ສາມ ອົງການຈັດຕັ້ງມະຫາຊົນ ກະຊວງ ຮສສ ອວຍພອນ ເນື່ອງໃນໂອກາດ ວັນສ້າງຕັ້ງກອງ ທັບປະຊາຊົນລາວ ຄົບຮອບ 69 ປີ



ສາມ ອົງມະຫາຊົນ ກະຊວງແຮງງານ ແລະ ສະຫວັດດີການສັງຄົມ ( ຮສສ ) ຕ່າງໜ້າໂດຍ ທ່ານ ນ. ແກ້ວ ຈັນທະວີໄຊ ຄະນະພັກກະຊວງ, ຫົວໜ້າກົມປະກັນສັງຄົມກະຊວງ ຮສສ ພ້ອມດ້ວຍຄະນະ, ໄດ້ໄປອວຍພອນ ກອງພົນໃຫຍ່ທະຫານຮາບຍານເກາະ ທີ 11 , ເນື່ອງໃນໂອກາດສະເຫລີມສະຫລອງ ວັນສ້າງຕັ້ງກອງທັບປະຊາຊົນລາວ ວັນທີ 20 ມັງກອນ ຄົບຮອບ 69 ປີ. ໃນວັນທີ 17 ມັງກອນ 2018ນີ້, ທີ່ນະຄອນຫຼວງວຽງຈັນ.


ໃນໂອກາດດັ່ງກ່າວ ທ່ານ ນ. ແກ້ວ ຈັນທະວີໄຊ ຕ່າງໜ້າໃຫ້ຂື້ນກ່າວ: ຂໍສະແດງຄວາມຂໍ່ານັບ ຊົມເຊີຍ ຕໍ່ ກອງພົນໃຫຍ່ທະຫານຮາບຍານເກາະ ທີ 11 ກໍຄື ຄະນະພັກ-ຄະນະນຳ ກະຊວງ ປ້ອງກັນປະເທດ, ຕະຫລອດຮອດນາຍ ແລະ ພົນທະຫານ ໃນທົ່ວກອງທັບ ປະຊາຊົນລາວ ເຖິ່ງກຳລັງປ້ອງກັນຊາດ, ພະນັກງານປະຕິວັດອາວຸໂສ ບຳນານທີ່ໄດ້ມີຜົນງານ ແລະ ຄຸນງາມຄວາມດີ, ກອງທັບປະຊາຊົນລາວ. 


ໃນຕະຫລອດໄລຍະທີ່ຜ່ານມາ, ພ້ອມທັງໄດ້ຕັ້ງໜ້າ ໃນການພັດທະນາກອງທັບໃຫ້ໜັກແໜ້ນເຂັ້ມແຂງ ເປັນກ້າວໆມາຄື ດັ່ງທຸກມື້ນີ້, ທັງໝົດນັ້ນລ້ວນແຕ່ ແມ່ນການປະກອບສ່ວນອັນໃຫຍ່ຫລວງ ,ເຮັດສຳເລັດໜ້າທີ່ມີກຽດອັນສະງ່າຂອງຕົນ ທີ່ ພັກ-ລັດ ປະເທດຊາດ ແລະ ປະຊາຊົນມອບໝາຍໃຫ້.

ໃນໂອກາດດັ່ງກ່າວ ສາມ ອົງການຈັດຕັ້ງມະຫາຊົນ ກະຊວງ ຮສສ ໄດ້ມອບເຄື່ອງກິລາ ຈຳນວນ 250 ຊຸດ ລວມມູນຄ່າທັງໝົດ 5 ລ້ານກວ່າກີບ ໃຫ້ກັບກອງພົນໃຫຍ່ທະຫານຮາບຍານເກາະ ທີ 11 ນຳອີກ.

ພາບ ແລະຂ່າວ: ເພັດສະໄໝ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments