ພະແນກສຶກສາແຂວງຫຼວງພະບາງເຊັນບົດບັນທຶກຄວາມເຂົ້າໃຈກັບ ໂຄງການ ໂອກາດການສຶກສາລາວ ( ລີອອດ )ໄລຍະ II





ພິທີເຊັນບົດບັນທຶກຄວາມເຂົ້າໃຈຮ່ວມກັບໂຄງການໂອກາດການສຶກສາລາວ(ລີອອດ) ໄລຍະ 2 ໄດ້ຈັດຂຶ້ນເມື່ອຕົ້ນເດືອນ ກູມພາ 2018 ນີ້,ຢູ່ຫ້ອງປະຊຸມຂອງພະແນກສຶກສາທິການ ແລະ ກິລາ ແຂວງຫຼວງພະບາງ ໂດຍການລົງນາມເຊັນບົດບັນທຶກລະຫວ່າງ ທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາ ແຂວງຫຼວງພະບາງ ກັບ ທ່ານ ປີເຕີ ແບນເວວ ຫົວໜ້າອົງການຊ່ວຍເຫຼືອເດັກສາກົນປະຈຳລາວ ທັງເປັນປະທານອົງການລີອອດ, ມີຜູ້ຕາງໜ້າຈາກກະຊວງສຶກສາທິການ ແລະ ກິລາ, ມີຕາງໜ້າຈາກກະຊວງການຕ່າງປະເທດ, ບັນດາພະແນກການກ່ຽວຂ້ອງພາຍໃນແຂວງເຂົ້າຮ່ວມເປັນສັກຂີພິຍານ.

ທ່ານ ປີເຕີ ແບນເວວ ໄດ້ໃຫ້ຮູ້ວ່າ: ໂຄງການລີອອດໄດ້ໃຫ້ທຶນການສຶກສາ ແກ່ຜູ້ດ້ອຍໂອກາດ ຢູ່ທີ່ແຂວງຫຼວງພະບາງມາແລ້ວ 10 ກວ່າປີ ສໍາລັບຄັ້ງນີ້ເປັນໄລຍະ 2 ຂອງໂຄງການ, ສະຖານທີ່ຕັ້ງຢູ່ບ້ານພັນຫຼວງ, ເມືອງ ແລະ ແຂວງຫຼວງພະບາງ. ຈຸດປະສົງຂອງໂຄງການ ແມ່ນເພື່ອສົ່ງເສີມ ທັກສະການສິດສອນ, ພັດທະນາຄວາມຮູ້, ຄວາມສາມາດດ້ານພາອັງກິດ ໃຫ້ໄວໜຸ່ມຜູ້ດ້ອຍໂອກາດ ລວມມູນຄ່າໂຄງການທັງໝົດ 503.297 ໂດລາສະຫະລັດ ໂດຍໄດ້ຮັບທືນຊ່ວຍເຫຼືອລ້າ ດ້ານການສຶກສາຂອງປະເທດອັງກິດມີໄລຍະປະຕິບັດໂຄງການເລີ່ມແຕ່ມື້ອະນຸມັດຈົນຮອດທ້າຍ ປີ 2020 ຈຶ່ງສິ້ນສຸດໂຄງການ, ສຳລັບກິດຈະກຳຂອງໂຄງການປະກອບມີ: 


ຝຶກອົບຮົມພາສາອັງກິດ, ໃຫ້ທືນການສຶກສາ, ແລະ ຊ່ວຍເຫຼື່ອຊຸມຊົນທີ່ທຸກຍາກ ພ້ອມດຽວກັນນີ້ ທ່ານຫົວໜ້າພະແນກສຶກສາທິການ ແລະ ກິລາແຂວງ ຍັງໄດ້ກ່າວສະແດງຄວາມຂອບໃຈຢ່າງສູງຕໍ່ ສູນລີອອດ ທີ່ໄດ້ໃຫ້ທືນ ແລະ ຊ່ວຍເຫຼືອແກ່ຜູ້ດ້ອຍໂອກາດລາວ ເວົ້າລວມ ເວົ້າສະເພາະກໍ່ແມ່ນນັກຮຽນ-ນັກສຶກສາ ທີ່ດ້ອຍໂອກາດ ຢູ່ພາຍໃນແຂວງຫຼວງງພະບາງ ທີ່ໄດ້ຮັບການຍົກລະດັບຄວາມຮູ້ດ້ານພາສາອັງກິດທີ່ດີຂຶ້ນ, ສາມາດສື່ສານກັບຄົນຕ່າງປະເທດ ແລະ ທາງພະແນກສຶກສາແຂວງຫຼວງພະບາງ ພ້ອມຈະສືບຕໍ່ໃຫ້ການຮ່ວມມື, ໃນການຄູ້ມຄອງຕິດຕາມບັນດາກິດຈະກຳ, ວາງແຜນ ແລະ ການສະຫຼຸບປະເມີນໂຄງການກິດຈະກຳ ຮ່ວມກັບອົງການລີອອດ ເປັນແຕ່ລະໄລຍະໃຫ້ໄດ້ຮັບຜົນດີ.

ພາບ ແລະ ຂ່າວ : ຂ່າວສານຫຼວງພະບາງ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments