ທ່ານ ຈູມມະລີ ໄຊຍະສອນ ພ້ອມພັນລະຍາ ແລະ ຄະນະ ຢ້ຽມຢາມ ເມືອງພູຄູນ


ທ່ານ ຈຸມມະລີ ໄຊຍະສອນ ອະດີດປະທານປະເທດ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ລົງເຄືອນໄຫວຢ້ຽມຢາມເມືອງພູຸຄູນ

ໃນວັນທີ 13 ມັງກອນ ທີ່ຜ່ານມາ ທ່ານຈຸມມະລີ ໄຊຍະສອນ ອະດີດປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍພັນລະຍາ ລົງເຄືອນໄຫວຢ້ຽມຢາມເມືອງພູຸຄູນໂດຍມີ ທ່ານ ວຽງທອງ ຫັດສະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງພູຄູນ ພ້ອມດ້ວຍຄະນະ ໃຫ້ການຕ້ອນຮັບຢູ່ທີຮ້ານອາຫານພູຄູນພຽງຟ້າ.


ໃນໂອກາດຂອງການຢ້ຽມຢາມເມືອງພູຄູນ ຂອງອະດີດປະທານປະເທດ ແລະ ຄະນະໃນຄັ້ງນີ້ ໄດ້ຢ້ຽມຊົມແຫຼ່ງທ່ອງທ່ຽວສາລາຄຳພູຄູນ, ເປັນແຫຼ່ງທ່ອງທ່ຽວທາງທຳມະຊາດອີກແຫ່ງໜຶ່ງທີ່ມີຊື່ສຽງຂອງເມືອງພູຄູນ ທີ່ໄດ້ຮັບການນິຍົມຂອງນັກທ່ອງທ່ຽວຈາກພາຍໃນ ແລະ ຕ່າງປະເທດ ທີ່ເຂົ້າມາສຳພັດກັບບັນຍາກາດໜາວ, ຊົມທຳມະຊາດ, ທະເລໝອກ. ໃນປີ2017 ມີນັກທ່ອງທ່ຽວ ເຂົ້າມາທ່ຽວເຖິງ 3,257 ເທື່ອຄົນ. ນອກນີ້ ຄະນະໄດ້ເຂົ້າຮ່ວມພິທີບາສີສູ່ຂວັນຕາມຮີດຄອງປະເພນີລາວເນື່ອງໃນໂອກາດປີໃໝ່ສາກົນ 2018.

ພິທີຕ້ອນຮັບ ທ່ານ ຈູມມະລີ ໄຊຍະສອນ ແລະ ຄະນະ ທີ່ມາຢ້ຽມຢາມເມືອງພູຄູນ


ພ້ອມທັງພົບປະ ອະດີດນັກປະຕິວັດຂອງເມືອງ ທີ່ຫ້ອງຮັບແຂກຮ້ານອາຫານສາລາຄຳພູຄູນ. ຈາກນັ້ນ ຄະນະຜູ້ແທນໄດ້ເດີນທາງໄປບ້ານຜາຫວາຍ ກຸ່ມບ້ານຈີມ ເພື່ອຢ້ຽມຊົມຖໍ້າຜາຫວາຍເຊິ່ງແມ່ນສະຖານທີ່ລົບໄພ ແລະ ເຕົ້າໂຮມກຳລັງທະຫານຂອງກອງທັບປະຊາຊົນລາວ ເພື່ອກຽມບຸກໂຈມສູ້ຮົບກັບສັດຕູໃນເຂດສາມແຍກສາລາພູຄູນ ເມືອປີ1971, ທ່ຽວຊົມເຂດລ້ອງສະງື້ມຈຸດທີ່ຈະຂະຫຍາຍເປັນຕົວເມືອງພູຄູນແຫ່ງໃໝ່ ແລະ ພູສູງປ້ອມຈັງທ່າສູ້ຮົບໃນເມືອກ່ອນ, ໃນໂອກາດນີ້ ທ່ານຈຸມມະລີ ໄຊຍະສອນ ອະດີດປະທານປະເທດ ຍັງໄດ້ໂອ້ລົມ ແລະ ໃຫ້ທິດຊີ້ນຳໃຫ້ຄະນະພັກ-ອຳນາດການປົກຄອງເມືອງພູຄູນ ເອົາໃຈໃສ່ ຊີ້ນຳ-ນຳພາຈັດຕັ້ງປະຕິບັດໃຫ້ບັນລຸຕາມຄາດໝາຍແຜນພັດທະນາເສດຖະກິດ-ສັງຄົມຂອງເມືອງທີ່ໄດ້ກຳນົດໄວ້ ໂດຍສະເພາະແມ່ນການສ້າງອາຊີບທີ່ໝັ້ນຄົງ ເພື່ອແກ້ໄຂຄວາມທຸກຍາກຂອງປະຊາຊົນ ໂດຍອີງໃສ່ທ່າແຮງທີ່ມີເປັນຕົ້ນແມ່ນ: ການປູກຜັກປອດສານຜິດ-ການລ້ຽງສັດໃຫ່ຍເປັັນສິນຄ້າ ແລະ ການບໍລິການດ້ານການທ່ອງທ່ຽວ. ໃນນີ້ ທ່ານໄດ້ໃຫ້ທິດຊີ້ນໍາ ໂດຍໃຫ້ອຳນາດການປົກຄອງເມືອງ ຮ່ວມກັບ ພາກເອກະຊົນ ສຳຫຼວດຈຸດຖໍ້າຜາຫວາຍ ແລະ ຈຸດອື່ນໆເພື່ອບູລະນະ-ປັບປຸງສ້າງເປັນແຫຼ່ງທ່ອງທ່ຽວ.

ພາບ ແລະ ຂ່າວ: ວັນທຽນ ຄຳທະສິດ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments