ອໍານາດການປົກຄອງ ລົງກວດກາຄວາມເສຍຫາຍຈາກໄພທໍາມະຊາດຟ້າຜ່າງົວຂອງປະຊາຊົນບ້ານນາຫີນ




ແຂວງໄຊຍະບູລີ :  ພາຍຫຼັງໄດ້ຮັບການລາຍງານຈາກອໍານາດການປົກຄອງ ບ້ານນາຫີນ ເມືອງແກ່ນທ້າວ ແຂວງໄຊຍະບູລີ   ໄດ້ລົງກວດກາຄວາມເສຍຫາຍຈາກໄພທໍາມະຊາດຟ້າຜ່າງົວຂອງປະຊາຊົນ ໂດຍເຫດດັ່ງກ່າວແມ່ນເກີດຂື້ນໃນຕອນເຊົ້າລະຫວ່າງເວລາ 6-7 ໂມງຂອງ ວັນທີ 22 ກຸມພາ 2018 ນີ້ ເຊິ່ງເປັນມື້ຟ້າຜ່າງົວ ຂອງປະຊາຊົນບ້ານດັ່ງກ່າວ ຕາຍ 27 ໂຕ. ລວມມູນຄ່າເສຍຫາຍທັງໝົດ 160 ກວ່າລ້ານກີບ ເຊິ່ງເປັນງົວຂອງຄອບຄົວ ທ້າວ ຊຽງທັດ ແສນພັນປະຊາຊົນບ້ານນາຫີນ ເມືອງແກ່ນທ້າວ. ໃນນີ້ ງົວໃຫຍ່ 19 ໂຕ ມູນຄ່າ 140 ກວ່າລ້ານກີບ ແລະ ງົວນ້ອຍ 8 ໂຕ ມູນຄ່າ 20 ລ້ານກີບ ຕໍ່ກັບເຫດການດັ່ງກ່າວຄັ້ງນີ້, ພະນັກງານວິຊາການຈາກຫ້ອງການແຮງງານ ແລະ ສະຫວັດດີການສັງຄົມເມືອງ, ຫ້ອງການກະສິກໍາ ແລະ ປ່າໄມ້ເມືອງ ໄດ້ສົບທົບອໍານາດການປົກຄອງບ້ານລົງກວດກາຕົວຈິງ ພ້ອມທັງປະເມີນລາຄາ, ມູນຄ່າເສຍຫາຍ ເພື່ອລາຍງານທາງເມືອງຮັບຮູ້ ແລະ ລາຍງານຕໍ່ແຂວງ ເພື່ອຊອກຫາທາງຊ່ວຍເຫຼືອຄອງຄົວດັ່ງກ່າວໃນຂັ້ນຕໍ່ໄປ



ທີ່ມາ: ຂ່າວແຂວງໄຊຍະບູລີ(ມີເດຍລາວ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments