Header Ads

ທ້າຍປີນີ້ເສັ້ນທາງຢູ່ເທສະບານເມືອງປາກຊ່ອງຈະໄດ້ຮັບການປັບປຸງກໍ່ສ້າງຄືນໃໝ່




ໃນວັນທີ 27 ມີນາ 2018 ຜ່ານມານີ້ ການນໍາພະແນກໂຍທາທິການ ແລະ ຂົນສົ່ງ ( ຍທຂ ) ແຂວງຈໍາປາສັກ ໃນນາມເຈົ້າຂອງໂຄງການ ນໍາໂດຍ ທ່ານ ປອ. ສຸກຂະເສີມ ປາກດີມະນີວົງ ຫົວໜ້າພະແນກ ຍທຂ ແຂວງຈໍາປາສັກ, ມີການນໍາຂອງເມືອງ, ຫົວໜ້າຂະແໜງ ແລະ ວິຊາການຂອງພະແນກໄດ້ລົງເຄື່ອນໄຫວ ກວດກາໂຄງການປັບປຸງກໍ່ສ້າງບັນດາເສັ້ນທາງ ແລະ ຂົວຢູ່ເມືອງປາກຊ່ອງທີ່ເປ່ເພ.

ທ່ານປອ. ສຸກຂະເສີມ ປາກດີມະນີວົງ ຫົວໜ້າພະແນກ ຍທຂ ແຂວງຈໍາປາສັກແຈ້ງໃຫ້ຮູ້ວ່າ: ຈຸດປະສົງໃນການລົງມາເຄື່ອນໄຫວເຮັດວຽກຂອງຄະນະພວກເຮົາໃນຄັ້ງນີ້: ເພື່ອກວດກາເບິ່ງບັນດາເສັ້ນທາງຮ່ອມ, ທາງຊອຍພາຍໃນເທສະບານເມືອງປາກຊ່ອງ, ກາກວດກາເບິ່ງຂົວຢູ່ຫ້ວຍຈໍາປີ 2 ແຫ່ງ ແລະ ຂົວຫ້ວຍຫວາຍ 1 ແຫ່ງ ເພື່ອຟື້ນຟູ ແລະ ກະກຽມຄວາມພ້ອມຮອງຮັບໃຫ້ແກ່ການກໍ່ສ້າງພື້ນຖານໂຄງລ່າງໃນການພັດທະນາຮອບດ້ານ. ນອກນີ້ ຍັງໄດ້ໄປກວດກາເບິ່ງພື້ນຖານໂຄງລ່າງພາຍໃນບ້ານທົ່ງກາຫຼົງ ໂດຍສະເພາະເສັ້ນທາງ ເຂົ້າບ້ານທົ່ງກາຫຼົງ ແລະ ເສັ້ນທາງພາຍໃນບ້ານທົ່ງກາຫຼົງ ເພື່ອນໍາສະເໜີແຜນຂໍທຶນຈາກກະຊວງ ຍທຂ ແລະ ງົບປະມານຂອງແຂວງມາດໍາເນີນການກໍ່ສ້າງ ເຊິ່ງມາຮອດປັດຈຸບັນນີ້ໄດ້ສໍາເລັດການອອກແບບແຜນຜັງເປັນທີ່ຮຽບຮ້ອຍແລ້ວ ຄາດວ່າໜ້າວຽກຕ່າງໆທີ່ກ່າວມາຂ້າງເທິງນີ້ ຈະໄດ້ລົງມືກໍ່ສ້າງນັບແຕ່ທ້າຍປີ 2018 ເປັນຕົ້ນໄປ

ຂ່າວ-ພາບ: ມີນາ ໜັງສືພິມຈໍາປາໃໝ່

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.