Header Ads

ເມືອງໄຊຍະບູລີເປີດຂະບວນການຢອດຢາກັນພະຍາດໂປລີໂອ ແລະ ສັກຢາກັນພະຍາດຮອບປົກກະຕິທີ່ ບ້ານຫ້ວຍແກ້ງ




ໃນຕອນເຊົ້າວັນທີ 26 ມີນາ 2018 ຜ່ານມານີ້ ເມືອງໄຊຍະບຸລີ ໄດ້ເປີດຂະບວນການໃຫ້ຢາວັກຊີນກັນພະຍາດໂປລີໂອ ແລະ ສັກຢາກັນພະຍາດຮອບປົກກະຕິທີ່ ບ້ານຫ້ວຍແກ້ງ ຂື້ນ ໂດຍການໃຫ້ກຽດເຂົ້າຮ່ວມຂອງທ່ານ ດຣ ນາງ ຄຳຜິວ ພູທອນສີ ກຳມະການພັກແຂວງ, ຫົວໜ້າພະແນກສາທາລະນະສຸກແຂວງ, ມີທ່ານ ບຸນຄົງ ພົງສະຫັວນ ຮອງເຈົ້າເມືອງ ໄຊຍະບູລີ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ອຳນາດການປົກຄອງບ້ານ , ພໍ່ແມ່ປະຊາຊົນ ແລະ ເດັກນ້ອຍໃນກຸ່ມອາຍຸເປົ້າໝາຍເຂົ້າຮ່ວມ.

ທ່ານ ດຣ ພັນພອນສະຫັວດ ຫົວໜ້າຫ້ອງການສາທາລະນະສຸກເມືອງ ໄຊຍະບູລີໄດ້ຂື້ນກ່າວເປີດພິທີຢ່າງເປັນທາງການເຊີ່ງທ່ານໄດ້ຍົກໃຫ້ເຫັນຄວາມຮ້າຍແຮງຂອງພະຍາດໂປລີໂອຫຼືພະຍາດເປ້ຍລ່ອຍ ເຊີ່ງບໍ່ສາມາດປີ່ນປົວໃຫ້ຫາຍຂາດໄດ້, ຖ້າບໍເສຍຊິວີດກໍ່ເປັນພິການຕະຫຼອດຊີວີດ ແລະ ພະຍາດນີ້ຍັງເປັນອັນຕະລາຍຕໍ່ການເຕີບໂຕ ແລະພັດທະນາການຂອງເດັກນ້ອຍ. ພ້ອມນີ້ຍັງໄດ້ຮຽກຮ້ອງມາຍັງອຳນາດການປົກຄອງທຸກຂັ້ນ, ພະນັກງານແພດໝໍ ແລະ ຜູ້ປົກຄອງເດັກ ຈົ່ງເພີ່ມທະວີຄວາມຮັບຜິດຊອບຂອງຕົນໃຫ້ຄວາມຮ່ວມມືຈັດຕັ້ງປະຕິບັດ, ປຸກລະດົມຂົນຂວາຍສືກສາອົບຮົມພໍ່ແມ່ເດັກໃຫ້ນຳເອົາລູກຫຼານຂອງຕົນໄປຮັບການສັກຢາຢອດຢາໂປລີໂອໃຫ້ທົ່ວເຖີງ, ຕາມກຳນົດເວລາທີ່ກຳນົດໄວ້ເຮັດໃຫ້ຕົວເລກຄາດໝາຍບັນລຸ 95% ຂື້ນໄປທຸກໆບ້ານໃນທົ່ວເມືອງ ໄຊຍະບູລີ. ຈາກນັ້ນຄະນະປະທານກໍ່ໄດ້ຢອດຢາໃຫ້ເດັກນ້ອຍໃນເກນອາຍຸເປົ້າໝາຍຢ່າງເປັນຂະບວນຟົດຟື້ນ. ທີ່ມາ: ມີເດຍລາວ (ຂ່າວແຂວງໄຊຍະບູລີ)



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.