ໄຊຍະບູລີ - ເລີຍຮ່ວມກັນຈັດງານວາງສະແດງ ແລະ ຈຳໜ່າຍສິນຄ້າ OTOP ສາຍສຳພັນສອງແຜ່ນດິນລາວ-ໄທປະຈຳປີ 2018



ແຂວງໄຊຍະບູລີ : ພິທີຈັດງານວາງສະແດງ ແລະ ຈຳໜ່າຍສິນຄ້າໂອດອບ ( OTOP ) ສາຍສໍາພັນ ລາວ-ໄທ, ແຂວງ ໄຊຍະບູລີ ສປປລາວ ແລະ ຈັ່ງຫວັດເ ເລີຍ ຣາສະອານາຈັກໄທ, ໄດ້ຈັດຂຶ້ນທີ່ສະໜາມກິລາບານເຕະ ເມືອງປາກລາຍ ແຂວງ ໄຊຍະບູລີ, ໃນວັນທີ 12 ມັງກອນ 2018ນີ້, ຝ່າຍລາວເຂົ້າຮ່ວມເປັນກຽດໂດຍ ທ່ານ ພົງສະຫວັນ ສິດທະວົງ ເຈົ້າ ແຂວງ ໄຊຍະບູລີ, ຝ່າຍໄທໂດຍ ທ່ານ ໄຊວັດ ຊື່ນໂກສຸມ ຜູ້ວ່າຣາດຊະການຈັ່ງຫວັດເລີຍ, ມີບັນດາທ່ານແຂກ, ຜູ້ປະກອບການ, ຮ້ານວາງສະແດງສິນຄ້າ OTOP ຕະຫຼອດຮອດພໍ່ແມ່ປະຊາຊົນທັງສອງຝ່າຍລາວ-ໄທເຂົ້າຮ່ວມຢ່າງຫຼວງຫຼາຍ.



ໃນພິທີ ທ່ານ ບຸນລັບ ແສງອາພອນ ເຈົ້າເມືອງ-ເມືອງ ປາກລາຍໄດ້ໃຫ້ຮູ້ວ່າ: ການຈັດງານວາງສະແດງ ແລະ ຈຳໜ່າຍສິນຄ້າໂອດອບ ( OTOP ) ສາຍສໍາພັນ ລາວ-ໄທ, ແຂວງ ໄຊຍະບູລີ ສປປລາວ ແລະ ຈັ່ງຫວັດເ ເລີຍ ຣາສະອານາຈັກໄທຄັ້ງນີ້ມີຮ້ານວາງສະແດງສິນຄ້າທັງໝົດ 90 ຮ້ານ, ໃນນນັ້ນ ຮ້ານສິນຄ້າຂອງປະຊາຊົນລາວມີ 10 ຮ້ານ, ໂດຍມີຈຸດປະສົງ ເພື່ອສ້າງຄວາມສາມັກຄີ, ໄມຕີຈິດມິດຕະພາບ ແລະ ຄວາມສໍາພັນອັນເລິກເຊິ່ງໃນການພັດທະນາ, ສົ່ງເສີມດ້ານການຄ້າ, ການລົງທຶນ, ການບໍລິການ, ການທ່ອງທ່ຽວ ແລະ ເພື່ອເປັນການຸກຍູ້ສົ່ງເສີມຫົວຄິດປະດິດສ້າງຈາກສີໄມ້ລາຍມືກາຍເປັນສິນຄ້າຂອງປະຊາຊົນ ແລະ ພ້ອມຈໍາໜ່າຍອອກສູ່ສັງຄົມໃຫ້ພົ້ນເດັ່ນຂຶ້ນ, ເພື່ອເສີມສ້າງລາຍໄດ້ໃຫ້ປະຊາຊົາໃນການພັດທະນາຊີວິດການເປັນຢູ່ຂອງປະຊາຊົນສອງແຂວງ, ໄຊຍະບູລີ-ເລີຍໃຫ້ນັບມື້ນັບດີຂຶ້ນເປັນກ້າວໆ





ໂອກາດດັ່ງກ່າວ ທ່ານ ພົງສະຫວັນ ສິດທະວົງ ເຈົ້າ ແຂວງ ໄຊຍະບູລີ, ໄດ້ກ່າວຂອບໃຈຕໍ່ ຜູ້ວ່າລັດສະການ ຈັ່ງຫວັດ ເລີຍ ພ້ອມດ້ວຍ ທີມງານ ທີ່ໄດ້ເຮັດໃຫ້ການວາງສະແດງ ແລະ ຈຳໜ່າຍສິນຄ້າ OTOP ສາຍສຳພັນສອງແຜ່ນດິນລາວ-ໄທ ປະຈຳປີ 2018ຄັ້ງນີ້ໄດ້ເກີດຂຶ້ນ, ເຊິງງານດັ່ງກ່າວ ແມ່ນໄດ້ນໍາເອົາຄວາມສາມັກຄີຮັກແພງອັນອົບອຸ່ນ, ໄມຕີຈິດມິດຕະພາບອັນຜ່ອງໃສມາສູ່ ງານວາງສະແດງ ແລະ ຈຳໜ່າຍສິນຄ້າ OTOP ກໍ່ຄືປະຊາຊົນທັງສອງປະເທດໄດ້ມີໂອກາດພົບປະ, ແລະປ່ຽສິນຄ້າເຊິ່ງກັນ ແລະ ກັນ ແລະ ເພື່ອເປັນການຜັນຂະຫຍາຍ ບົດບັນທຶກກອງປະຊຸມຂອງລັດຖະບານ 2 ປະເທດ ເວົ້າລວມ, ເວົ້າສະເພາະລະຫວ່າງ ແຂວງ ໄຊຍະບູລີ ກັບ ຈັງຫວັດ ເລີຍ ທີ່ມີຊາຍແດນຕິດຈອດກັນ ແລະ ຍັງເປັນການເສີມຂະຫຍາຍສາຍພົວພັນທີ່ດີ ທີ່ເຄີຍມີມາແຕ່ດົນນານນັ້ນ ໃຫ້ນັບມື້ນັບແໜ້ນແຟ້ນຍື່ງຂຶ້ນ, ທັງເປັນການສົ່ງເສີມດ້ານການຄ້າ, ການລົງທຶນ, ການບໍລິການ ແລະ ການທ່ອງທ່ຽວໃຫ້ມີການເຊື່ອມໂຍງຊຶ່ງກັນ ແລະ ກັນໃນອານາຄົດ ໃຫ້ເຂັ້ມແຂງ, ຈາກນັ້ນທັງສອງຝ່າຍກໍ່ໄດ້ຮ່ວມກັນຕັດແຖບຜ້າເປີດພິທີຢ່າງເປັນທາງການ ແລະ ໄດ້ມອບຂອງທີ່ະນຶກ, ສິນຄ້າ ໂອອບ ເຊິ່ງກັນ ແລະ ກັນ ແລະ ພ້ອມກັນ ທ່ຽວຊົມຮ້ານວາງສະແດງສິນຄ້າຂອງປະຊາຊົນັງສອງປະເທດ.


ທີ່ມາ: ຂ່າວແຂວງໄຊຍະບູລີ/ມີເດຍລາວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments