Header Ads

ສະຫະພັນກຳມະບານ ແຂວງອຸດົມໄຊ ແລກປ່ຽນບົດຮຽນ ວຽກງານກຳມະບານ ກັບ ສະຫະພັນກຳມະບານແຂວງໄຊຍະບູລີ



ວັນທີ 23 ມີນາ 2018 ຢູ່ທີ່ຫ້ອງປະຊຸມຫ້ອງວ່າການ ເມືອງເງິນ ແຂວງໄຊຍະບູລີ . ທ່ານ ຄຳສີ ແພງສະຫວັນ ກຳມະການພັກແຂວງ ປະທານສະຫະພັນກຳມະບານແຂວງໄຊຍະບູລີ ພ້ອມດ້ວຍຄະນະ ໄດ້ຕ້ອນຮັບ ທ່ານ ລໍ ຂຸນລໍ ຮອງປະທານສະຫະພັນກຳມະບານແຂວງອຸດົມໄຊ ພ້ອມດ້ວຍທີມງານ ທີເດີນທາງມາແລກປ່ຽນບົດຮຽນ ວຽກງານກຳມະບານຢູ່ແຂວງໄຊຍະບູລີ.ເຊີ່ງມີ ປະທານສະຫະພັນກຳມະບານເມືອງອ້ອມຂ້າງ ແລະ ພະນັກງານວິຊາການຈາກສະຫະພັນກຳມະບານເມືອງເງິນ ເຂົ້າຮ່ວມທັງໝົດ 24 ສຫ, ຍິງ 7 ສຫ.


ກອງປະຊຸມແລກປ່ຽນບົດຮຽນ ວຽກງານກຳມະບານໃນຄັ້ງນີ້ ສະຫະພັນກຳມະບານທັງ 2 ແຂວງ ກໍ່ໄດ້ລາຍງານ ວຽກງານກຳມະບານທີ່ພົ້ນເດັ່ນໂດຍຫຍໍ້ ຈາກນັ້ນ ທີມງານທັງສອງຝ່າຍ ກໍ່ໄດ້ສົນທະນາແລກປ່ຽນບົດຮຽນເຊີ່ງກັນ ແລະ ກັນ ເປັນຕົ້ນແມ່ນ ການຈັດຕັ້ງປະຕິບັດ ວຽກງານຂະບວນການແຂ່ງຂັນ 5 ເປັນເຈົ້າ, ວຽກງານການສ້າງຕັ້ງ ຕາງໜ້າຜູ້ອອກແຮງງານ ຢູ່ບັນດາຫົວໜ່ວຍທຸລະກິດເອກະຊົນ, ການລົງທືນຂອງຕ່າງປະເທດ ແລະ ການໂຄສະນາໃຫ້ຄຳປຶກສາ ທາງດ້ານກົດໝາຍແກ່ຜູ້ອອກແຮງງານ.


ຕອນທ້າຍ ສະຫະພັນກຳມະບານທັງສອງແຂວງ ກໍ່ໄດ້ຕົກລົງເຫັນດີເປັນເອກະພາບ ສືບຕໍ່ເສີມຂະຫຍາຍສາຍພົວພັນຮ່ວມມືນີ້ໃຫ້ເຕີບໃຫ່ຍເຂັ້ມແຂງໃນຕໍ່ໜ້າ, ເປັນຕົ້ນແມ່ນ ຈະໄດ້ສືບຕໍ່ການຈັດກອງປະຊຸມພົບປະແລກປ່ຽນບົດຮຽນເຊິ່ງກັນແລະກັນ, ມີການປະສານງານ, ແລກປ່ຽນຂໍ້ມູນຂ່າວສານ, ບົດຮຽນດ້ານຕ່າງໆຢ່າງເປັນປົກກະຕິ.


ໂດຍ: ອິນແປງ ແຫວນຄຳ



No comments

Powered by Blogger.