດແມ່ນ ການນຳພາຂອງພັກກອມມູນິດ ທີ່ມີແນວທາງການເມືອງທີ່ຖືກຕ້ອງມີລະບຽບວິໄນຕິດພັນກັບ ຮາກຖານປະຊາຊົນ, ພັກປະຊາຊົນປະຕິວັດລາວແມ່ນພັກຂອງ ຊົນຊັ້ນກຳມະກອນ ເປັນຕົວແທນ ທີ່ຈົ່ງຮັກພັກດີສິດຜົນປະໂຫຍດ ຂອງຊົນຊັ້ນກຳມະກອນ ຊາວຜູ້ອອກແຮງງານລາວທີ່ຮັກຊາດ ແລະ ຂອງຊາດລາວທັງໝົດ ພັກ ປະຊາຊົນປະຕິວັດລາວຍຶດໜັ້ນ ລັດທິມາກ-ເລນິນ ແລະ ມູນເຊື້ອ ອັນດີງາມຂອງພັກເປັນພື້ນຖານ ແຫຼ່ງແນວຄິດເປັນເຂັມທິດໃຫ້ ແກ່ການຈັດຕັ້ງ ແລະ ການເຄື່ອນໄຫວຂອງພັກ ເສີມຂະຫຍາຍລັດທິຮັກຊາດອັນແທ້ຈິງສົມທົບກັບ ລັດທິສາກົນອັນຜ່ອງໃສຂອງ ຊົນຊັ້ນກຳມະກອນ ຮັບເອົາສິ່ງຍອດຍິ່ງທາງດ້ານສະຕິປັນຍາທີ່ກ້າວໜ້າຂອງມະນຸດເພື່ອກຳນົດ ແນວທາງແຜນການນະໂຍບາຍ ຂອງພັກ ຍົກສູງຄວາມສາດ ແລະ ຄຸນະພາບການນຳພາຂອງ ພັກຕ້ານລະບອບຫຼາຍເຄົ້າຫຼາຍພັກຕ້ານລັດທິເອກະຊົນ ແລະ ຕ້ານລັດທິສວຍໂອກາດໃນທຸກຮູບແບບ, ນັບແຕ່ມື້ສ້າງຕັ້ງຂຶ້ນ ພັກປະຊາຊົນປະຕິວັດລາວໄດ້ ກຳນົດອຸດົມການຂອງຕົນຢ່າງຈະແຈ້ງຄື:

ນຳພາປວງຊົນລາວ ດຳເນີນການຕໍ່ສູ້ພວກຈັກກະພັດ ລ່າເມືອງຂຶ້ນ ເພື່ອນຳເອົາຄວາມເປັນເອກະລາດມາໃຫ້ແກ່ປະເທດຊາດ ແລະ ສິດເປັນເຈົ້າມາໃຫ້ປະຊາຊົນສ້າງສາປະເທດຊາດສູ່ຈຸດໝາຍສັງຄົມນິຍົມ ປັດຈຸບັນພັກເຮົາໄດ້ເສີມຂະຫຍາຍ ອຸດົມການໃຫ້ມີຄວາມສອດຄ່ອງຕື່ມອີກຄື ນຳພາທົ່ວປວງ ຊົນລາວປົກປັກຮັກສາ ແລະ ພັດທະນາປະເທດຊາດ ເຮັດໃຫ້ປະຊາຊົນຮັ່ງມີຜາສຸກປະເທດຊາດ ມັ່ງຄັ່ງເຂັ້ມແຂງສັງຄົມສາມັກຄີປອງດອງ ປະຊາທິປະໄຕ ຍຸຕິທຳ ແລະ ສີວິໄລເຊິ່ງລວມຄວາມແລ້ວກໍແມ່ນມີຄວາມໝາຍດຽວກັນກັບຄຳວ່າສັງຄົມນິຍົມ. ພ້ອມນັ້ນທ່ານປະທານ ຍັງໄດ້ເນັ້ນໜັກໃຫ້ຄະນະນຳ-ຄະນະບັນຊາ, ພະນັກງານສະ ມາຊິກພັກ ແລະ ນັກຮົບຈົ່ງພ້ອມກັນເອົາໃຈໃສ່ຕັ້ງໜ້າຄົ້ນຄວ້າ ເຊື່ອມຊຶມກຳແໜ້ນເອົາແນວທາງປ່ຽນແປງໃໝ່ຂອງພັກປະກອບສ່ວນຢ່າງຕັ້ງໜ້າໃນການ ຜັນຂະຫຍາຍເນື້ອໃນຈິດໃຈມະຕິກອງປະຊຸມໃຫຍ່ຄັ້ງທີ X ຂອງ ພັກເຂົ້າໃນໜ້າທີ່ການເມືອງ ຂອງກົມກອງ, ຂະແໜງການ ວຽກງານຂອງຕົນດ້ວຍຈິດໃຈ ບຸກທະລຸຢ່າງແຂງແຮງເຮັດໃຫ້ ມີການປ່ຽນແປງໄປໃນທາງທີ່ຕັ້ງໜ້າຢ່າງຈະແຈ້ງ.
ໃນວັນດຽວກັນນີ້ ກໍ່ຍັງເປັນວັນນໍ້າໂລກ 22 ມີນາ 2018 ພາຍໃຕ້ຫົວຂໍ້ ທຳມະຊາດເພື່ອນໍ້າ.
 ບົດຄວາມ: Sengaloun Sayalath
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.