ລົດຈັກເສຍຫຼັກຕໍາເຮືອນ ຄົນຂັບສະຫຼົບຄາທີ່ ເຂດບ້ານທົ່ງກາງ 16/1/18


ນະຄອນຫຼວງວຽງຈັນ: ລາຍງານຈາກ 1623​ ໃຫ້ຮູ້ວ່າ ໃນວັນທີ 16/01/2018 ເວລາ 00:00 ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບແຈ້ງຜ່ານເບີ 1623 ວ່າມິເຫດລົດຈັກຕຳເຮືອນປະຊາຊົນ ຈຸດເກີດເຫດ ວົງວຽນບ້ານທົ່ງກາງ, ນະຄອນຫຼວງວຽງຈັນ.


ທີ່ເກີດເຫດ ພົບເຫັນ ຄົນເຈັບ 1 ຄົນ ທີ່ນອນສະຫຼົບ ໃກ້ກັບລົດຈັກ ທີ່ຕຳເອົາ ທັງໂຖດອກໄມ້ ແລະ ຝາເຮືອນ ຈົນມຸ່ນອະຍະ.  ຄົນເຈັບ ເປັນ ເພດຊາຍ ອາຍຸ25 ປີ ອາຊີບ ກໍາມະກອນ ບ້ານທົ່ງກາງ ເມືອງສີສັດຕະນາກ ແຂວງນະຄອນຫລວງ. ໂດຍມີ ອາການເບື້ອງຕົ້ນແມ່ນມີບາດຈີກຢູ່ແກ້ມເບື້ອງຂວາ ແລະ ສົບຈີກ (ບໍ່ໄດ້ສະຕິ).


ທາງອາສາກູ້ໄພ ຈິ່ງໄດ້ ປະຖົມພະຍາບານເບື້ອງຕົນ ແລະ ນຳສົ່ງໂຮງໝໍເສດຖາ. ສາເຫດຄາດວ່າມາຈາກ ການເມົາແລ້ວຂັບລົດໄວ ຈົນເສຍຫຼັກ.

ຮຽກຮ້ອງໃຫ້ທຸກຄົນ ຮັກຊີວິດ ຢ່າຄິດຂັບຂີ່ພາຫະນະ ເວລາມືນເມົາ ແລະ ບໍ່ຄວນປະໝາດ.

ພາບແລະຂ່າວ: 1623




Post a Comment

0 Comments