SCG ມອບທຶນການສຶກສາ ແກ່ນັກຮຽນ 300 ຄົນ ພາຍໃຕ້ໂຄງການ SCG Sharing the Dream ປີທີ 6



ການສຶກສາ: ຂໍສະແດງຄວາມຍິນດີກັບນ້ອງໆທັ້ງ 300 ຄົນ ທີ່ໄດ້ຮັບທຶນການສຶກສາຈາກໂຄງການ SCG Sharing the Dream ປີທີ 6 ມຸ່ງສ້າງໂອກາດທາງດ້ານການສຶກສາໃຫ້ເຍົາວະຊົນທີ່ເປັນຄົນເກັ່ງ ແລະ ດີ ມີຄວາມກະຕືລືລົ້ນທີ່ຈະສຶກສາຕໍ່ ແລະ ມີຄວາມກະຕັນຍູ ໃຫ້ສາມາດສານຕໍ່ຄວາມຝັນໃຫ້ເປັນຈິງໄດ້.


ນ້ອງພູລິດ ແລະ ນ້ອງຄຳເຫມີ່ ໄດ້ຮັບທຶນການສຶກສາຈາກ
 SCG Sharing the Dream ແບ່ງປັນປະສົບການໃຫ້ແກ່ໝູ່ເພືອນເພື່ອເປັນແຮງບັນດານໃຈ ໃນການດຳເນີນຊີວິດ ແລະ ຮຽນຮູ້ຕໍ່ໄປ


ນອກຈາກທຶນການສຶກສາແລ້ວ ນ້ອງໆ ຍັງໄດ້ຮັບຟັງປະສົບການຈາກຮຸ້ນອ້າຍທີ່ມາແບ່ງປັນເລື່ອງລາວຊີວິດ ສ້າງແຮງບັນດານໃຈ ຈາກນ້ອງ ພູລິດ ແສນກາງ ອາຍຸ 20 ປີ ໜຶ່ງໃນນັກຮຽນທີ່ໄດ້ຮັບທຶນການສຶກສາປີ 2015 ແລະ 2016 ເຊິ່ງປະຈຸບັນກຳລັງຍ່າງຕາມຝັນໃນລະດັບປະລິນຍາຕີທີ່ມະຫາວິທະຍາໄລແຫ່ງຊາດ ຄະນະວິສະວະກຳ ບໍ່ແຮ່ ຊັ້ນປີທີ 1 ແລະຍັງຊ່ວຍເຫຼືອຜູ້ອື່ນຕາມຄວາມສາມາດທີ່ຕົນມີ ເປັນແບບຢ່າງທີ່ດີໃຫ້ກັບຮຸ້ນນ້ອງຕໍ່ໄປ

ທ່ານ ປໍຣະເມດ ນິສາກອນເສນ
 Vice President-Regional Business, SCG Cement-Building Materials ມອບທຶນການສຶກສາໃຫ້ແກ່ນ້ອງນັກຮຽນ


“ດ້ວຍຄວາມມຸ່ງໝັ່ນ ແລະ ຮັກໃນການຮຽນ ພູລິດ ໄດ້ໃຊ້ເວລາວ່າງໃຫ້ເກີດປະໂຫຍດຫຼັງເລີກຮຽນ ໂດຍນຳວິຊາຄວາມຮູ້ດ້ານພາສາອັງກິດທີ່ມີໄປສອນໃຫ້ກັບຜູ້ທີ່ສົນໃຈແບບບໍ່ເກັບເງິນຄ່າສອນ, ຫຼັງຈາກສອນແລ້ວ, ພູລິດ ກໍ່ໄດ້ໄປຮຽນພາສາອັງກິດເພີ່ມຕື່ມ ໂດຍທີ່ບໍ່ໄດ້ຖືກເກັບຄ່າສອນເຊັ່ນດຽວກັນ” ນ້ອງພູລິດກ່າວ.

ຮ້ອຍຍິ້ມຂອງນ້ອງໆທີ່ໄດ້ທຶນການສຶກສາຈາກໂຄງການ
SCG Sharing the Dream

ນ້ອງໆຮ່ວມກິດຈະກຳເສີມສ້າງຄວາມຮູ້ແລະຄວາມສຳພັນກັນແລະກັນ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments