ສະຫຼົດ! ພົບຊາຍເສຍຊີວິດ ໃນປ່າ ຫຼັກ 28 ພ້ອມອາວຸດປືນ 1 ກະບອກ!


ນະຄອນຫຼວງວຽງຈັນ: ລາຍງານຈາກ ໜ່ວຍກູ້ໄພ ມູນນິທິຊ່ວຍເຫຼືອຄົນທຸກຍາກແຫ່ງ ສປປລາວ 1623 ໃຫ້ຮູ້ວ່າ ໃນວັນທີ 18/01/2018 ເວລາ 09:45 ນາທີ,  ມີປະຊາຊົນແແຈ້ງວ່າ ພົບຄົນເສຍຊີວິດຢູ່ໃນປ່າຫຼັກ 28,​ ເມືອງໄຊທານີ ນະຄອນຫຼວງວຽງຈັນ


ທາງອາສາສະໝັກໜ່ວຍກູ້ໄພໄປເຖິງທີ່ເກີດເຫດ ພົບຜູ້ເສຍຊີວິດ 1 ລາຍ ເປັນຊາຍ ນອນເສຍຊີວິດໃນປ່າ ມີຄາບເລືອດອອກຢູ່ບໍລິເວນຫົວ ບໍລິເວນດັ່ງກ່າວພົບລົດຈັກ ອີກ 1 ຄັນ ແລະ ຂ້າງຄຽງຜູ້ເສຍຊີວິດ ມີປືນສັ້ນ 1 ກະບອກ. 



ເຊິ່ງທາງໜ່ວຍກູ້ໄພ ແມ່ນລໍຖ້າເຈົ້າໜ້າທີທີ່ກ່ຽວຂ້ອງມາກວດສອບສະຖານທີ່ແລະ ສະຖານທີ ຊຶ່ງຄະດີແມ່ນຍັງຢູ່ໃນການສືບສວນ-ສວບສວນຈາກທາງເຈົ້າໜ້າທີ ເພື່ອກວດສອບ ລະອຽດຕື່ມ.

ລາຍງານເພີ່ມເຕີມເຫດການເສຍຊີວິດຄັ້ງນີ້ ຈະແຈ້ງໃຫ້ຊາບຕື່ມພາຍຫຼັງ. ເຊິ່ງເຫດການຄັ້ງນີ້ ອາດເປັນການຖືກຄາດຕະກຳ ຫຼື ຂ້າຕົວຕາຍ.




ຂອບໃຈພາບ ແລະ ຂໍ້ມູນຈາກ ໜ່ວຍກູ້ໄພ 1623 ແລະ ນາທີຊີວິດ

Post a Comment

0 Comments