ພະແນກການເງິນແຂວງປະຕິບັດແຜນງົບປະມານໄດ້ 112,34% ຂອງແຜນການປີ 2017


ພະແນກການເງິນແຂວງຫລວງພະບາງສະຫລຸບຄືນໃນການຈັດຕັ້ງປະຕິບັດແຜນງົບປະມານລາຍຮັບ-ລາຍຈ່າຍປະຈຳປີ 2017 ແລະ ທິດທາງແຜນການປີ 2018 ໃນທົ່ວແຂວງ, ໄດ້ຈັດຂຶ້ນຢ່າງເປັນທາງການໃນວັນທີ 22 ມັງກອນນີ້, ທີ່ຫ້ອງປະຊຸມຂອງພະແນກການເງິນແຂວງ, ໂດຍການເຂົ້າຮ່ວມຂອງ ທ່ານ ດ.ຣ ບົວຄົງ ນາມມະວົງ ຮອງເຈົ້າແຂວງຫຼວງພະບາງ, ມີບັນດາເຈົ້າເມືອງ-ຮອງເຈົ້າເມືອງ, ຫົວໜ້າ-ຮອງຫົວໜ້າພະແນກການຕະຫຼອດຮອດພະນັກງານທີ່ເຮັດວຽກງານການເງິນຈາກພະແນກການ, ອົງການທຽບເທົ່າໃນທົ່ວແຂວງເຂົ້າຮ່ວມ.



ອງປະຊຸມຍັງໄດ້ພ້ອມກັນຕີລາຄາການຈັດຕັ້ງປະຕິບັດແຜນງົບປະມານລາຍຮັບ-ລາຍຈ່າຍ ປີ 2017 ຜ່ານມາ, ພ້ອມທັງຄົ້ນຄວ້າປະກອບຄຳຄິດຄຳເຫັນບັນຫາທີ່ພົ້ນເດັ່ນ ແລະ ບັນຫາຄົງຄ້າງຈາກພະແນກການ, ກົມກອງ ບັນດາເມືອງ ແລະ ອົງການທຽບເທົ່າ ໃນໄລຍະຜ່ານມາ ເພື່ອໃຫ້ທຸກພາກສ່ວນມີສ່ວນຮ່ວມໃນການຊອກຫາວິທີທາງແກ້ໄຂບັນຫາຕ່າງໆທີ່ປະກົດຕົວຂຶ້ນຢູ່ໃນຂະແໜງການເງິນ ແລະ ແຈ້ງແຜນງົບປະມານລາຍຮັບ-ລາຍຈ່າຍ ປະຈຳປີ 2018 ຂອງສຳນັກງານອົງການຂອງຕົນເອງ ທີ່ຈະໄດ້ນຳໄປຈັດຕັ້ງປະຕິບັດໃນປີ 2018.



ທ່ານ ສີສຸພັນ ສີສະຫວັດ ຮອງຫົວໜ້າພະແນກການເງິນແຂວງ ໄດ້ຜ່ານການຈັດຕັ້ງປະຕິບັດແຜນງົບປະມານລາຍຮັບ-ລາຍຈ່າຍປະຈຳປີ 2017 ແລະ ທິດທາງແຜນການປີ 2018. ການຈັດຕັ້ງປະຕິບັດແຜນງົບປະມານ ບັນດາຄາດໝາຍສູ້ຊົນຕ່າງໆ ຫຼາຍພາກສ່ວນແມ່ນໄດ້ຕັ້ງໜ້າປະຕິບັດ ເຮັດໃຫ້ເສດຖະກິດມີການຂະຫຍາຍຕົວ ຢ່າງຕໍ່ເນື່ອງໃນທົ່ວແຂວງດ້ວຍຈັງຫວະ 8,2%ຕໍ່ປີ, ສາມາດເກັບລາຍຮັບເຂົ້າງົບປະມານໄດ້ເກີນຄາດໝາຍເປັນຕົ້ນແມ່ນ: ລາຍຮັບບ້ວງສູນກາງ ແລະ ທ້ອງຖິ່ນລວມທັງໝົດ ແຜນ 291 ຕື້ 422 ລ້ານກວ່າກີບ, ປະຕິບັດໄດ້ 327 ຕື້ 377 ລ້ານກວ່າກີບ, ເທົ່າກັບ 112,34% ຂອງແຜນການປີ, ລາຍຮັບພູດສູນກາງຄຸ້ມຄອງ ແຕ່ປະຕິບັດຢູ່ທ້ອງຖິ່ນ ຕາມແຜນ 24 ຕື້ 530 ລ້ານກີບ, ປະຕິບັດໄດ້ 49 ຕື້ 70 ລ້ານກວ່າກີບ, ເທົ່າກັບ 200 ກວ່າ% ຂອງແຜນການປີ, ພູດທ້ອງຖິ່ນລາຍຣັບພາຍໃນແຂວງ ແຜນດັດແກ້ແລ້ວ 266 ຕື້ 892 ລ້ານກວ່າກີບ ປະຕິບັດໄດ້ 278 ຕື້306 ລ້ານກວ່າກີບ, ເທົ່າກັບ 104,28% ຂອງແຜນປີ, ເຊິ່ງເທົ່າກັບ 11 ຕື້ 414 ລ້ານກີບ ສົມທຽບໃສ່ແຜນການປີຜ່ານມາລື່ນ 23,27% ໃນນັ້ນມອບເຂົ້າງົບປະມານລວມ 40% ເທົ່າກັບ 4 ຕື້ 566 ລ້ານກີບ. ສ່ວຍສາອາກອນແຜນການດັດແກ້ 251 ຕື້ 492 ລ້ານກວ່າກີບ, ປະຕິບັດໄດ້ 257 ຕື້ 701 ລ້ານກວ່າກີບ, ເທົ່າກັບ 102,47% ຂອງແຜນການປີ.


 ດ້ານລາຍຈ່າຍທາງຂະແຫນງການເງິນໄດ້ຫັນໄປສູ່ລະບົບທັນສະໄໝໃນການຄຸ້ມຄອງລາຍຈ່າຍ ບໍ່ໄດ້ຈ່າຍນອກແຜນງົບປະມານ ເຊິ່ງອັນດີກວ່າໝູ່ແມ່ນດ້ານການເບີກຈ່າຍເງິນເດືອນ, ເງິນນະໂຍບາຍ, ເງິນອຸດຫນູນຕ່າງໆໄດ້ທັນກັບກຳນົດເວລາ. ແຜນການລາຍຈ່າຍປີແມ່ນ 672 ຕື້ 235 ລ້ານກວ່າກີບ, ປະຕິບັດໄດ້ 640 ຕື້ 249 ລ້ານກວ່າກີບ, ເທົ່າກັບ 95,24% ແຜນປີ ໃນນັ້ນລາຍຈ່າຍເງິນເດືອນພະນັກງານແຜນດັດແກ້ 443 ຕື້ 880 ລ້ານກີບ, ປະຕິບັດໄດ້ 416 ຕື້ 671 ລ້ານກວ່າກີບ ເທົ່າກັບ 93,87% ແຜນປີ, ລາຍຈ່າຍເງິນອຸດຫນູນນະໂຍບາຍ ແຜນການດັດແກ້ 60 ຕື້ 9 ລ້ານກວ່າກີບ ປະຕິບັດໄດ້ 56 ຕື້ 701 ລ້ານກວ່າກີບ ເທົ່າກັບ 94,49% ແຜນປີ, ລາຍຈ່າຍເງິນບໍລິຫານ ແຜນການດັດແກ້ 70 ຕື້ 64 ລ້ານກວ່າກີບ ປະຕິບັດໄດ້ 69 ຕື້ 978 ລ້ານກວ່າກີບ ເທົ່າກັບ 99,88% ແຜນປີ, ລາຍຈ່າຍເງິນດັດສົມສົ່ງເສີມ ແຜນ 17 ຕື້ 192 ລ້ານກີບ ປະຕິບັດໄດ້ 16 ຕື້ 321 ລ້ານກວ່າກີບ ເທົ່າກັບ 94,94% ແຜນປີ, ລາຍຈ່າຍເງິນແຣ ແຜນ 1 ຕື້ 800 ລ້ານກີບ ປະຕິບັດໄດ້ 1 ຕື້ 800 ລ້ານກີບ ເທົ່າກັບ 100% ແຜນປີ, ລາຍຈ່າຍເງິນຊື້ຊັບສົມບັດ ແຜນ 2 ຕື້ 790 ລ້ານກີບ ປະຕິບັດໄດ້ 2 ຕື້ 790 ລ້ານກີບ ເທົ່າກັບ 100% ແຜນປີ ແລະ ລາຍຈ່າຍເງິນລົງທຶນ ແຜນ 76 ຕື້ 499 ລ້ານກວ່າກີບ ປະຕິບັດໄດ້ 75 ຕື້ 988 ລ້ານກວ່າກີບ ເທົ່າກັບ 99,33% ແຜນປີ

ພາບ-ຂ່າວ : ໄຊຍະສອນ ພັນທະວົງ/ຂ່າວສານຫຼວງພະບາງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments