ຕຳກັນສະນັ້ນກາງຂົວ ປາກເຊ-ໂພນທອງ ເສຍຊີວິດ 2 ເຈັບສາຫັດ 1


ຈຳປາສັກ: ລາຍງານຈາກ 1623 ແຂວງຈຳປາສັກ ໃຫ້ຮູ້ວ່າ ເວລາປະມານ 22:45 ວັນທີ 19 ມັງກອນ 2018 ໄດ້ຮັບແຈ້ງອຸບັດຕິເຫດ ຮຸນແຮງ ເກີດທີ່ກາງຂົວຂ້າມນໍ້າຂອງ ເມືອງປາກເຊ ຫາ ເມືອງໂພນທອງ, ແຂວງຈຳປາສັກ.

ອາສາກູ້ໄພ ໄດ້ອອກກວດເຫດທັນທີ ພົບເຫັນ ມີຜູ່ບາດເຈັບ ຈຳນວນ 3 ຄົນ ຂໍ້ມູນຄົນເຈັບມີດັງນີ້.

ຄົນທີ 1 ເພດຊາຍ ອາຍຸ 22 ປີ ອາຊີບ ນັກສືກສາ ບ້ານ ດອນຂະເໝົາ ເມືອງໂຂງ ແຂວງຈຳປາສັກ ມີອການກະທົບໜ້າເອີກຮຸນແຮງ.



ຄົນທີ 2 ເພດຊາຍ ອາຍຸ 24 ອາຊີນັກສືກສາ, ບ້ານຄອນ,  ເມືອງຈຳປາສັກ , ແຂວງ ຈຳປາສັກ ກະທົບຫົວຮຸ້ນແຮງ ມີບາດເເຜເປີດຢູຫົວ ກະດູກຕົ້ນຄໍຫັກ ຂາຊ້າຍຜີດຮູບ (ເສຍຊິວິດໃນເວລາຕໍ່ມາ).

ຄົນທີ 3 ເພດຊາຍ ອາຍຸ 27 ປີ , ບ້ານດອນເເດງ,​ ເມືອງປະທຸມພອນ, ແຂວງຈຳປາສັກ ອາການເບື້ອງຕົ້ນ ກະທົບກະດູກຕົ້ນຄໍ ມີບາດເເຜເປີດຢູໃບຫນ້າ ເເລະຂໍ່ຕີນຂ້າງຂວາ ( ເສຍຊີວິດຄາທີ່)



ດັ່ງນັ້ນໜ່ວຍກູ້ໄພແຂວງຈຳປາສັກ ຈຶ່ງໄດ້ປະຖົມພະຍາບານໃຫ້ຜູ້ບາດເຈັບແລະນຳສົ່ງໂຮງໝໍແຂວງຈຳປາສັກ ເປັນທີ່ຮຽບຮ້ອຍ.  ສວ່ນສົບຜູ້ເສຍຊີວິດແມ່ນໄດ້ນຳສົ່ງ ໃຫ້ຄອບຄົວຜູ່ກ່ຽວ.


ຂໍ້ມູນໃຫ້ຮູ້ອີກວ່າ ອຸບັດຕິເຫດ ຄັ້ງນີ້ ມີພະຫະນະຮ່ວມເຫດ ທັງໝົດ 3 ຄັນ (ລົດຈັກ 2​ ຄັນ ແລະ ລົດໃຫຍ່ 1 ຄັນ) ເຊິ່ງລົດຄູ່ກໍລະນີ 1 ຄັນທີ່ເປັນລົດຈັກ ແມ່ນໄດ້ລົບໜີ, ທາງເຈົ້າໜ້າທີ່ກ່ຽວຂ້ອງ ຈະດຳເນີນການຕິດຕາມຕໍ່ໄປ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments