ລະມາມ ໄຂກອງປະຊຸມຄົບຄະນະແນວລາວສ້າງຊາດຄັ້ງທີ III ສະໄໝທີ V





ກອງປະຊຸມຄົບຄະນະແນວລາວສ້າງຊາດເມືອງລະມາມຄັ້ງທີ III ສະໄໝທີ V ໄດ້ໄຂຂຶ້ນໃນຕອນເຊົ້າຂອງວັນທີ12 ມັງກອນ 2018 ຜ່ານມານີ້ຢູ່ທີ່ສະໂມສອນຫ້ອງວ່າການປົກຄອງເມືອງດັ່ງກ່າວ ພາຍໄຕ້ການເຂົ້າຮ່ວມເປັນປະທານຂອງທ່ານ ຄຳໄມ ດວງກັນຍາ ປະທານແນວລາວສ້າງຊາດແຂວງ, ມີທ່ານບຸນເນຍ ທອງປັນຍາ ຮອງເລຂາພັກເມືອງ ປະທານແນວລາວສ້າງຊາດເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນຂັ້ນເມືອງ, ມີບັນດາຫ້ອງການອ້ອມຂ້າງເມືອງພ້ອມດ້ວຍຄະນະກຳມະການແນວລາວສ້າງຊາດຂັ້ນເມືອງເຂົ້າຮ່ວມ.



ທ່ານ ຄອນສະຫວັນ ໄຊຍະສົມພອນ ຮອງປະທານຄະນະກຳມະການແນວລາວສ້າງຊາດເມືອງລະມາມ ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານແນວລາວສ້າງຊາດປະຈຳປີ 2017 ແລະທິດທາງແຜນການ 2018 ເປັນຕົ້ນແມ່ນວຽກງານການເມືອງ-ແນວຄິດ ເຊິງຄະນະກຳມະການແນວລາວສ້າງຊາດຂັ້ນເມືອງໄດ້ເຄື່ອນໄຫວສຶກສາອົບຮົມທາງດ້ານການເມືອງ-ແນວຄິດໃຫ້ພຊໍ່ແມ່ປະຊາຊົນບັນດາເຜົ່າ, ສາສະໜາ, ຊັ້ນຄົນ, ເພດໄວຕາມແນວທາງປ່ຽນແປງໃຫມ່ຂອງພັກ-ລັດວາງອອກ ໂດຍສະເພາະເຊື່ອມຊຶມເອກະສານມະຕິກອງປະຊຸມໃຫຍ່ຄັ້ງທີ X ຂອງສູນກາງພັກ, ມະຕິກອງປະຊຸມໃຫຍ່ X ຂອງສູນກາງແນວລາວສ້າງຊາດ, ມະຕິ IX ຂອງອົງຄະນະພັກແຂວງເຊກອງ, ມະຕິ VIII ຂອງອົງຄະນະພັກເມືອງ ກໍຄືມະຕິກອງປະຊຸມໃຫຍ່ຄັ້ງທີ V ຂອງແນວລາວສ້າງຊາດເມືອງ, ວຽກງານຊົນເຜົ່າໄດ້ປຸກລະດົມປະຊາຊົນບັນດາເຜົ່າໃຫ້ມີສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິຂອງສັດຕູ, ເດັດດ່ຽວໜຽວແໜ້ນຕ້ານ ແລະສະກັດກັ້ນທຸກຮູບແບບທີ່ມີການແບ່ງແຍກຄວາມສາມັກຄີບັນດາເຜົ່າ, ສ້າງຄວາມບໍ່ສະຫງົບໃຫ້ແກ່ສັງຄົມ, ວຽກງານສາສະໜາກໍແມ່ນວຽກງານໜຶ່ງທີ່ສຳຄັນທາງດ້ານການເມືອງ ເຊິ່ງຍາມໃດຄະນະພັກ-ອຳນາດການປົກຄອງກໍຄືອົງການຈັດຕັ້ງແນວລາວສ້າງຊາດແຕ່ລະຂັ້ນໄດ້ເອົາໃຈໃສ່ເປັນພິເສດໃນການສຶກສາອົບຮົມ, ປຸກລະດົມ, ຂົນຂວາຍເຕົ້າໂຮມຄວາມສາມັກຄີບັນດາເຜົ່າ, ຊານິກະຊົນຂອງອົງການພຸດທະສາດສະໜາ ແລະສາສະໜາຕ່າງໆໃຫ້ມີຄວາມຮັບຮູ້ ແລະເຂົ້າໃຈຕໍ່ແນວທາງຂອງພັກ, ລະບຽບຂອງລັດໂດຍສະເພາະດຳລັດ 315/ລບ ວ່າດ້ວຍການຄຸ້ມຄອງ ແລະປົກປ້ອງການເຄື່ອນໄຫວສາສະ ໜາຢູ່ ສປປ ລາວ. ປະຈຸບັນທົ່ວເມືອງລະມາມມີຈຳນວນວັດ 6 ແຫ່ງ, ມີພະສົງ 24 ອົງ, ສຳມະເນນ 67 ອົງ, ແມ່ຂາວ 5 ຕົນ, ສັງກະລີ 2 ຄົນ ແລະພະພຸດທະຮູບ 303 ອົງ.





ສ່ວນທິດທາງແຜນການໃນປີ 2018 ຂອງແນວລາວສ້າງຊາດເອົາໃຈໃສ່ສືບຕໍ່ສຶກສາອົບຮົມທາງດ້ານການເມືອງແນວຄິດໃຫ້ປະຊາຊົນບັນດາເຜົ່າທົ່ວສັງຄົມໜັກແໜ້ນ, ປຸກລະດົມກຳລັງແຮງໃນທົ່ວປວງຊົນເຂົ້າຮ່ວມໃນການຈັດຕັ້ງປະຕິບັດແນວທາງນະໂຍບາຍຂອງພັກ ແລະແຜນພັດທະນາເສດຖະກິດ-ສັງຄົມຂອງລັດ ໂດຍສະເພາະປະກອບສ່ວນຈັດຕັ້ງປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະສ້າງສາພັດທະນາປະເທດຊາດ.


ຂ່າວ:ດາວສະຫັວນ ໄຊລາສອນ (ຂ່າວເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments