ຫ້ອງການສຶກສາທິການ ແລະ ກິລາ ເມືອງໄຊສະຖານໄດ້ເຄື່ອງຊ່ວຍເຫຼືອມູນຄ່າຫຼາຍກ່ວາ 14 ລ້ານກີບ



ໃນວັນທີ 16 ມັງກອນ 2018  ຜ່ານມານີ້ ຫ້ອງການສຶກສາທິການ ແລະ ກິລາ ເມືອງໄຊຍະບູລີ ໄດ້ນໍາເອົາເຄື່ອງຊ່ວຍເຫຼືອມູນຄ່າຫຼາຍກ່ວາ 14 ລ້ານກີບມອບໃຫ້ໂຮງຮຽນມັດທະຍົມຕົ້ນກິ່ວມີໄຊ, ໂຮງຮຽນປະຖົມປາກລອງ, ຄອບຄົວທຸກຍາກບ້ານປາກລອງ, ໂຮງຮຽນປະຖົມສັນແຕ, ບ້ານສັນແຕ, ໂຮງຮຽນມັດທະຍົມຕົ້ນຊະນະໄຊ, ໂຮງຮຽນ ມສ ດອຍກາວ ແລະ ຫ້ອງການສຶກສາທິການ ແລະ ກິລາ ເມືອງໄຊສະຖານ ແຂວງໄຊຍະບູລີ ເຊິ່ງນໍາໂດຍທ່ານ ບຸນທັນ ໄຊຍະສິດ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາ ເມືອງໄຊຍະບູລີ. ເຄື່ອງທີ່ນໍາມາມອບໃນຄັ້ງນີ້ ປະກອບມີ: ເຄື່ອງນຸ່ງຫົ່ມເປັນຕົ້ນແມ່ນ ໂສ້ງ, ເສື້ອ, ເກີບ, ກະເປົາ ແລະ ອື່ນໆ. ເຄື່ອງດັ່ງກ່າວ ແມ່ນໄດ້ຮັບການສະໜັບສະໜູນຈາກຫົວໜ້າ, ຮອງຫົວໜ້າຫ້ອງການ, ພະນັກງານ ຫ້ອງການສຶກສາທິການ ແລະ ກິລາ ເມືອງໄຊຍະບູລີ ແລະ ອໍານວຍການ, ຄູ-ອາຈານໂຮງຮຽນມັດທະຍົມຕົ້ນມິດຕະພາບ, ພໍ່ຄ້າ-ແມ່ຄ້າຊາວຂາຍ, ຜູ້ປະກອບການ.





ໃຫ້ກຽດກ່າວມອບໂດຍທ່ານ ບຸນທັນ ໄຊຍະສິດ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາ ເມືອງໄຊຍະບູລີ ແລະ ອໍານວຍການໂຮງຮຽນ, ພະນັກງານ, ຄູ-ອາຈານ. ໂດຍຊ່ອງໜ້າພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ທີ່ມາ: ມີເດຍລາວ/ຂ່າວແຂວງໄຊຍະບູລີ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments