Header Ads

ຈົດໝາຍຮ້ອງຂໍຄວາມຊ່ວຍເຫຼືອ: ປະຊາຊົນ ບ້ານໂພນໄຊ 72 ຄອບຄົວ ໂຮມເງິນກັນຈະສ້າງຂົວ ແຕ່ງົບປະມານສູງຫຼາຍ! ວອນພາກລັດຊ່ວຍຕື່ມແດ່


ສະບາຍດີໂທລະໂຄ່ງ,

ພວກເຮົາຕາງໜ້າໃຫ້ປະຊາຊົນ ທັງໝົດໃນບ້ານ ໂພນໄຊ ເມືອງຫຼວງພະບາງ, ແຂວງຫຼວງພະບາງ. ປະຈຸບັນ ຍ້ອນບັນຫາຂົວໄມ້ທີ່ເກົ່າແລະເພ ເຮັດໃຫ້ການສັນຈອນມີບັນຫາ ໃນລະດູຝົນ.

ຂົວທີ່ຕ້ອງການສ້າງແມ່ນ ຂົວຫ້ວຍມູດ ຢູ່ບ້ານໂພນໄຊ (ປາກມູດ) ເມືອງແລະຂວງຫລວງພະບາງ ຕິດກັບສະຫນາມກອບຫລວງພະບາງ ທາງຟາກແຄມຂອງ ບ້ານຫ່າງຈາກຕົວເມືອງຫລວງພະບາງປະມານ 5 km ແຕ່ກີ້ເປັນຂົວໄມ້ປະຖົມປະຖາມມາກວ່າ 40 ປີແລ້ວ ລົດໃຫຍ່ເຂົ້າບໍ່ໄດ້ ມີແຕ່ລົດຈັກທຽວໄດ້



ມັນມີຄວາມຫຍຸ້ງຍາກຫລາຍສຳລັບການກໍ່ສ້າງເຮືອນຊານຫລືການຂົນຍ້າຍສີ່ງຂອງຕ່າງໆເພາະທາງລົດເຂົ້າບໍ່ຮອດປະຊາຊົນຕ້ອງໄດ້ຂົນເອົາເອງ ທາງບ້ານກະໄດ້ສະເຫນີນຳທາງເມືອງທາງແຂວງຫລາຍເທື່ອແລ້ວເພີ່ນວ່າບໍ່ມີງົບ ເພີ່ນວ່າຖ້າຈະສ້າງແມ່ນເພີ່ນຈະຊ່ວຍອອກແບບຂົວໃຫ້ກັບຊ່ວຍໂຄງເຫລັກເກົ່າຈາກຂົວບ່ອນອື່ນໃຫ້ ສ່ວນຄ່າວັດສະດຸຄ່າແຮງງານຕ່າງໆແມ່ນໃຫ້ກຸ້ມຕົນເອງ ຈົນມາຮອດທ້າຍປີ 2017 ທາງຄະນະບ້ານກໍ່ໄດ້ສະເຫນີເພີ່ນອີກໃຫ້ເພີ່ນອອກແບບໃຫ້ແລະຊ່ວຍເຫລືອໂຄງເຫລັກຕາມທີລົມກັນ ,ເຊີ່ງລະຄາທີ່ເພີ່ນອອກແບບມາແມ່ນສູງຫລາຍຕົກຢູ່ປະມານ 500 ລ້ານ ແຕ່ປະຊາຊົນເຮົາບໍ່ມີເງີນຮອດ ເພາະເກັບກັນຄອບຄົວລະ 1 ລ້ານກີບ ມີ 72 ຄອບຄົວ ກະໄດ້ແຕ່ເຈັດສິບສອງລ້ານ,



ຂົວແມ່ນເປັນຂົວຂົວເຫລັກຍາວປະມານ 24 ແມັດ ແລ້ວພວກເຮົາກະຕັດສີນໃຈລົງມືສ້າງເພາະຂົວໄມ້ໂຕເກົ່າກະໃກ້ຊິຫັກລົງແລ້ວ  .ພວກເຮົາສ້າງໄດ້ສ່ວນນື່ງເງີນກະຫມົດ ແຫລະບໍ່ມີເງີນຊື້ວັດສະດຸແລ້ວ

ດັ່ງນັ້ນຈື່ງຢາກຝາກເພຈໂທລະໂຄ່ງເຮົາເປັນສື່ກາງໃນການໂພດເຜີຍແຜ່ເພື່ອອາດມີຄົນໃຈບຸນຢາກຊ່ວຍບ້ານພວກເຮົາໃນການສ້າງຂົວຄັ້ງນີ້ໃຫ້ສຳເລັດ




ສ່ວນລາຍລະອຽດຫລາຍກວ່ານີ້ແມ່ນຕິດຕໍ່ທາງຄະນະບ້ານເລີຍກະໄດ້ ແລ້ວຈະສົ່ງເບີປະໄວ້ໃຫ້
ນີ້ແມ່ນເບີ ຂ້າພະເຈົ້າ 02077557708

ຂອບໃຈ






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.