Header Ads

30 ນາງສາວ ພ້ອມແລ້ວທີ່ຈະຂຶ້ນສູ່ເວທີປະກວດນາງ ສັງຂານ ພສ 2561




ໃນວັນທີ 3 ເມສາ 2018 ເມືອງຫຼວງພະບາງ ໄດ້ມີການຄັດເລືອກນາງສັງຂານ ຢູ່ທີ່ສະໂມສອນຂອງເມືອງ ໂດຍມີ ທ່ານ ນາງ ອິນທະວອນ ພົມມະຈັນ ຮອງເຈົ້າເມືອງຫຼວງພະບາງ, ມີສະຫະພັນຍິງເມືອງ, ຄະນະກອງປະກວດ,ຜູ້ອຸປະຖໍານາງສາວເຂົ້າປະກວດ ພ້ອມດ້ວຍຜູ້ປົກຄອງນາງສາວ ແລະ ມວນຊົນເຂົ້າຮ່ວມເປັນຈໍານວນຫຼາຍ.



ທ່ານ ນາງ ອິນທະວອນ ພົມມະຈັນ ຮອງເຈົ້າເມືອງຫຼວງພະບາງ ທັງເປັນປະທານກອງປະກວດນາງສັງຂານປະຈຳປີ ພສ 2561 ໄດ້ໃຫ້ສຳພາດຕໍ່ນັກຂ່າວວ່າ: ການຄັດເລືອກຜູ້ເຂົ້າປະກວດນາງສັງຂານຄັ້ງນີ້ ແມ່ນໄດ້ເລີ່ມປຸກລະດົມ ເອົາບັນດານ້ອງນາງສາວ ຈາກສະຖາບັນການສຶກສາຕ່າງໆ ແລະ ໂຮງຮຽນ ມາແຕ່ວັນທີ 26 ໂດຍມີຜູ້ສະຫມັກທັງໝົດ 75 ນາງສາວ, ໃນນັ້ນ ກອງປະກວດໄດ້ຄັດເລືອກເອົາ 30 ນາງສາວ ແລະ ທັງ 30 ນາງສາວນີ້ ໄດ້ຜ່ານການຝຶກແອບຕັ້ງແຕ່ວັນທີ 2 - 3 ເມສາ ເພື່ອກະກຽມກິດຈະກໍາຕ່າງໆ ໃຫ້ມີຄວາມພ້ອມ ເພື່ອສະເຫຼີມສະຫຼອງ ປີທ່ອງທ່ຽວລາວ 2018 ທີ່ແຂວງຫຼວງພະບາງ ແລະ ກຽມປະກາດເມືອງຫຼວງພະບາງເປັນນະຄອນໃນຕໍ່ໜ້ານີ້ ແລະ ອັນໜຶ່ງກໍເພື່ອກຽມຄວາມພ້ອມໃຫ້ແກ່ບຸນກຸດສົງການປີໃໝ່ລາວ ສະນັ້ນກອງປະກວດ ແມ່ນມີຄວາມພ້ອມ ໂດຍໄດ້ຜ່ານການຝຶກແອບຜູ້ທີ່ເຂົ້າປະກວດທັງ 30 ນາງສາວ,ສໍາລັບກິດຈະກຳ ໃນຄືນວັນທີ 11 ໃນຄືນທຳອິດຈະໄດ້ມີ 2 ຊຸດທັງ 30 ນາງສາວ ຈະໄດ້ຂື້ນສູ່ເວທີ ເພື່ອປະຊັນຄວາມງາມໃນຊຸດຜ້າໄໝລາວ,ຊົງລາວ ຫຼື ການນຸ່ງຖືທີ່ເປັນເອກະລັກຂອງແມ່ຍິງຊາວຫຼວງພະບາ ແລະ ຈະໄດ້ນຸ່ງຊຸດຊົນເຜົ່າແລ້ວກໍເດີນໂຊກັບຊາຍແບບ 10 ນ້ອງ





ພິເສດປີນີ້ມີຊາຍແບບ 10 ນ້ອງ ຈະໄດ້ນຸ່ງຊຸດຊົນເຜົ່າຂອງແຂວງຫຼວງພະບາງ ທີ່ຈະໄດ້ເດີນໂຊໃຫ້ທ່ານຜູ້ຊົມໄດ້ຮັບຊົມໃນຄືນວັນທີ 11 ແລະ ຄືນວັນທີ 12 ຖືວ່າ 30 ນ້ອງຈະມາໃນຊຸດສາລະບັບ,ຖືວ່າໃນຊຸດສາລະບັບກໍຈະໄດ້ມີການຟ້ອນລໍາວົງຮ່ວມກັບຊາຍແບບ 10 ນ້ອງ. ທ່ານກ່າວຕື່ມວ່າ: ມາຮອດປະຈຸບັນຜູ້ເຂົ້າປະກວດທັງ 30 ນາງສາວ ແມ່ນມີຄວາມພ້ອມດ້ານບຸຄະລິກພາບ, ກິລິຍາມາລະຍາດ,ຕາມຖະນົບທຳນຽມ ຂອງແມ່ຍິງລາວ ໂດຍສະເພາະແມ່ນເອກະລັກແມ່ຍິງເມືອງມໍລະດົກໂລກຫຼວງພະບາງ.





ພ້ອມນີ້ທ່ານໄດ້ເຊີນຊວນຜູ້ຊົມ-ຜູ້ເຊຍ,ທີ່ຢູ່ທາງບ້ານກໍ່ຫາໂອກາດໄປຊົມໄປເຊຍ ສຳລັບຄືນທີ 2 ແມ່ນຈະມີການຖ່າຍທອດສົດ ຖ້າທ່ານໃດບໍ່ທັນມາຊົມມາເຊຍກໍສາມາດເບິ່ງໂທລະພາບທາງບ້ານໄດ້,ຖ້າທ່ານໃດມີໂອກາດກໍເຊີນໄປຮ່ວມຊົມຮ່ວມເຊຍຢູ່ທີ່ເດີ່ນທາດຫຼວງ.























ພາບ-ຂ່າວ: ເພັດສາຄອນ ສິມມະວົງ | ພອນສະຫວັນ ລໍມະນີພອນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.