ເສຍຊີວິດຄາທີ່! ລົດຈັກ ຕຳທ້າຍລົດພວງ ທາງບ້ານໂຊກນ້ອຍ


ນະຄອນຫຼວງວຽງຈັນ: ລາຍງານຈາກ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປລາວ 1623 ໃຫ້ຮູ້ວ່າ ໃນວັນທີ 17/01/2018 ເວລາ 21:19 ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບແຈ້ງຜ່ານເບີ1623 ວ່າມີເຫດ ລົດຈັກຕຳເຂົ້າທ້າຍລົດພວງ ຈຸດເກີດເຫດ ບ້ານໂຊກນ້ອຍ ເມືອງໄຊເສດຖາ, ນະຄອນຫຼວງວຽງຈັນ.

ຈາກລາຍງານມີຜູ້ບາດເຈັບ 1 ຄົນ ບໍ່ໄດ້ສະຕິ ພໍຫນ່ວຍກູ້ໄພ ອອກກວດສອບພົບຄົນເຈັບ1 ຄົນ ບໍ່ໄດ້ສະຕິ ເລີຍໄດ້ທຳການ CPR ແຕ່ຄົນເຈັບບໍ່ຕອບສະຫນອງເພາະ ຄົນເຈັບກະທົບຫົວຢ່າງຮຸ່ນແຮງ. ຜູ້ເສຍຊີວິດ ເປັນ ເພດຊາຍ ອາຍຸ35 ປີ ອາຊີບ ກຳມະກອນ ບ້ານດຸງ ເມືອງໄຊເສດຖາ ແຂວງນະຄອນຫລວງ.

ດັ່ງນັ້ນຫນ່ວຍກູ້ໄພມູນນິທິ1623 ຈື່ງໄດ້ປະສານຫາເຈົ້ານາທີ ແລະ ໄດ້ມ້ຽນສົບຜູ້ເສຍຊີວິດແລ້ວນຳສົ່ງຕໍ່ໃຫ້ພີນ້ອງເພື່ອທຳພິທີທາງສາດສະນາຕໍ່ໄປ ທາງຫນ່ວຍກູ້ໄພມູນນິທິ1623 ຕ້ອງຂໍສະແດງຄວາມເສຍໃຈມາຍັງຍາດຜູ້ເສຍຊີວິດໃນຄັ້ງນີ້.

ສ່ວນສາເຫດການເກີດອຸບັດຕິເຫດ ທາງເຈົ້າໜ້າທີ່ກ່ຽວຂ້ອງຈະໄດ້ເຮັດການສືບສວນຕໍ່ໄປ.

ພາບແລະຂ່າວ: 1623, ຈຸດປະຈຳການດົງໂດກ

------------------------------------
ບາດເຈັບສຸກເສີນໂທ 1623 ຕະຫລອດ 24 ຊົ່ວໂມງ


Post a Comment

0 Comments