ຕຳສາມປະສານ ເສຍຊີວິດ 1 ຄົນ ທາງບ້ານດອນປ່າໃໝ່



ນະຄອນຫຼວງວຽງຈັນ: ລາຍງານຈາກ 1623​ ໃຫ້ຮູ້ວ່າ ໃນເວລາ 19:30 ວັນທີ 23 ມັງກອນ 2018, ໜ່ວຍກູ້ໄພມູນນີທິຊ່ວຍເຫຼືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດຈາກປະຊາຊົນວ່າ ມີເຫດ ລົດຕຳກັນ 3 ຄັນ (ລົດຈັກ 2 ແລະ ລົດໃຫຍ່ 1) ຢູ່ໜ້າຫ້ອງການບ້ານດອນປ່າໃໝ່ ເມືອງສີສັດຕະນາກ ແຂວງນະຄອນຫຼວງວຽງຈັນ.





ພໍໜ່ວຍກູ້ໄພມູນນິທິໄປຮອດຈຸດເກີດເຫດພົບວ່າຄົນເຈັບເປັນເພດຊາຍ ອາຍຸ24ປີ ອາຊີບນັກສຶກສາ ບ້ານແກ້ງຍາງ ເມືອງຫາດຊາຍຟອງ ແຂວງນະຄອນຫຼວງວຽງຈັນ

ອາການເບື້ອງຕົ້ນແມ່ນກະທົບຫົວ ມີບາດເປີດຢູ່ຄີ້ວທັງສອງຂ້າງ ເລືອດອອກປາກແລະດັງ ຂໍ້ແຂນຂ້າງຂວາຫັກ ກົກຂາຂ້າງຊ້າຍຫັກ ບໍ່ໄດ້ສະຕິ ຊີບພະຈອນບໍ່ເຕັ້ນ ດັ່ງນັ້ນທາງໜ່ວຍກູ້ໄພຈຶ່ງໄດ້ທຳການ CPR ແຕ່ຄົນເຈັບບໍ່ຕອບສະໜອງ ແລະ ເສຍຊີວິດໃນເວລາຕໍ່ມາ




ດັ່ງນັ້ນທາງໜ່ວຍກູ້ໄພມູນນິທິ1623ຈຶ່ງໄດ້ນຳສົ່ງຮ່າງຂອງຜູ້ເສຍຊີວິດໄປວັດດອນປ່າມ່ວງ ເພື່ອເຮັດພິທີທາງສາສະໜາ. ພວກເຮົາສະແດງຄວາມເສຍໃຈນຳຄອບຄົວຜູ້ເສຍຊີວິດດ້ວຍ

ສ່ວນການດຳເນີນການກວດສອບສາເຫດ ຂອງອຸບັດຕິເຫດ ເຈົ້າໜ້າທີ່ຈາລະຈອນ ຈະດຳເນີນການຕໍ່ໄປ.

ພາບແລະຂ່າວ: 1623


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments