Header Ads

ເຈົ້າແຂວງບໍລິຄຳໄຊ ລົງພົບປະຢ້ຽມຢາມປະຊາຊົນ ແລະ ມອບເຄື່ອງຊ່ວຍເຫຼື່ອໃຫ້ ຄອບຄົວທຸກຍາກອານາຖາຢູ່ເມື່ອງໄຊຈຳພອນ




ໃນລະຫວ່າງວັນທີ 20-21 ກູມພາ 2018 ທ່ານ ກອງແກ້ວ ໄຊສົງສາມ ເຈົ້າແຂວງບໍລິຄຳໄຊ ພ້ອມດ້ວຍ ທ່ານ ຄຳພັດ ສຸລິຂັນ ເຈົ້້າເມື່ອງໄຊຈຳພອນ ແລະ ບັນດາພະແນກການຂອງແຂວງ ຈຳນວນໜຶ່ງ ໄດ້ພົບປະຢ້ຽມຢາມພໍ່ແມ່ປະຊາຊົນບັນດາເຜົ່າ ທີຢູ່ເຂດຫ່າງໄກສອກລີກ ເມື່ອງ ໄຊຈຳພອນ ພ້ອມທັງນຳເອົາເຄື່ອງຊ່ວຍເຫຼື່ອບັນເທົາທຸກປະກອບ: 





ຜ່າຫົ່ມ,ເກີບ,ໂສ້ງ,ເສື້ອ ແລະ ອຸປະກອນການຮຽນຈາກກອງທຶນໜຶ່ງດວງໃຈ ບໍລິຄຳໄຊຊ່ວຍເຫຼື່ອສັງຄົມ ໄປມອບໃຫ້ປະຊາຊົນ ຄອບຄົວທຸກຢາກ ໃນນັ້ນປະກອບມີປະຊາຊົນ ບ້ານ ສົບເຕິ່ງຈຳນວນ 33 ຄອບຄົວ, ບ້ານ ສົບຂອນ 24 ຄອບຄົວ, ບ້ານ ເມື່ອງຈຳ 22 ຄອບຄົວ ແລະ ບ້ານ ໂພນເມຶ່ອງ 15 ຄອບຄົວ ທັງນີ້ກໍ່ເພື່ອເຫັນໄດ້ເຖິງດ້ານມະນຸດສະທຳ ແລະ ເປັນການແບ່ງເບົາຄວາມທຸກຍາກຈາກປະຊາຊົນ, ພ້ອມດຽວກັນນັ້ນ ເພື່ອເປັນການສຸກຍູ້ສົ່ງເສີ່ມວຽກງານການສຶກສາ ເຂດຫ່າງໄກສອກລີກ ໃຫ້ມີການພັດທະນາດີຂຶ້ນເປັນລຳດັບ ຍັງໄດ້ມອບອູປະກອນການຮຽນ ແລະ ອຸປະກອນການຫຼິ້ນກິລາ ໃຫ້ບັນດາໂຮງຮຽນນຳອີກ ໃນນັ້ນມີ:ໂຮຽຮຽນປະຖົມບ້ານໂພນຄໍາ, ໂຮງຮຽນປະຖົມບ້ານວັງບານ ແລະ ໂຮງຮຽນມັດທະຍົມສົມບູນນໍ້າອ້ອມ, ສໍາລັບການເດີນທາງໄປຫາແຕ່ລະບ້ານ ເຖີງວ່າເສັ້ນທາງ ຈະມີຄວາມຫຍຸ້ງຍາກ ແຕ່ ບໍ່ເປັນອຸປະສັກໃດໆ ເພາະຢາກເຮັດໃຫ້ປະຊາຊົນ ມີການດໍາລົງຊີວີດທີ່ດີ ມີຄວາມອົບອຸ່ນ ແລະ ມີຄວາມສາມັກຄີ ຕັ້ງໜ້າສ້າງສາພັດທະນາປະເທດຊາດ ໃຫ້ມີຄວາມຮຸ່ງເຮືອງ ເວົ້າສະເພາະກໍ່ຄືສ້າງສາພັດທະນາເສດຖະກີດຄອບຄົວຂອງຕົນ ໃຫ້ຫຼຸດພົ້ນອອກຈາກຄວາມທຸກຍາກ ໂອກາດນີ້ທ່ານ ຄໍາຜອງ ແກ້ວລາດີ ນາຍບ້ານເມືອງຈໍາ ຕ່າງໜ້າໃຫ້ອໍານາດການປົກຄອງບ້ານ ກໍ່ຄືພໍ່ແມ່ປະຊາຊົນໄດ້ກ່າວສະແດງຄວາມຂອບໃຈຕໍ່ການນໍາຂອງແຂວງ ທີ່ໄດ້ນຳເອົາເຄື່ອງມາຊ່ວຍເຫລືອປະຊາຊົນທີ່ທຸກຢາກໃນຄັ້ງນີ້.




ພາບ ແລະ ຂ່າວ: ວສລ 


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.