Header Ads

ສຳເລັດແລ້ວງງານແຂ່ງຂັນກິລາເຂດ 1 ໂດຍເຈົ້າພາບຄັ້ງຕໍ່ໄປແມ່ນເມືອງວຽງຄຳ




ງານແຂ່ງຂັນກິລາເຂດ 1 ຄັ້ງທີ່ 4 ປະກອບມີ 4 ເມືອງເໜືອຂອງແຂວງຫຼວງພະບາງ ໄດ້ສຳເລັດລົງໃນ ວັນທີ່ 26 ກຸມພານີ້ ໂດຍມີການຊີງໄຊທັງໝົດ 57 ລາງວັນ ໃນກິລາທັງໝົດ 7 ປະເພດຄື: ບານເຕະ, ກະຕໍ້, ບານສົ່ງ, ໜ້າເກັກ, ໝາກຄ່າງ, ດອກປີກໄກ່ ແລະ ແລ່ນ 800 ແມັດ. ທ່ານ ທອງໄລ ກີນດາວົງ ຫົວໜ້າຫ້ອງການສຶກສາທິການ ແລະ ກິລາເມືອງນໍ້າບາກ ຄະນະຮັບຜິດຊອບຈັດການແຂ່ງຂັນ ໄດ້ຂື້ນລາຍງານຜົນສຳເລັດຂອງການແຂ່ງຂັນວ່າ: ການແຂ່ງຂັນ ໄດ້ດຳເນີນແຕ່ວັນທີ່ 23-26 ກຸມພາ, ໂດຍມີຄະນະນຳ, ຄູຝຶກ ແລະ ນັກກິລາ ຈາກເມືອງໂພນທອງ, ເມືອງວຽງຄຳ, ເມືອງງອຍ ແລະ ເມືອງນໍ້າບາກ ເຂົ້າຮ່ວມທັງໝົດ 465 ຄົນ, ຍີງ 147 ຄົນ ແຂ່ງຂັນທັງໝົດ 19 ລາຍການ. ສະຫຼຸບຜົນການແຂ່ງຂັນລວາມ ແມ່ນເມືອງນໍ້າບາກເຈົ້າພາບ ສາມາດຍາດໄດ້ລາງວັນຫຼາຍກ່ວາໝູ່ ຄອງອັນດັບທີ່ 1 ຂອງການແຂ່ງຂັນຄັ້ງນີ້ ໂດຍໄດ້ ອັນດັບທີ່ 1 ຈຳນວນ 8 ລາຍການ, ອັນດັບທີ່ 2 ຈຳນວນ 6 ລາຍການ. ອັນດັທີ່ 2 ແມ່ນເມືອງວຽງຄຳ ໄດ້ອັນດັບທີ່ 1 ຈໍານວນ 4 ລາຍການ, ອັນດັບທີ່ 6 ຈຳນວນ 6 ລາຍການ. ອັນດັບທີ່ 3 ແມ່ນເມືອງງອຍ ໄດ້ອັນດັບທີ່ 1 ຈຳນວນ 4 ລາຍການ, ອັນດັບທີ່ 1 ຈຳນວນ 6 ລາຍການ. ແລະ ອັນດັບທີ່ 4 ແມ່ນເມືອງໂພນທອງ ໄດ້ອັນດັບທີ່ 1 ຈຳນວນ 3 ລາຍການ, ອັນດັບທີ່ 5 ຈຳນວນ 5 ລາຍການ.






 ໂອກາດນີ້ ທ່ານ ສົມພອນ ສີອຸດົມພັນ ເຈົ້າເມືອງນ້ຳບາກ ປະທານຈັດການແຂ່ງຂັນ ໄດ້ກ່າວປິດການແຂ່ງຂັນຢ່າງເປັນທາງການ ທັງມອບທຸງການເປັນເຈົ້າພາບ ຈັດງານກິລາຄັ້ງຕໍ່ໄປ ໃຫ້ກັບ ທ່ານ ຊາຍພອນ ຈັນທຸມາ ຮອງເຈົ້າເມືອງໆວຽງຄຳ ເຈົ້າພາບຄັ້ງຕໍ່ໄປ. ສຳລັບການແຂ່ງຂັນຄັ້ງຕໍ່ໄປ ຈະມີການເລື່ອນໄລຍະເວລາຂອງການແຂ່ງ ອອກໄປຕື່ມ ເປັນ 2 ປີຕໍ່ຄັ້ງ ເພື່ອໃຫ້ແຕ່ລະເມືອງໄດ້ມີການກະກຽມຄວາມພ້ອມໃຫ້ຫຼາຍຂື້ນກ່ວາເກົ່າ, ສຳລັບຄັ້ທີ່ 5 ທີ່ເມືອງວຽງຄຳ ຈະເປັນເຈົ້າພາບ ແມ່ນຈະຈັດຂື້ນໃນປີ 2020.


ໂດຍ :  ອາພຸດເດດ ບຸບຜາ (ວສລ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.