Header Ads

ຂ່າວດ່ວນ! ຜູ່ຂັບລົດຈັກ ກໍ່ເຫດປຸ້ນຄຳ 20 ບາດ ເຂົ້າມອບຕົວແລ້ວ!​ ພ້ອມຮອຍລູກປືນ 2​ ລູກຢູ່ກາງຫຼັງ


ນະຄອນຫຼວງວຽງຈັນ: ລາຍງານຈາກ ເຈົ້າໜ້າທີ່ ປກສ ເມືອງສີໂຄດ ມາຍັງ ໂທລະໂຄ່ງ ໃຫ້ຮູ້ໃນ ເຊົ້າວັນທີ 12​ ເມສາ 2018 ໃຫ້ຮູ້ວ່າ ຜູ່ຂັບລົດຈັກ ທີ່ຮ່ວມກໍ່ເຫດ ປຸ້ນ ຄຳ 20​ ບາດ ທີ່ຕະຫຼາດ ຊັ່ງຈ່ຽງ ໃນວັນທີ 5 ເມສາ 2018 ຜ່ານມາ ໄດ້ເຂົ້າມອບຕົວ ແກ່ເຈົ້າໜ້າທີ່ແລ້ວ.


ຊາບຊື່ ແມ່ນທ້າວ ພຶດສະພາ (ກີ້) ອາຍຸ 30 ປີ. ອາຊີບກຳມະກອນ ຢູ່ບ້ານທົ່ງປົ່ງ ເມືອງສີໂຄດຕະບອງ, ນະຄອນຫຼວງວຽງຈັນ. ຜູ່ກ່ຽວ ຖືກລູກປືນ 2 ລູກ ທີ່ກາງຫຼັງ, ແລະ ໄດ້ຍອມເຂົ້າມອບຕົວ ທີ່ ປກສ ເມືອງສີໂຄດຕະບອງ ເພື່ອຍອມຮັບຄວາມຜິດ,​ ພາຍຫຼັງເອົາຕົວຫຼົບນີ້ ຕັ້ງແຕ່ມື້ກໍ່ເຫດ. ເຊິ່ງທາງເຈົ້າໜ້າທີ່ຈະດຳເນີນການຕໍ່ໄປ


ສ່ວນ ຜູ່ຊ້ອນລົດຈັກ ທີ່ຖືກຍິງ 3​ ນັດ ທີ່ມີຂ່າວລື ວ່າເສຍຊີວິດ ນັ້ນ ແມ່ນພົ້ນຂີດອັນຕະລາຍແລ້ວ. ທາງເຈົ້າໜ້າທີ່ແມ່ນໄດ້ນຳຕົວຮັກສາທີ່ໂຮງໝໍ ແລະ ຈະດຳເນີນຄະດີ ໄປຕາມຂັ້ນຕອນຂອງກົດໝາຍຕໍ່ໄປ.

ບັນຫາໄພສັງຄົມ ການປຸ້ນຈີ້ ເປັນສິ່ງທ້າທາຍ ທີ່ທຸກຄົນຕ້ອງລະມັດລະວັງ. 

ພາບແລະຂ່າວ: ເຈົ້າໜ້າທີ່ ປກສ ເມືອງສີໂຄດ


ຂ່າວກ່ອນໜ້ານີ້ 


ເຜີຍຄລິບຈາກກ້ອງວົງຈອນປິດ ຕອນຕໍ່ສູ້ກັນ ເຫດປຸ້ນຄໍາທີ່ຕະຫຼາດຊັງຈຽງ ວັນທີ 5 ເມສາ 2018 (ຊົມຄລິບ)






ຈາກເຫດການ ໂຈນປຸ້ນຊິງຊັບ ໃນວັນທີ່ 4 ເມສາ 2018 ທີ່ຕະຫຼາດຊັ່ງຈຽງ. ຫຼ້າສຸດ ຜູ່ຖືກ ປຸ້ນ ໄດ້ເລົ່າເຫດການສູ່ຟັງດັ່ງນີ້.


ນີ້ແມ່ນບາດແຜ ທີ່ໄດ້ຮັບຈາກການຕໍ່ສ້




ສ່ວນອີກປະເດັນທີ່ມີຄົນໄປໂພດວ່າ ລາວເປັນ ມາເຟຍ ນັ້ນ ບໍ່ແມ່ນເດີ. ເປັນພຽງນັກທຸລະກິດ ທຳມະດານີ້ແລ້ວ. ສ່ວນການມີປືນໄວ້ຄອບຄອງນັ້ນ ກໍ່ໄດ້ມີການຂໍອານຸຍາດຖືກຕ້ອງ ເພື່ອໄວ້ໃຊ້ປ້ອງກັນຕົວເທົ່ານັ້ນ. ດັ່ງນັ້ນ, ຈິ່ງຢາກໃຫ້ສັງຄົມໄດ້ເຂົ້າໃຈ ຕໍ່ກັບສະຖານະການດັ່ງກ່າວ.


ຂ່າວກ່ອນໜ້ານີ້



ເພີ່ມເຕີມເຫດການ ປຸ້ນຊິງຊັບ ທີ່ຊັ່ງຈຽງຕອນເຊົ້າ ວັນທີ 5 ເມສາ 2018. ຜູ່ເຫັນເຫດການເລົ່າວ່າ. ເຫດການແມ່ນ ເລີ່ມຈາກ ໂຈນສອງຄົນ ແມ່ນຈະມາປຸ້ນເຈົ້າຂອງລົດ Range Rover ທະບຽນ ບໍລິຄຳໄຊ ກກ 5119. ເຊິ່ງໂຈນໄດ້ດິງເອົາສາຍຄໍ ນໍ້າໜັກ 20 ບາດ. ຫຼັງຈາກ ນັ້ນ ເຈົ້າຂອງລົດ ຜູ່ເສຍຫາຍ ຈິ່ງໄດ້ ຄວ້າເອົາປືນສັ້ນ ທີ່ໃຊ້ປ້ອງກັນຕົວ ໄລ່ຍິງ ຖືກໂຈນເຂົ້າກາງຫຼັງ 2 ນັດ.  ພ້ອມນີ້ ທາງເຈົ້າໜ້າທີ່ຂອງຕະຫຼາດ ກໍ່ໄດ້ ຊ່ວຍກັນປິດປະຕູເຂົ້າອອກ ເຮັດໃຫ້ໂຈນທັງສອງ ບໍ່ສາມາດ ຂີ່ລົດອອກໄປໄດ້.  

 
 
ນະຄອນຫຼວງວຽງຈັນ: ເວລາປະມານ 10 ໂມງເຊົ້າ ຂອງມື້ນີ້ ວັນທີ 5/4/2018 ເກີດເຫດຍິງປືນປະທະກັນ ທີຕະຫຼາດຊັງຈ່ຽງ ເມືອງສີໂຄດ ນະຄອນຫຼວງວຽງຈັນຂໍ້ມູນເບື້ອງຕົ້ນມາແມ່ນ ຊີງຊັບ ດືງກະເປົາ ແລະດືງສາຍຄໍຄຳ20ບາດ ຜູ້ຮ້າຍຖືກຍິງ. [embed]https://www.facebook.com/tholakhong/videos/1938368859528110/[/embed] ເຊິ່ງຄົນຮ້າຍມານຳກັນ 2​ ຄົນ ໃຊ້ລົດຈັກເປັນພາຫະ ກ່ອນຈະລົງມື ກໍ່ເຫດ. ເຈົ້າໜ້າທີ່ ແລະ ປະຊາຊົນ ທີ່ພົບເຫັນ ໄດ້ຊ່ວຍກັນ ໄລ່ຈັບ.​ ໂຈນຖືກຍິງເຈັບສາຫັດ ແລະ ຖືກນຳຕົວສົ່ງໂຮງໝໍ.
ຂໍ້ມູນລະອຽດຈະແຈ້ງໃຫ້ຊາບຕາມພາຍຫຼັງ. ລາຍງານໂດຍ: Tevada Nam   ------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.