Header Ads

ກອງປະຊຸມໃຫຍ່ຄັ້ງທີ VI ຂອງສະຫະພັນກຳມະບານຮາກຖານ ການເງິນ




ກອງປະຊຸມໃຫຍ່ຄັ້ງທີ VI ຂອງສະຫະພັນກຳມະບານຮາກຖານ ການເງິນ ໄດ້ຈັດຂື້ນ ວັນທີ 27 ມີນາ 2018 ນີ້ຢູ່ທີ່ຫ້ອງປະຊຸມ ຫ້ອງການ-ການເງິນ ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານຂອງ ສະຫາຍ ອຸດົມໄຊ ສົມສີ ຄະນະບໍລິຫານງານສະຫະພັນກຳມະບານເມືອງ ປະທານກຳມະບານຮາກຖານການເງິນ . ເປັນກຽດເຂົ້າຮ່ວມ ມີສະຫາຍ ສົມພົງ ປ້ອງຄຳ ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານເມືອງ,ມີເລຂາໜ່ວຍພັກ, ມີປະທານກໍາມະບານໜ່ວຍອ້ອມຂ້າງ ຕະຫຼອດຮອດສະມາຊິກກຳມະບານ ພາຍໃນໜ່ວຍ ເຂົ້າຮ່ວມ. 



ກອງປະຊຸມ ໄດ້ສະຫຼຸບຕີລາຄາຢ່າງຮອບດ້ານ ແລະ ພາວະວິໄສ. ກຳມະບານຮາກຖານການເງິນ ມີສະມາຊິກທັງໝົດ 32 ສຫ, ຍິງ 12 ສຫ ໃນຊຸ່ມປີຜ່ານມາ ຄະນະກຳມະບານຮາກຖານການເງິນ ແມ່ນມີຜົນສຳເລັດຫລາຍດ້ານ ເປັນຕົ້ນ: ດ້ານການເມືອງແນວຄິດ ຖືວ່າຮັກສາໄດ້ສະຖຽນລະພາບທາງດ້ານການເມືອງໜັກແໜ້ນ, ແນວຄິດຫຼັກໝັ້ນຊົນຊັ້ນກຳມະກອນ ແລະ ຊາວຜູ້ອອກແຮງງານ. ການຈັດຕັ້ງປະຕິບັດຂໍ້ແຂ່ງຂັນ 2ດີ 5 ເປັນເຈົ້າ ໄດ້ຮັບການຊຸກຍູ້ ແລະ ຈັດຕັ້ງປະຕິບັດຢ່າງເລີກເຊີ່ງ. ທິດທາງ 5 ປີຕໍ່ໜ້າສືບຕໍ່ສຶກສາອົບຮົມການເມືອງແນວຄິດໃຫ້ແກ່ພະນັກງານ-ສະມາຊິກກຳມະບານ,ກຳມະກອນ, ຊາວຜູ້ອອກແຮງງານໃຫ້ເປັນປົກກະຕິຕໍ່ເນື່ອງ, ສ້າງໄດ້ສະມາຊິກ ຮູ້ເຮັດ-ຮູ້ສ້າງ ແລະຮູ້ຊອກວຽກ ກ້າວໄປສູ່ພະນັກງານດີເດັ່ນ. ມີຄຸນທາດການເມືອງໜັກແໜ້ນ, ມີຄຸນສົມບັດ ສິນທຳປະຕິວັດຢ່າງໜັກແໜ້ນ, ມີຫຼັກໝັ້ນຊົນຊັ້ນກຳມະກອນຮູ້ຈຳແນກໄດ້ມິດ ແລະ ສັດຕູຢ່າງຈະແຈ້ງ, ມີຄວາມຮູ້ຄວາມສາມາດ ມີສະຕິເຄົາລົບລະບຽບກົດໝາຍ.







ກອງປະຊຸມໄດ້ເປັນເອກະສັນກັນລົງປະຊາມະຕິຮັບຮອງເອົາຄະນະກຳມະບານຮາກຖານຊຸດໃໝ່ຄື: ສຫ ສົມບູນ ເບົ້າຈັນ ເປັນປະທານ, ສຫ ໄຊວັນສຸກ ພັນຍາວົງໄຊ ເປັນຮອງ, ສຫ ນາງບົວລຽນ ພົມມະຈັນ ເປັນຄະນະ.

ໂດຍ: ອິນແປງ ແຫວນຄຳ













No comments

Powered by Blogger.