ເຈົ້າແຂວງຫຼວງພະບາງຢ້ຽມຢາມໂຄງການກໍ່ສ້າງບ້ານຈັດສັນໃຫ້ປະຊາຊົນທີ່ຖືກຜົນກະທົບຈາກການກໍ່ສ້າງເຂື່ອນໄຟຟ້ານໍ້າອູ 3



ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ພ້ອມດ້ວຍຄະນຳຂອງແຂວງ ໄດ້ລົງຢ້ຽມຢາມໂຄງການກໍ່ສ້າງ ບ້ານຈັດສັນໃໝ່ໃຫ້ປະຊາຊົນທີ່ຖືກຜົນກະທົບ ຈາກໂຄງການກໍ່ສ້າງເຂື່ອນໄຟຟ້ານໍ້າອູ 3 ໂດຍມີ ທ່ານ ລັດຕະນະໄຊ ຄຳສີດາ ເຈົ້າເມືອງໆງອຍ ພ້ອມດ້ວຍຄະນະຮ່ວມເດີນທາງ, ໂອກາດນີ້ ໄດ້ຮັບຟັງການລາຍງານສະພາບ ການກະກຽມຍົກຍ້າຍປະຊາຊົນທີ່ຖືກຜົນກະທົບ ຈາກຜູ້ຮັບຜິດຊອບໂຄງການ. 




ສຳລັບໂຄງການກໍ່ສ້າງ ເຂື່ອນໄຟຟ້ານໍ້າອູ 3 ມີປະຊາຊົນ ຖືກຜົນກະທົບທັງໝົດ 18 ບ້ານ, ໃນນີ້ 13 ບ້ານຢູ່ເມືອງຂວາ, 1 ບ້ານຂອງເມືອງໃໝ່ ແຂວງຜົ້ງສາລີ ແລະ 4 ບ້ານຂອງເມືອງງອຍ. ສະເພາະເມືອງງອຍ ປະຈຸບັນຜູ້ຮັບຜິດຊອບໂຄງການ ໄດ້ດຳເນີນການກໍ່ສ້າງບ້ານຈັດສັນໃໝ່ຈຳນວນ 4 ຈຸດຄື: ບ້ານຫາດຂາມ 72 ຫຼັງຄາ, ບ້ານສົບຂີງ 86 ຫຼັງຄາ, ບ້ານໂພນຊະນະ 50 ຫຼັງຄາ ແລະ ບ້ານຫາດສາ 75 ຫຼັງຄາ, ມີທັງໝົດ 311 ຄອບຄົວ, ສຳລັບການກໍ່ສ້າງຕົວຈີງ ແມ່ນມີປະຊາຊົນກໍ່ສ້າງເອງ ແລະ ໂຄງການກໍ່ສ້າງໃຫ້ ຕາມການສະເໜີຂອງປະຊາຊົນ ຄາດວ່າການຍົກຍ້າຍຈັດສັນ ຈະໃຫ້ສຳເລັດໃນປີ 2019, ໂອກາດນີ້ ທ່ານ ຄຳຂັນ ຈັນທະວີສຸກ ໄດ້ເນັ້ນໜັກໃຫ້ຜູ້ຮັບຜິຊອບໂຄງການ ຈົ່ງຮີບຮ້ອນໃນການກໍ່ສ້າງບ້ານຈັດສັນໃຫ້ສຳເລັດ ພ້ອມທັງສືບຕໍ່ມອບເງີນຄ່າຊົດເຊີຍໃຫ້ກັບປະຊາຊົນ ຕາມສັນຍາທີ່ໄດ້ກຳນົດໄວ້, ສ່ວນພາກລັດ ຈະສ້າງສີ່ງອຳນວຍຄວາມສະດວກ ດ້ານການພົວພັນຮ່ວມມື ແລະ ປະສານສົມທົບວຽກງານທີ່ປີ່ນອ້ອມ ເພື່ອເຮັດໃຫ້ໂຄງການກໍ່ສ້າງ ໄດ້ດຳເນີນຕາມແຜນການທີ່ກຳນົດໄວ້, ທ່ານເຈົ້າແຂວງຫຼວງພະບາງ ກ່າວຕື່ມວ່າ: ການຍົກຍ້າຍປະຊາຊົນທີ່ຖືກຜົນກະທົບນັ້ນ ຂໍໃຫ້ຜູ້ຮັບຜິດຊອບໂຄງການຄຳນືງເຖີງການພັດທະນາຊີວິດການເປັນຢູ່ຂອງປະຊາຊົນ ຈາກບ່ອນເກົ່າໄປຢູ່ບ່ອນໃໝ່ທີ່ດີກວ່າເກົ່າ. 



ຂ່າວ ແລະ ພາບ: ອາພຸດເດດ ບຸບຜາ (ວສລ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments