ທ່ານ ປອ. ສັນຕິສຸກ ສິມມາລາວົງ ຮອງລັດຖະມົນກະຊວງ ຍທຂ ພ້ອມດ້ວຍຄະນະ ເຂົ້າອວຍພອນວັນສ້າງຕັ້ງກອງທັບປະຊາຊົນລາວຄົບຮອບ 69 ປີ



ໃນຕອນບ່າຍເວລາ 15:00 ໂມງ ຂອງວັນທີ 18 ມັງກອນ 2018 ຢູ່ທີ່ກະຊວງ ປ້ອງກັນປະເທດ ທ່ານ ປອ. ສັນຕິສຸກ ສິມມາລາວົງ ຮອງລັດ ຖະມົນກະຊວງ ຍທຂ ພ້ອມດ້ວຍຄະນະ ມີບັນດາທ່ານຫົວໜ້າກົມ, ທ່ານຮອງຫົວໜ້າກົມ, ທ່ານຫົວໜ້າສະຖາບັນ ເຂົ້າອວຍພອນເນື່ອງໃນໂອກາດ ວັນສ້າງຕັ້ງກອງທັບປະ ຊາຊົນລາວຄົບຮອບ 69 ປີ






ໃນໂອກາດອັນສະງ່າລາສີນີ້ ທ່ານ ປອ. ສັນຕິສຸກ ສິມມາລາວົງ ຮອງລັດຖະມົນຕີ ກະຊວງ ຍທຂ ໄດ້ສະແດງ ຄວາມຮູ້ບຸນຄຸນຕໍ່ກຳລັງປ້ອງກັນຊາດປ້ອງກັນຄວາມສະຫງົບ ທີ່ຍາມໃດກໍ່ເສຍສະຫຼະຕົນເອງ ບໍ່ວ່າຈະເປັນ ກຳລັງປ້ອງກັນຊາດທີ່ປະຈຳຢູ່ຊາຍແດນຍາມໃດກໍ່ສຸມທຸກກຳລັງແຮງ ເພືອ່ເຮັດໃຫ້ປະຊາຊົນລາວທຸກຊົນ ເຜົ່າໄດ້ມີຄວາມເປັນຢູ່ຜາສຸກຮົມເຢັນ ພ້ອມກັນນີ້ທ່ານ ກໍ່ໄດ້ສະແດງຄວາມຮູ້ບຸນຄຸນມາຍັງຄະນະນຳຂອງ ກະຊວງ ປ້ອງກັນປະເທດ ແລະ  ໄດ້ອວຍພອນໄຊໃຫ້ແກ່ຄະນະນຳກະຊວງ ປ້ອງກັນປະເທດ ກໍ່ຄື ບັນດາ ກຳລັງປ້ອງກັນຊາດທຸກຂົງເຂດທົ່ວປະເທດ ພ້ອມກັນນີ້ ຕາງໜ້າກະຊວງ ຍທຂ ທ່ານ ປອ. ສັນຕິສຸກ ສິມມາລາວົງ ຮອງລັດຖະມົນຕີ ກໍ່ໄດ້ມອບເງິນຊ່ວຍເຫຼືອຈຳນວນໜື່ງເພື່ອປະກອບສ່ວນ ນຳໃຊ້ເຂົ້າໃນ ການປະຕິບັດວຽກງານວິຊາສະເພາະ ຂອງກຳລັງປ້ອງກັນຊາດ ຈາກນັ້ນຄະນະນຳກະຊວງ ປ້ອງກັນປະເທດ ກໍ່ໄດ້ສະແດງຄວາມຂອບໃຈມາຍັງຄະນະນຳກະຊວງ ຍທຂ ທີ່ຍາມໃດກໍ່ໃຫ້ການຊ່ວຍເຫຼືອບໍ່ວ່າຈະເປັນທາງ ດ້ານປັດໃຈຕ່າງໆ ທີ່ປະກອບສ່ວນເຂົ້າໃນກຳລັງປ້ອງກັນຊາດ.


ພາບ ແລະ ຂ່າວ: ກະຊວງ ຍທຂ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments