ຄະນະຮັບຜິດຊອບໂຄງການສື່ໄວໜຸ່ມຂອງວິທະຍຸກະຈາຍສຽງແຫ່ງຊາດລາວ ຕິດຕາມ ແລະ ແລກປ່ຽນບົດຮຽນ ກັບທີມງານສື່ໄວໜຸ່ມແຂວງ ໄຊສົມບູນ



ຄະນະຮັບຜິດຊອບໂຄງການສື່ໄວໜຸ່ມຂອງວິທະຍຸກະຈາຍສຽງແຫ່ງຊາດລາວ ນຳໂດຍທ່ານ ຄຳຜ່ອນ ໄຊອຸດົມ, ຫົວໜ້າພະແນກວັນນະຄະດີ ໄດ້ຕິດຕາມ ແລະ ແລກປ່ຽນບົດຮຽນກັບທີມງານສື່ໄວໜຸ່ມແຂວງ ໄຊສົມບູນ ໃນວັນທີ 20-21 ມັງກອນ 2018 ເພື່ອແລກປ່ຽນຖອດຖອນບົດຮຽນຮ່ວມກັນກ່ຽວກັບການຜະລິດສະປອດ, ລັກສະນະການຂຽນ ແລະ ຮູບແບບຂອງສະປອດທາງວິທະຍຸ, ການອອກ 6 ສະປອດກ່ຽວກັບໂພຊະນາການ ແລະ ລາຍການກ່ຽວກັບໂພສະນາການທີ່ໄດ້ກະຈາຍອອກໂທລະໂຄ່ງໄປແລ້ວ, ການສົມທຽບຄວາມແຕກຕ່າງລະຫວ່າງການຂຽນຂ່າວ ແລະ ບົດທາງວິທະຍຸກະຈາຍສຽງ, ການນຳໃຊ້ສື່ອອນລາຍໂດຍສະເພາະ face book ເພື່ອໂຄສະນາຂໍ້ມູນຂ່າວສານຕ່າງຯ ກ່ຽວກັບໄວໜຸ່ມ, ລວມເຖີງການນຳໃຊ້ຊອບແວການຕັດຕໍ່ສຽງ ແລະ ພາບ.


 ນອກນີ້ ຄະນະຮັບຜິດຊອບໂຄງການສື່ໄວໜຸ່ມຂອງວິທະຍຸກະຈາຍສຽງແຫ່ງຊາດລາວ ຍັງໄດ້ເຮັດວຽກຮ່ວມກັບຄະນະຮັບຜິດຊອບທີມງານສື່ໄວໜຸ່ມແຂວງ ໄຊສົມບູນ ກ່ຽວກັບການບໍລິຫານ ແລະ ການວາງແຜນກິດຈະກຳ, ແນະນຳຈຸດພິເສດຂອງການສະເໜີແຜນຂໍງົບປະມານ, ການສະຫລຸບກິດຈະກຳ ແລະ ງົບປະມານທີ່ໄດ້ຮັບການຊ່ວຍເຫລືອຈາກອົງການ Unicef ຕື່ມອີກ.



ສຳລັບການຈັດຕັ້ງປະຕິບັດໂຄງການສື່ໄວໜຸ່ມຂອງແຂວງ ໄຊສົມບູນ ແມ່ນຈັດຕັ້ງປະຕິບັດຜ່ານການເຮັດລາຍການກ່ຽວກັບໄວໜຸ່ມອອກໂທລະໂຄງຂອງແຂວງທຸກວັນເສົາ ແລະ ວັນອາທິດ ໂດຍອອກອາກາດວັນລະສອງຄັ້ງໃນເວລາດຽວກັນ ຄື: ເວລາ 6 ໂມງ 30 ນາທີ ຫາ 7 ໂມງ ແລະ ເວລາ 18 ໂມງ 30 ນາທີ ຫາ 19 ໂມງ ໂດຍເລີ່ມຜະລິດລາຍການອອກໂທລະໂຄ່ງນັບແຕ່ທ້າຍປີ 2016 ເປັນຕົ້ນມາ.


ທີ່ມາ: ວສລ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments