Header Ads

ຄະນະຊາວໜຸ່ມແຂວງສະຫວັນນະເຂດ ໄດ້ປະເມີນຜົນການຈັດຕັ້ງປະຕິບັດ ຂໍ້ແຂ່ງຂັນ 4 ບຸກ ແລະ ວຽກງານເຍົາວະຊົນ 3 ດີ 4 ຮູ້



ວັນທີ 19 ມີນາ 2018 ທີ່ຜ່ານມານີ້, ທີ່ຫ້ອງປະຊຸມຫໍວັດທະນະທໍາ ໄກສອນ ພົມວິຫານແຂວງສະຫວັນນະເຂດ ໄດ້ຈັດພິທີປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ວຽກງານເຍົາວະຊົນ 3 ດີ 4 ຮູ້ ໂດຍການເຂົ້າຮ່ວມຂອງ ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ, ທ່ານນາງ ວິລະວອນ ພັນທະວົງ ຮອງເລຂາສູນກາງຊາວໜຸ່ມປະຊາຊົນ ປະຕິວັດລາວ, ມີຄະນະປະຈໍາພັກແຂວງ, ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ, ເລຂາຄະນະບໍລິຫານງານຊາວໜຸ່ມແຂວງ, ຮອງເລຂາພັກເມືອງ, ຄະນະປະຈໍາພັກເມືອງ ໃນ 15 ເມືອງ ແລະ ຄະນະພັກອ້ອມຂ້າງແຂວງພ້ອມຄະນະບໍລິຫານງານຊາວໜຸ່ມ 15 ເມືອງ, ຄະນະຊາວໜຸ່ມພະແນກການອ້ອມຂ້າງແຂວງສະຫວັນນະເຂດ ເຂົ້າຮ່ວມ.





ໃນພິທີ ທ່ານ ພູລໍາພອນ ສີຫາວົງ ຮອງເລຂາຄະນະບໍລິຫານງານຊາວໜຸ່ມແຂວງສະຫວັນນະເຂດ ໄດ້ຍົກໃຫ້ເຫັນຜົນງານທີ່ພົ້ນເດັ່ນຫຼາຍດ້ານ. ປັດຈຸບັນປະກອບມີຄະນະບໍລິຫານງານຊາວໜຸ່ມ 33 ສະຫາຍ, ຍິງ 09 ສະຫາຍ, ເຊິ່ງຫ້ອງການຄະນະຊາວໜຸ່ມແຂວງມີສາຍຕັ້ງຂຶ້ນກັບຄະນະບໍລິຫານງານສູນກາງຊາວໜຸ່ມປະຊາ ຊົນ ປະຕິວັດລາວ ແລະ ສາຍຂວາງຂຶ້ນກັບຄະນະບໍລິຫານງານພັກແຂວງສະຫວັນນະເຂດ, ທົ່ວແຂວງ ມີໄວໜຸ່ມ-ຊາວໜຸ່ມ 15-35 ປີ, ທັງໝົດ 242,459 ຄົນ, ຍິງ 119,715 ຄົນ, ສະມາຊິກຊາວໜຸ່ມ 53,772 ຄົນ, ຍິງ 26,459 ຄົນ, ພະແນກການອ້ອມແຂວງ ມີ 30 ຮາກຖານ 195 ໜ່ວຍ, 22 ໜ່ວຍເອກະລາດ, ຂັ້ນເມືອງ 15 ເມືອງ ມີ 270 ຮາກຖານ, 1,869 ໜ່ວຍ


ລວມທົ່ວແຂວງມີ 300 ຮາກຖານ, 2,086 ໜ່ວຍ, ປັດຈຸບັນໃນທົ່ວແຂວງມີເກນອາຍຸ 9-14 ປີ, ຈໍານວນ 80,666 ນ້ອງ, ຍິງ 40,095 ນ້ອງ, ເຂົ້າສະມາຊິກເຍົາວະຊົນທັນວາ ມີ 45,069 ນ້ອງ; ຍິງ 23,882 ນ້ອງ, ເທົ່າກັບ 55,87%, ເກນອາຍຸ 6-8 ປີ ຈໍານວນ 40,807 ນ້ອງ, ຍິງ 19,788 ນ້ອງ, ໃນນີ້ເຂົ້າເປັນສະມາຊິກອະນຸຊົນ 12,413 ນ້ອງ, ຍິງ 6,942 ນ້ອງ, ເທົ່າກັບ 30,41%, ມີກອງເຍົາວະຊົນທັນວາ 309 ກອງ, ມີ 1,233 ໝວດ, 3,987 ໝູ່, ຮັບຮອງເປັນກອງ 3 ດີ 4 ຮູ້ ຈໍານວນ 299 ກອງ ເທົ່າກັບ 96,76%. ເຊິ່ງໃນນີ້ກອງນໍາໜ້າ ທັງໝົດ 28 ກອງ, ນອກຈາກນັ້ນໄດ້ສ້າງໂອກາດໃຫ້ເຍົາວະຊົນໄດ້ພົບແລກປ່ຽນບົດຮຽນເຊິ່ງກັນ ແລະ ກັນ. ພາບ ແລະ ຂ່າວ: ໂຊກດີ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.