ຜູ່ຕາຍທີ່ຫຼັກ 28 ເປັນທະຫານ ຊັ້ນພັນໂທ! ການສັນນະສູດເບື່ອງຕົ້ນເສຍຊີວິດມາແລ້ວ ປະມານ 3 ວັນ!



ເຈົ້າໜ້າທີ່​ສືບສວນ-ສອບ​ສວນ ປກສ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ໃນວັນ​ທີ 18 ມັງກອນ 2018 ​ນີ້​ໄດ້​ຮັບ​ແຈ້ງ​ຈາກ​ປະຊາຊົນ​ວ່າ: ພົບ​ເຫັນ​ສົບຄົນ​ເສຍ​ຊີວິດ ຢູ່​ປ່າເຂດບ້ານ​ສົມ​ສະຫວັນ​, ເມືອງ​ໄຊ​ທານີ, ນະ​ຄອນ​ຫລວງ​ວຽງຈັນ, ​

ທາງເຈົ້າໜ້າທີ່ຈຶ່ງ​ໄດ້​ຮີບ​ຮ້ອນ​ລົງກວດກາ​ສະຖານ​ທີ່​ເກີດ​ເຫດ ແລະ ​ພົບສົບ​ຊາຍໄວກາງຄົນຈົມ​ກອງ​ເລືອດ, ສະພາບສົບແມ່ນໃສ່​ຊຸດ​ວອມ, ມີຮອຍລູກປືນຍິງທີ່ຂະໝັບຂວາ ແລະ ​ພົບ​ປືນໜຶ່ງກະບອກ​ຢູ່​​ຂ້າງ​ຜູ້​ຕາຍ.



ພາຍຫລັງສັນນະສູດສົບຜູ້ເສຍຊີວິດທາງນິຕິເວດ ຈຶ່ງ​ຮູ້​ວ່າຜູ້​ເສຍ​ຊີວິດ​ຊື່ທ້າວ ສູນ​ທອນ ອາຍຸ 50 ປີ ຢູ່​ບ້ານສົມ​ສະຫວັນ​ເມືອງ​ໄຊ​ທານີ, ​ເປັນພະນັກງານທະຫານຊັ້ນພັນໂທ ແລະ ​ບໍ່ພົບ​ຮ່ອງຮອຍ​ການ​ຕໍ່ສູ້​ໃດໆ, ແຕ່ພົບຮອຍມືຜູ້ຕາຍເປັນຮອຍດຽວກັນກັບຢູ່ປືນ, ເບື້ອງຕົ້ນ​ເຈົ້າໜ້າທີ່​ຄາດ​ວ່າຜູ້ກ່ຽວ​ອາດໃຊ້​ປືນ​ຍິງ​ໂຕ​ເອງ​ຕາຍ ແລະ ຕາຍ​ມາໄດ້​ປະມານ 3 ວັນ, ແຕ່ແນວໃດກໍຕາມ, ເຈົ້າໜ້າທີ່ສືບສວນ-ສອບ​ສວນກ່ຽວກັບຄະດີການເສຍຊີວິດລາຍນີ້ເພື່ອໃຫ້ຊັດເຈນຂຶ້ນຕື່ມ.

ຂ່າວ: ປກສ ນະຄອນຫຼວງວຽງຈັນ


ຂ່າວກ່ອນໜ້ານີ້: 


ນະຄອນຫຼວງວຽງຈັນ: ລາຍງານຈາກ ໜ່ວຍກູ້ໄພ ມູນນິທິຊ່ວຍເຫຼືອຄົນທຸກຍາກແຫ່ງ ສປປລາວ 1623 ໃຫ້ຮູ້ວ່າ ໃນວັນທີ 18/01/2018 ເວລາ 09:45 ນາທີ,  ມີປະຊາຊົນແແຈ້ງວ່າ ພົບຄົນເສຍຊີວິດຢູ່ໃນປ່າຫຼັກ 28,​ ເມືອງໄຊທານີ ນະຄອນຫຼວງວຽງຈັນ


ທາງອາສາສະໝັກໜ່ວຍກູ້ໄພໄປເຖິງທີ່ເກີດເຫດ ພົບຜູ້ເສຍຊີວິດ 1 ລາຍ ເປັນຊາຍ ນອນເສຍຊີວິດໃນປ່າ ມີຄາບເລືອດອອກຢູ່ບໍລິເວນຫົວ ບໍລິເວນດັ່ງກ່າວພົບລົດຈັກ ອີກ 1 ຄັນ ແລະ ຂ້າງຄຽງຜູ້ເສຍຊີວິດ ມີປືນສັ້ນ 1 ກະບອກ. 



ເຊິ່ງທາງໜ່ວຍກູ້ໄພ ແມ່ນລໍຖ້າເຈົ້າໜ້າທີທີ່ກ່ຽວຂ້ອງມາກວດສອບສະຖານທີ່ແລະ ສະຖານທີ ຊຶ່ງຄະດີແມ່ນຍັງຢູ່ໃນການສືບສວນ-ສວບສວນຈາກທາງເຈົ້າໜ້າທີ ເພື່ອກວດສອບ ລະອຽດຕື່ມ.

ລາຍງານເພີ່ມເຕີມເຫດການເສຍຊີວິດຄັ້ງນີ້ ຈະແຈ້ງໃຫ້ຊາບຕື່ມພາຍຫຼັງ. ເຊິ່ງເຫດການຄັ້ງນີ້ ອາດເປັນການຖືກຄາດຕະກຳ ຫຼື ຂ້າຕົວຕາຍ.




ຂອບໃຈພາບ ແລະ ຂໍ້ມູນຈາກ ໜ່ວຍກູ້ໄພ 1623 ແລະ ນາທີຊີວິດ

Post a Comment

0 Comments