ຫຼວງນໍ້າທາ ກວດເຂັ້ມແມ່ຍິງລາວໄປທ່ຽວຈີນ ຜ່ານຊາຍແດນ ເພື່ອປ້ອງກັນ ບັນຫາການຄ້າມະນຸດ


ໃນປັດຈຸບັນທາງການແຂວງຫລວງນໍ້າທາ ໄດ້ເຂັ້ມງວດໃນການເດີນທາງໄປປະເທດຈີນ ຂອງແມ່ຍິງລາວຫຼາຍຂຶ້ນ ໃນແຕ່ລະດ່ານ ທີ່ຕິດກັບ ຊາຍແດນຈີນ ຍ້ອນມີຄວາມສ່ຽງ ຕໍ່ການຕົກເປັນເຫຍື່ອ ຂອງກຸ່ມຄ້າມະນຸດ. ດັ່ງເຈົ້າໜ້າທີ່ ປາບປາມການຄ້າມະນຸດ ແຂວງຫລວງນໍ້າທາ ໄດ້ກ່າວ



“ປະຈຸບັນສະເພາະແຂວງຫລວງນໍ້າທາ ພວກເຮົານີ້ ແມ່ນເປັນແຂວງ ທີ່ມີຄວາມສ່ຽງຫລາຍ ກ່ຽວກັບການຄ້າມະນຸດ ຍ້ອນເປັນແຂວງທີ່ຕິດ ກັບຊາຍແດນ ການໄປມາເຂົ້າ-ອອກ ກໍ່ສະດວກສະບາຍ ຮູບການສ່ວນຫລາຍແມ່ນ ເຂົາເຂົ້າມາແບບແຕ່ງງານ ແຕ່ວ່າບໍ່ໄດ້ເຮັດເອກກະສານ ເປັນທາງການ ມີແຕ່ວ່າພໍ່ແມ່ຮັບຮູ້ ແລະກະໄດ້ເງິນນໍາ ຜູ້ທີ່ເຂົາເຈົ້າ ມາແຕ່ງແລະກະແລ້ວ.”



ທ່ານວ່າ ແມ່ຍິງລາວ ຜູ້ທີ່ເດີນທາງເຂົ້າປະເທດຈີນຄົນດຽວ ຈະຕ້ອງມີໃບຄໍ້າປະກັນ ຈາກຜູ້ໃດຜູ້ນຶ່ງ ໂດຍຜ່ານກອງບັນຊາການຕໍາຫລວດຫນ່ວຍງານທີ່ກ່ຽວຂ້ອງ ເປັນຜູ້ອອກໃຫ້. ທ່ານກ່າວຕື່ມວ່າ:

ເຈົ້າໜ້າທີ່ທ່ານນີ້ຍັງໃຫ້ຂໍ້ມູນຕື່ມອີກວ່າ ທີ່ຜ່ານມາແຂວງຫລວງນໍ້າທາ ມີລາຍງານແມ່ຍິງ ຫາຍສາບສູນຫລາຍຄົນ ຊຶ່ງບາງຄົນກໍ່ຖືກນຳໂຕ ກັບຄືນມາໄດ້ ແຕ່ຫລາຍຄົນຍັງບໍ່ຮູ້ຊາຕາກຳເລີຍ. ບັນຫາທີ່ເກີດຂື້ນ ກໍແມ່ນວ່າ ຄົນຈີນເຂົ້າມາຕົວະຍົວະ ແມ່ຍິງລາວ ວ່າຈະແຕ່ງງານ ເອົາເປັນເມຍຫລັງຈາກນັ້ນ ກໍເອົາໄປຂາຍຢູ່ ປະເທດຈີນ.

ອິງຕາມຂໍ້ມູນຈາກແຂວງຫລວງນ້ຳທາ ໃນປີ 2017 ມີແມ່ຍິງຊົນເຜົ່າມົ້ງ ແລະເຜົ່າອາຄາ ເດີນທາງໄປປະເທດຈີນ ແລ້ວຫາຍສາບສູນໄປ ປະມານ 5 ກໍລະນີ ພໍ່ແມ່ແລະຍາດພີ່ນ້ອງ ກໍບໍ່ສາມາດຕິດຕໍ່ຫາໄດ້.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments