ເມືອງຫຼວງນໍ້າທາ ລົງກວດສິນຄ້າທົ່ວເມືອງ 125 ຮ້ານ 92% ມີສິນຄ້າເຊື່ອມຄຸນ ແລະ ໝົດອາຍຸ!


ຫຼວງນໍ້າທາ: ໃນຕອນເຊົ້າ ວັນທີ 19 ມັງກອນ 2018 ທີ່ຫ້ອງການ ອຸດສາຫະກຳ ແລະ ການຄ້າ ເມືອງຫຼວງນໍ້າທາ ຄະນະຮັບຜິດຊອບສະເພາະກິດ ປົກປ້ອງຜູ່ຊົມໃຊ້ ຂັ້ນເມືອງ ໄດ້ຈັດພິທີທໍາລາຍ ສິນຄ້າໝົດອາຍຸ ແລະ ເຊື່ອມຄຸນ ທີ່ຖືກຍຶດ ໃນການລົງກວດສອບ ໃນເດືອນ ທັນວາ 2017 ຜ່ານມາ.


ລາຍງານໃຫ້ຮູ້ວ່າ ທາງເຈົ້າໜ້າທີ່ສະເພາະກິດ ໄດ້ລົງກວດຮ້ານຄ້າ ຈຳນວນ 125 ຮ້ານ ໃນທົ່ວເມືອງຫຼວງນໍ້າທາ ປະກົດວ່າ ຈຳນວນ 115 ຮ້ານແມ່ນມີສິນຄ້າ ທີ່ເຊື່ອມຄຸນນະພາບ ແລະ ໝົດອາຍຸ. ເຊິ່ງມີ 5 ປະເພດ ຫຼັກໆ ຄື: ເຄື່ອງປຸງອາຫານ, ນົມເດັກນ້ອຍ, ເຂົ້າໜົມ, ເຄື່ອງດຶ່ມ ແລະ ໝີ່ສຳເລັດຮູບ ປະເພດຊອງ ແລະ ປ໋ອງ.


ການປະຕິບັດໜ້າທີ່ ແມ່ນໄດ້ເຮັດ 3​ ວັນເຕັມ ແຕ່ວັນທີ 26-28 ທັນວາ 2018 ໂດຍມີ 4 ພາກສ່ວນໄດ້ພ້ອມກັນລົງໄປກວດກາ ປະກອບມີ ກວດກາຂອງຫ້ອງການການຄ້າ, ເຈົ້າໜ້າທີ່ ຕຳຫຼວດ, ເຈົ້າໜ້າທີ ຫ້ອງການອາຫານແລະຢາ, ແລະ ເຈົ້າໜ້າທີ່ຈາກ ຫ້ອງການ ອາກອນ.



ສິ່ງສຳຄັນທີ່ຕ້ອງໄດ້ເອົາໃຈໃສ່ ຄືກັນຈັດສັນການລົງກວດກາໃຫ້ເປັນປະຈຳ ແລະ ການໃຫ້ຄວາມຮູ້ ແກ່ຜູ່ຄ້າຂາຍ ໄດ້ເຫັນຄວາມສຳຄັນ ຂອງການກວດສອບ ສິນຄ້າທີ່ເຊື່ອມຄຸນ ແລະ ໝົດອາຍຸ. ພ້ອມນັ້ນ ກໍ່ຈະໄດ້ມີການປະຕິບັດ ວິໄນ ແລະ ລົງໂທດ ຮ້ານຄ້າ ທີ່ອາດຈະມີພຶດຕິກຳ ຂາຍສິນຄ້າທີ່ບໍ່ປອດໄພ.

ພາບແລະຂ່າວ: ໄຊນຸສອນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments