ກອງປະຊຸມຜ່ານແຜນພັດທະນາ ແລະ ຄຸ້ມຄອງການທ່ອງທ່ຽວ ເມືອງງອຍ ສຳລັບປີ 2018-2020 ແລະ ວິໄສທັດຮອດປີ 2030

Photos: Waterlust Laos


ກອງປະຊຸມຜ່ານແຜນພັດທະນາ ແລະ ຄຸ້ມຄອງການທ່ອງທ່ຽວ ເມືອງງອຍ ສຳລັບປີ 2018-2020 ແລະ ວິໄສທັດຮອດປີ 2030


ກອງປະຊຸມຜ່ານແຜນພັດທະນາ ແລະ ຄຸ້ມຄອງການທ່ອງທ່ຽວ ເມືອງງອຍ ສຳລັບປີ 2018-2020 ແລະ ວິໄສທັດຮອດປີ 2030

ວັນທີ 10 ມັງກອນ ນີ້ ຢູ່ສະໂມສອນຫ້ອງວ່າການປົກຄອງເມືອງງອຍ ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ໄດ້ຈັດກອງປະຊຸມຜ່ານແຜນພັດທະນາ ແລະ ຄຸ້ມຄອງການທ່ອງທ່ຽວ ຂອງເມືອງງອຍ ປີ 2018-2020 ແລະ ວິໄສທັດຮອດປີ 2030 ໂດຍການເປັນປະທານຮ່ວມຂອງ ທ່ານ ດ.ຣ ນາງ ສຸດາພອນ ຄົມທະວົງ ຮອງຫົວໜ້າພະແນກ ຖະແຫຼຂ່າວ ວັດທະນະທຳ ແລະ ທ່ອງທ່ຽວແຂວງ, ທ່ານ ທອງດີ ໄຊຫຼົ້ງທໍ່ ຫົວໜ້າຄະນະຈັດຕັ້ງເມືອງ ຕາງໜ້າການນຳເມືອງ, ມີຫົວໜ້າ, ຮອງຫົວໜ້າຫ້ອງການເມືອງ, ພ້ອມດ້ວຍຜູ້ປະກອບການທຸລະກິດ ດ້ານການບໍລິ ການ-ການທ່ອງທ່ຽວ ພາຍໃນເມືອງງອຍເຂົ້າຮ່ວມ.


ການຈັດກອງປະຊຸມເທື່ອນີ້ກໍ່ແມ່ນການເຜີຍແຜ່ ຍຸດທະສາດການພັດທະນາ ແລະ ຄຸ້ມຄອງການທ່ອງທ່ຽວ ຂອງເມືອງງອຍ ໃຫ້ໄດ້ຮັບການຈັດຕັ້ງປະຕິບັດ ພ້ອມທັງເຮັດໃຫ້ໂຄງປະກອບ ດ້ານເສດຖະກິດຂອງເມືອງ ໃຫ້ໄດ້ຮັບການຂະຫຍາຍຕົວ, ສ້າງລາຍຮັບໃຫ້ພາກລັດ ແລະ ປະຊາຊົນບັນດາເຜົ່າ, ກ້າວໄປເຖີງການຫຼຸດພົ້ນອອກຈາກຄວາມທຸກຍາກ ຕາມແນວທາງ-ນະໂຍບາຍຂອງພັກ ແລະ ລັດຖະບານວາງອອກ. ໃນນັ້ນ ໄດ້ກຳນົດ 6 ຈຸດປະສົງຫຼັກ, 12 ຍຸດທະສາດ, ປະກອບມີ 28 ໂຄງການ ແລະ 111 ໂຄງການ, ໂດຍກຳນົດວິໄສທັດວ່າ:


 " ພັດທະນາເມືອງງອຍ ໃຫ້ກາຍເປັນຈຸດໝາຍປາຍທາງດ້ານການທ່ອງທ່ຽວທີ່ມີຫຼາຍສີສັນ ມີຄວາມຍືນຍົງຂອງສີ່ງແວດລ້ອມ ແລະ ຊີວະນາໆພັນອັນອຸດົມສົມບູນ, ເສີມຂະຫຍາຍມູນເຊື້ອອັນພິລະອາດຫານ ແລະ ຮີດຄອງປະເພນີອັນດີງາມຂອງຊົນເຜົ່າ, ເພີ່ມທະວີການສ້າງເສດຖະກິດ ຕິດພັນກັບການຜະລິດກະສິກຳ ແລະ ການບໍລິການທາງຜ່ານ ໃຫ້ມີທ່ວງທ່າຂະຫຍາຍຕົວຢ່າງຕໍ່ເນື່ອງ ເຮັດໃຫ້ສັງຄົມມີຄວາມຜາສຸກ ",ໃນກອງປະຊຸມ ຜູ້ເຂົ້າຮ່ວມໄດ້ປະກອບຄຳຄິດຄຳເຫັນ ເພື່ອປັບປຸງແຜນພັດທະນາ ແລະ ຄຸ້ມຄອງການທ່ອງທ່ຽວ ຂອງເມືອງງອຍບາງຈຸດ ທີ່ຍັງເຫັນວ່າບໍ່ທັນຄົບຖ້ວນ, ແນໃສ່ເຮັດໃຫ້ແຜນດັ່ງກ່າວ ມີເນື້ອໃນສົມບູນ ແລະ ໄດ້ຮັບການຮັບຮອງໃນຕໍ່ໜ້າ.

ພາບ-ຂ່າວ ໂດຍ: ອາພຸດເດດ ບຸບຜາ

Post a Comment

0 Comments