ໄວລຸ້ນຄັນມື ທຸບແກ້ວ ຕູ້ໄຟ ບ່ອນຖ້າລົດເມ! ຖືກຈັບ


ຕອນແລງເວລາ 19:00 ຂອງວັນທີ 19/2/2018 ໄດ້ມີຄົນຮ້າຍມາທຸບຕູ້ໄຟ ຂອງບ່ອນນັ່ງລໍຖ້າລົດເມ ຈໍານວນ 03 ຈຸດ ນັບແຕ່ໜ້າວັດໂພນພະເນົາ ເຖິງໜ້າໂຮງຮຽນ ມ.ສ ລາວ-ຫວຽດ ເຊິ່ງຜູ້ກໍ່ເຫດ ແມ່ນ ທ້າວ ໂສມ ອາຍຸ 20 ປາຍປີ ຢູ່ບ້ານ ວຽງແກ້ວ, ເມືອງໄຊທານີ ໄດ້ຖືກຈັບກຸມໃນເວລາ 19:30 ຈາກການສອບຖາມຂອງເຈົ້າໜ້າທີ່ ປກສ ບ້ານ ຜູ້ກ່ຽວເປັນຄົນບ້ານບວກ, ເມືອງຫົວເມືອງ, ແຂວງຫົວພັນ ຜູ້ກໍ່ເຫດໄດ້ໃຫ້ການວ່າ ມີຜູ້ຮ່ວມກໍ່ເຫດອີກ 2 ຄົນ ຕອນນີ້ກຳລັງຫຼົບໜີ ຄາດວ່າຈະຈັບໂຕໄດ້ໃນໄວໆນີ້ ສະນັ້ນ, ຕ້ອງຂໍຊົມເຊີຍເຈົ້າໜ້າທີ່ກອງຫຼອນບ້ານໂພນພະເນົາ ທີ່ສາມາດຈັບໂຕຜູ້ກໍ່ເຫດໄດ້ທວງທັນ.






ແລະ ຕອນເຊົ້າ ເວລາ 9:30 ຂອງວັນທີ 20/2/2018 ໄດ້ມີເຈົ້າໜ້າທີ່ຈາກ ພະແນກ ຍທຂ ນະຄອນຫຼວງ, ຍທຂ ເມືອງໄຊເສດຖາ, ລັດວິສາຫະກິດລົດເມນະຄອນຫຼວງ, ປກສ ບ້ານໂພນພະເນົາ, ນາຍບ້ານ ແລະ ປກສ ກຸ່ມ ໄດ້ລົງສໍາຫຼວດສະຖານທີ່ເກີດເຫດຕົວຈິງ.



ຕໍ່ກັບເຫດການດັ່ງກ່າວ ຖືວ່າເປັນການທໍາລາຍຊັບສິນຂອງລັດ ທາງເຈົ້າໜ້າທີ່ຈະດຳເນີນການລົງໂທດຢ່າງໜັກ ເພື່ອບໍ່ໃຫ້ເອົາເປັນແບບຢ່າງໃນຄັ້ງຕໍ່ໄປ.

Post a Comment

0 Comments