ຄະນະກຳມະບານຮາກຖານ ຄະນະຈັດຕັ້ງ, ກວດກາ ແລະ ໂຄສະນາ ເມືອງເງິນ ໄດ້ປິດ ກອງປະຊຸມໃຫຍ່ ຄັ້ງທີ III ຂອງຕົນ


ກອງປະຊຸມໃຫຍ່ຄັ້ງທີ III ຂອງຄະນະກໍາມະບານຮາກຖານ ຄະນະຈັດຕັ້ງ, ກວດກາ ແລະ ໂຄສະນາ ໄດ້ປິດລົງຢ່າງເປັນທາງການ ໃນວັນທີ 11 ມັງກອນ 2018 ຜ່ານມານີ້ ຢູ່ທີຫ້ອງປະຊຸມ ຫ້ອງວ່າການປົກຄອງ ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານ ຂອງ ສຫ ນາງ ນາລີ ວິໄລຈິດ ປະທານ ກໍາມະບານຮາກຖານ ຄະນະຈັດຕັ້ງ, ກວດກາ ແລະ ໂຄສະນາ , ເຂົ້າຮ່ວມເປັນກຽດມີ ສຫ ບຸນຈັນ ແສນສະຫວັດ ຄະນະປະຈຳພັກເມືອງ ປະທານກວດກາພັກລັດເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນ, ມີ ສຫ ສົມພົງ ປ້ອງຄຳ ຄະນະບໍລິຫານງານ ສພ ກຳມະບານແຂວງ ປະທານ ສພ ກຳມະບານເມືອງ, ມີເລຂາໜ່ວຍພັກ ມີປະທານຮາກຖານອ້ອມຂ້າງ ແລະ ຜູ້ແທນກອງປະຊຸມ ເຂົ້າຮ່ວມທັງໝົດ 28 ສຫ, ຍິງ 8 ສະຫາຍ.


ກອງປະຊຸມ ໄດ້ຄົ້ນຄວ້າ ແລະ ຮັບຮອງເອົາບົດລາຍງານການເມືອງ ໃນໄລຍະ 3 ປີຜ່ານມາ ແລະ ທິດທາງແຜນການໃນ 5 ປີຕໍ່ໜ້າ. ຂອງຄະນະກໍາມະບານຮາກຖານ ຄະນະຈັດຕັ້ງ, ກວດກາ ແລະ ໂຄສະນາ ຄັ້ງທີ II ເຊີ່ງສາມາດຍາດໄດ້ຜົນສຳເລັດຫຼາຍດ້ານ: ເປັນຕົ້ນດ້ານແນວຄິດ-ການເມືອງ ມີແນວຄິດອຸ່ນອ່ຽງທຸນທ່ຽງ, ມີແນວຄິດຫຼັກໝັ້ນ ຕໍ່ການນຳພາຂອງພັກ ດ້ານການຈັດຕັ້ງ ແລະ ຂະຫຍາຍສະມາຊິກໄດ້ໄປຕາມລະບົບ, ໂດຍຕິດພັນກັບຂະບວນການແຂງ່ຂັນ ຮັກຊາດ ແລະ ພັດທະນາ ຢ່າງຕັ້ງໜ້າ ຟົດຟື້ນ ແລະ ກ້ວາງຂວາງ .


ໃນວາລະກອງປະຊຸມໄດ້ຄົ້ນຄວ້າ ແລະ ເປັນເອກະພາບກັນລົງປະຊາມະຕິ ຮັບຮອງເອົາຄະນະກຳມະບານຮາກຖານຊຸດໃໝ່ ຈຳນວນ 5 ສຫ ເຊີ່ງໄດ້ : ສຫ ອຳໄພ ໄຊຍະສອນ ເປັນປະທານ, ສຫ ພອນໄຊ ໄຊຍະວົງ ເປັນຮອງ , ສຫ ບຸນເສີດ ຄຳພິວົງ ເປັນຄະນະ , ສຫ ກອງແກ້ວ ສູນທະລາ ເປັນຄະນະ ແລະ ສຫ ສິງທອງ ໄຊວຸດທິ ເປັນຄະນະ .


ໂດຍ: ສຸລິຍາ ແສງເດືອນ

Post a Comment

0 Comments