ສະມາຊິກສະພາແຫ່ງຊາດ ແລະ ສະມາຊິດສະພາປະຊາຊົນແຂວງເຄື່ອນໄຫວພົບປະຢ້ຽມຢາມປະຊາຊົນຜູ້ມີສິດເລືອກຕັ້ງຢູ່ເຂດເມືອງປາກຊ່ອງ



ໃນຕອນເຊົ້າຂອງວັນທີ 23 ກຸມພາ 2018 ທີ່ຜ່ານມານີ້ ຢູ່ທີ່ສາລາວັດບ້ານໜອງຢາເທິງ ທ່ານ ຄຳໄຕ ແກ້ວດວງດີ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 15 ແຂວງຈຳປາສັກ ສົມທົບກັບ ທ່ານ ນາງ ບອນຄຳ ເວີນໂພຄຳ ສະມາຊິກສະພາປະຊາຊົນແຂວງຈຳປາສັກປະຈຳເຂດເລືອກຕັ້ງເມືອງປາກຊ່ອງ ໄດ້ລົງພົບປະປະຊາຊົນຜູ້ມີສິດເລືອກຕັ້ງຢູ່ທີ່ບ້ານ ໝອງຢາເທິງ ເມືອງປາກຊ່ອງ ເຊິ່ງເປັນບ້ານທີ 8 ຂອງເມືອງປາກຊ່ອງ ແລະ ເປັນບ້ານທີ 41 ຂອງແຂວງຈຳປາສັກ ໂດຍໄດ້ຮັບການຕ້ອນຮັບຢ່າງອົບອຸ່ນຈາກອຳນາດການປົກຄອງ ແລະ ພໍ່ແມ່ປະຊາຊົນພາຍໃນບ້ານ ໝອງຢາເທິງ ບ້ານອ້ອມຂ້າງເຂົ້າຮ່ວມ ຢ່າງຫຼວງຫຼາຍ ເຊິ່ງພາຍຫຼັງທີ່ອຳນາດການປົກຄອງບ້ານລາຍງານສະພາບຈຸດພິເສດ ການຈັດຕັ້ງປະຕິບັດວຽກງານທີ່ຜ່ານມາຂອງບ້ານແລ້ວ


ທ່ານ ນາງ ບອນຄຳ ເວີນໂພຄຳ ສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງປາກຊ່ອງກໍ່ໄດ້ເຜີຍແຜ່ຜົນສຳເລັດຂອງກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງຈຳປາສັກຊຸດທີ I ໃຫ້ປະຊາຊົນໄດ້ຮັບຟັງຈາກນີ້. ທ່ານ ຄຳໄຕ ແກ້ວດວງດີ ສະມາຊິກສະພາປະຊາແຫ່ງຊາດ ກໍ່ໄດ້ເຜີຍແຜ່ ຜົນສຳເລັດຂອງກອງປະຊຸມສະໄໝສາມັນເທືອທີ 4 ຂອງສະພາແຫ່ງຊາດຊຸດທີ VIII ພ້ອມທັງຍົກໃຫ້ເຫັນເຖິງພາລະບົດບາດຂອງສະພາແຫ່ງຊາດ ແລະ ສະພາປະຊາຊົນແຂວງ ແລະ ກ່າວອີກວ່າເປົ້າໝາຍຫຼັກໆແມ່ນມາຢ້ຽມຢາມຖາມຂ່າວປະຊາຊົນຜູ້ມີສິດເລືອກຕັ້ງ ຢາກຮູ້ຄຳຄິດຄຳເຫັນຄຳສະເໜີຂອງປະຊາຊົນທຸກພາກສ່ວນ ວ່າມີຂໍ້ຂັດຂ້ອງໝອງໃຈ ແນວໃດ ຕໍ່ການດຳລົງຊີວິດເພື່ອຈະໄດ້
ນຳເອົາບັນຫາດັ່ງກ່າວຄົ້ນຄ້ວາພິຈາລະນາແກ້ໄຂຊີ້ 




ຈາກນີ້ ທ່ານ ຄຳໄຕ ແກ້ວດວງດີ ຍັງໄດ້ຊີ້ແຈງອະທິບາຍແກ່ຄວາມຂັດຂ້ອງໝອງໃຈຂອງປະຊາຊົນ ທີ່ສະເໜີຫຼາຍບັນຫາຕໍ່ ສສພ ແລະ ສສຂ ເປັນຕົ້ນແມ່ນ ບັນຫາເສັ້ນທາງເຂົ້າບ້ານເປ້ເພທ່ຽວໄດ້ພຽງລະດູດຽວ ບັນຫາລັດຖະກອນຂອງຄູ,ແລະ ບັນຫາໂຮງໝໍຮ່າງໄກຈາກບ້ານ , ບັນຫາລາຄາກາເຟຕົກຕຳ , ແລະ ບັນຫາບາງບໍລິສັດສຳປະທານທີ່ດີນຂ້ອງປະຊາຊົນໂດຍບໍ່ມີຄ່າຕອບແທນ ບາງບັນຫາສະມາຊິກສະພາແຫ່ງຊາດ ແລະສະມາຊິກສະພາປະຊາຊົນແຂວງ ກໍ່ໄດ້ຊີ້ແຈງໃຫ້ພໍ່ແມ່ປະຊາຊົນເຂົ້າໃຈກັບທີ່ ສ່ວນບັນຫາທີ່ບໍ່ສາມາດຊີ້ແຈງໄດ້ ກອງເລຂາຈະບັນທືກໄວນຳສະເໝີສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງເພື່ອຊຸກຍູ້ໃຫ້ພາກສ່ວນທີ່ກ່ຽວຂອງແກ້ໄຂ ສຳລັບການລົງເຜີຍແຜ່ຜົນສຳເລັດຂອງກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ແລະ ສະພາປະຊາຊົນແຂວງຈຳປາສັກຊຸດທີ I ແມ່ນຍັງໄດ້ສຶບຕໍ່ເຄື່ອນໄຫວອີກ 3 ຈຸດ ຄາດວ່າຈະສໍາເລັດໃນທ້າຍອາທິດນີ້. 



ພາບ-ຂ່າວ ພິລາວັນ ທອງວິໄລ - ສົມວິຈິດ ໄຊມົນຕີ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments