Header Ads

ກະຊວງ ແຜນການ ແລະ ການລົງທຶນ ສະຫຼຸຸບວຽກງານກວດກາ


ກະຊວງແຜນການ ແລະ ການລົງທຶນ (ຜທ) ໄດ້ຈັດກອງ ປະຊຸມສະຫຼຸຸບຕີລາຄາວຽກ ງານກວດກາທົ່ວກະຊວງແຜນ ການ ແລະ ການລົງທຶນ ປະຈຳ ປີ 2017 ແລະ ທິດທາງແຜນ ການປີ 2018 ພ້ອມທັງຜັນຂະ ຫຍາຍເນື້ອໃນກອງປະຊຸມ ວຽກງານກວດກາທົ່ວປະເທດ ປະຈຳປີ 2017 ຂຶ້ນໃນວັນທີ 4 ເມສານີ້, ທີ່ກະຊວງດັ່ງກ່າວ ໂດຍການເປັນປະທານຂອງ ທ່ານ ຄຳລຽນ ພົນເສນາ ປະ ທານຄະນະກວດກາພັກ ຮອງ ລັດຖະມົນຕີກະຊວງແຜນ ການ ແລະ ການລົງທຶນ, ທ່ານ ດາວບົວລະພາ ບາວົງເພັດ ຮອງປະທານຄະນະກວດກາ ສູນກາງພັກ, ມີພາກສ່ວນກ່ຽວ ຂ້ອງເຂົ້າຮ່ວມ.


ທ່ານ ຄຳລຽນ ພົນເສນາ ໄດ້ກ່າວບາງຕອນສຳຄັນໃຫ້ຮູ້ ວ່າ: ພັກ-ລັດເຮົາຍາມໃດກໍໃຫ້ ຄວາມສຳຄັນ ແລະ ໃຫ້ທັດສະ ນະຕໍ່ວຽກງານຕິດຕາມກວດກາ ແມ່ນໜຶ່ງໃນພາລະບົດບາດ ຕົ້ນຕໍແຫ່ງການນຳພາຂອງພັກ ຖ້າບໍ່ມີການກວດກາກໍໝາຍວ່າ ບໍ່ມີການນຳພາ, ວຽກງານຕິດ ຕາມກວດກາແມ່ນວຽກທີ່ສອດ ຫ້ອຍເຂົ້າທຸກຂົງເຂດວຽກງານ ເປັນວຽກທີ່ຕ້ອງໄດ້ເຮັດເປັນ ປົກກະຕິ ແລະ ຂາດບໍ່ໄດ້ສຳ ລັບການນຳພາຂອງພັກ ແລະ ການຄຸ້ມຄອງການບໍລິຫານ ຂອງລັດ, ການນຳພາຂອງພັກ ໃນເງື່ອນໄຂໃໝ່ການຕິດຕາມ ກວດກາຍິ່ງມີບົດບາດສຳຄັນ ເພາະວ່າມັນຊ່ວຍໃຫ້ພວກ ເຮົາສາມາດຊອກເຫັນຈຸດບົກ ຜ່ອງດ້ານຫຍໍ້ທໍ້ຕ່າງໆ ເພື່ອສົ່ງ ເສີມຂະຫຍາຍດ້ານຕັ້ງໜ້າ ແລະ ປັດໄຈໃໝ່ທີ່ກ້າວໜ້າ ໄດ້ໄວ.
ນອກຈາກນີ້ ທີ່ປະຊຸມ ຍັງໄດ້ຮັບຟັງການເຜີຍແຜ່ 3 ເອກະສານສຳຄັນຄື: ບົດສະ ຫຼຸຸບຫຍໍ້ການເຄື່ອນໄຫວວຽກ ງານກວດກາປີ 2017 ແລະ ທິດທາງແຜນການ ປີ 2018 ຂອງຄະນະກວດກາສູນກາງ, ບົດໂອ້ລົມຂອງທ່ານ ບຸນທອງ ຈິດມະນີ ຮອງນາຍົກລັດຖະ ມົນຕີ ປະທານຄະນະກວດກາ ສູນກາງພັກ ປະທານອົງການ ກວດກາລັດຖະບານຕໍ່ກອງປະ ຊຸມກວດກາທົ່ວປະເທດ ປະຈຳ ປີ 2017 ແລະ ບົດແນະນຳຂອງ ອົງການກວດກາລັດຖະບານ ກ່ຽວກັບການດຳເນີນຄະດີສໍ້ ລາດບັງຫຼວງ.


ໃນຕອນທ້າຍປະທານ ກອງປະຊຸມກໍໄດ້ເນັ້ນໃຫ້ເອົາ ໃຈໃສ່ 5 ບັນຫາສຳຄັນຕົ້ນຕໍ ຄື: 1. ຄະນະພັກ, ຄະນະກວດ ກາ, ໜ່ວຍພັກ, ຄະນະພັກຮາກ ຖານ, ພະນັກງານເຮັດວຽກ ກວດກາຕ້ອງມີຄວາມເຂົ້າໃຈທີ່ ຖືກຕ້ອງເປັນເອກະພາບເລິກ ເຊິ່ງກ່ຽວກັບວຽກງານກວດກາ ໄລຍະໃໝ່, ການແກ້ໄຂຜົນ ຂອງການກວດກາຮັບປະກັນ ຄວາມຖືກຕ້ອງໂປ່ງໃສ ແລະ ເປັນທຳເດັດຂາດລົງໂທດ, ລົງ ວິໄນຢ່າງເໝາະສົມຕໍ່ຜູ້ກະທຳ ຜິດ, 2. ຄະນະພັກ, ຄະນະນຳ ແຕ່ລະຂັ້ນຕ້ອງໄດ້ເອົາໃຈໃສ່ ຊີ້ນຳ-ນຳພາເປັນເຈົ້າການເຮັດ ວຽກງານຕິດຕາມກວດກາ ດ້ວຍຄວາມຮັບຜິດຊອບສູງບໍ່ ແມ່ນວ່າລໍຖ້າແຕ່ຄະນະກວດ ກາ, ຜູ້ກວດກາໜ່ວຍພັກ ຫຼື ຜູ້ ທີ່ມີໜ້າທີ່ເຮັດວຽກງານກວດ ກາ ເທົ່ານັ້ນ ທຸກຄົນເປັນເຈົ້າ ການຮ່ວມກັນ ເພື່ອສະກັດກັ້ນ ການລະເມີດລະບຽບກົດໝາຍ ແຕ່ຫົວທີຕາມແນວທາງນະໂຍ ບາຍຂອງພັກ ແລະ ລັດຖະ ບານ, 3. ເອົາໃຈໃສ່ປັບປຸງທາງ ດ້ານການຈັດຕັ້ງ, ບຸກຄະລາ ກອນ ແລະ ລະບອບແບບແຜນ ວິທີເຄື່ອນໄຫວຂອງບັນດາຜູ້ທີ່ ເຮັດວຽກງານກວດກາອັນນີ້ ເປັນສິ່ງຕັດສິນໂດຍກົງເຖິງປະ ສິດທິຜົນຂອງວຽກງານກວດ ກາ ໃນຊຸມປີຕໍ່ໜ້າ, 4. ຕ້ອງ ເອົາໃຈໃສ່ຊີ້ນຳ ເພື່ອເສີມຂະ ຫຍາຍກຳລັງແຮງຂອງມະຫາ ຊົນທີ່

ມີການຈັດຕັ້ງເຂົ້າໃນການ ກວດກາຂອງພັກ-ລັດ ມີຄວາມ ຈຳເປັນ ແລະ ສຳຄັນຢ່າງຍິ່ງໃນ ການປັບປຸງວຽກງານກວດກາ ໃນໄລຍະໃໝ່, 5. ຕ້ອງໄດ້ ເພີ່ມທະວີຄວາມຮັບຜິດຊອບ ຕໍ່ກັບການຕົກລົງແກ້ໄຂຜົນ ຂອງການກວດກາໃຫ້ເຂັ້ມ ງວດ, ສັກສິດຕາມລະບຽບຫຼັກ ການ ແລະ ກົດໝາຍຢ່າງຖືກ ຕ້ອງ, ຖ້າກວດກາແລ້ວ ບໍ່ມີ ການແກ້ໄຂກໍຖືວ່າການກວດ ການັ້ນໆບໍ່ມີຄວາມໝາຍ, ການ ກວດກາເປັນການສຶກສາອົບ ຮົມການປະຕິບັດກົດລະບຽບ ຂອງພັກ ແລະ ກົດໝາຍຂອງ ລັດຢ່າງເຂັ້ມງວດ, ເປົ້າໝາຍ ຖືກກວດກາເສີມຂະຫຍາຍໄດ້ ດ້ານດີ ແລະ ແກ້ໄຂຈຸດອອ່ນ, ຂໍ້ຂາດຕົກບົກຜ່ອງ, ຜູ້ເຮັດດີມີ ຜົນງານກໍຕ້ອງໄດ້ຮັບການ ຍ້ອງຍໍສັນລະເສີນ ແລະ ໃຫ້ມີ ຄວາມກ້າວໜ້າຂຶ້ນ, ຜູ້ທີ່ລ່ວງ ລະເມີດກົດລະບຽບຂອງພັກ, ກົດໝາຍຂອງລັດ, ກະທຳຜິດ ກໍຕ້ອງໄດ້ຮັບຜິດຕໍ່ການກະທຳ ຜິດຂອງຕົນເອງຕາມລະບຽບ ກົດໝາຍ.

ຂ່າວ-ພາບ: ສຸກສາຄອນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.