ເມືອງພູຄູນ ສຳເລັດກອງປະຊຸມຄົບຄະນະບໍລິຫານງານພັກເມືອງ ເປີດກວ້າງ ຄັ້ງທີ 5 ສະໄໝທີ 3

ເມືອງພູຄູນ ສຳເລັດກອງປະຊຸມຄົບຄະນະບໍລິຫານງານພັກເມືອງ ເປີດກວ້າງ ຄັ້ງທີ 5 ສະໄໝທີ 3



ກອງປະຊຸມຄົບຄະນະບໍລິຫານງານພັກເມືອງພູຄູນ ເປີດກວ້າງຄັ້ງທີ5 ສະໄໝທີ3 ໄດ້ສໍາເລັດລົງຢ່າງເປັນທາງການໃນວັນທີ14 ກຸມພາ 2018ນີ້ ພາຍຫຼັງໄດ້ດຳເນີນມາເປັນເວລາ2ວັນ ຢູ່ທີ່ສະໂມສອນໃຫ່ຍຂອງເມືອງ ພາຍໃຕ້ການເປັນປະທານຂອງທ່ານ ວຽງທອງ ຫັດສະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງພູຄູນ ມີຄະນະປະຈຳ, ກຳມະການພັກ, ເລຂາຄະນະພັກຮາກຖານ, ຫົວໜ້າຫ້ອງການຕະຫຼອດຮອດ ເລຂາໜ່ວຍພັກບ້ານພາຍໃນເມືອງເຂົ້າຮ່ວມ ຈຳນວນ 87ສະຫາຍ,ຍິງ8 ສະຫາຍ,



ໃນວາລະການດຳເນີນກອງປະຊຸມຜູ້ແທນຮັບຟັງ ແລະ ໄດ້ພ້ອມກັນຄົ້ນຄ້ວາ, ປະກອບຄຳຄິດຄຳເຫັນຢ່າງກົງໄປກົງມາຕໍ່ບົດສະຫຼຸບການຈັດຕັ້ງປະຕິບັດວຽກງານຮອບດ້ານໃນໄລຍະ1ປີຜ່ານມາ ແລະ ກຳນົດທິດທາງຈຸດສຸມ ປີ 2018 , ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 1 ປີ ແລະ ທິດທາງແຜນການປີ 2018 ເຊິ່ງໄດ້ຍົກໃຫ້ເຫັນຜົນງານທີ່ຄະນະພັກແຕ່ລະຂັ້ນຍາດມາໄດ້ຕະຫຼອດໄລຍະ1ປີຜ່ານມາ ແລະ ບົດຮຽນທີ່ເປັນຂໍ້ຄົງຄ້າງທີ່ຈະຕ້ອງສືບຕໍ່ແກ້ໄຂໃນຕໍ່ໜ້າ ໃນໄລຍະ1ປີຜ່ານມາ ເມືອງພູຄູນຍັງຮັກສາໄດ້ສະຖຽນລະພາບທາງດ້ານການເມືອງ ເຮັດໃຫ້ສັງຄົມມີຄວາມສະຫງົບປອດໄພ, ດ້ານເສດຖະກິດມີການຂະຫຍາຍຕົວຢ່າງຕໍ່ເນືອງໃນລະດັບ 9% ລວມລາຍຮັບພາຍໃນເມືອງ ໄດ້287,03 ຕື້ກີບ ທຽບໃສ່ແຜນການປີປະຕິບັດໄດ້ 99,22%, ການລົງທຶນຈາກພາກສວນຕ່າງໆ ທັງໝົດ 73ໂຄງການ ລວມມູນຄ່າ 52 ພັນ 246 ລ້ານກີບ



ນອກນີ້ ຍັງເລັ່ງໃສ່ການຊຸກຍູ້ສົງເສີມການຜະລິດເປັນສິນຄ້າເພື່ອຍົກຄຸນນະພາບຊີວິດຂອງພໍ່ແມ່ປະຊາຊົນໃຫ້ດີຂື້ນ ມາເຖິງປະຈຸບັນຍັງມີປະຊາຊົນທຸກຍາກທັງໝົດ 110 ຄອບຄົວ ເພື່ອສືບຕໍ່ຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ່3 ກໍ່ຄືແຜນພັດທະນາເສດຖະກິດສັງຄົມຂອງເມືອງໃຫ້ບັນລຸຕາມລະດັບຄາດໝາຍໃນປີ2018ນີ້ ກອງປະຊຸມໃນຄັ້ງນີ້ ໄດ້ເປັນເອກະພາບຮັບຮອງເອົາບັນດາວຽກງານຈຸດສຸມແຕ່ລະດ້ານເປັນຕົ້ນແມ່ນ: ການແຕ່ງຕັ້ງຄະນະກຳມະການຂັ້ນເມືອງລົງແກ້ໄຂປະກົດການຫຍໍ້ທໍໃນສັງຄົມ, ການລົງກໍ່ສ້າງຮາກຖານການເມືອງ, ການຊຸກຍູ້ສົງເສີມການຜະລິດເປັນສິນຄ້າສົ່ງອອກ ແລະ ວຽກງານອື່ນໆອີກຈຳນວນ

ພາບແລະຂ່າວ: ຂ່າວສານເມືອງພູຄູນ, ແຂວງຫຼວງພະບາງ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments