ລະມາມ ສຳເລັດກອງປະຊຸມເປີດກວ້າງຄົບຄະນະບໍລິຫານງານພັກຄັ້ງທີ 7 ສະໄໝທີ VIII



ກອງປະຊຸມເປີດກວ້າງຄົບຄະນະບໍລິຫານງານພັກເມືອງຄັ້ງທີ7 ສະໄໝທີVIII ຂອງອົງຄະນະພັກເມືອງລະມາມໄດ້ດຳເນີນເປັນເວລາ 2ວັນ ເລີ່ມແຕ່ວັນທີ 8-9 ກຸມພາ 2018 ທີ່ສະໂທສອນຫ້ອງວ່າການປົກຄອງເມືອງດັ່ງກ່າວ ພາຍໄຕ້ການເປັນປະທານຂອງທ່ານ ປອ ແພງສີ ສີລາວີ ກຳມະການພັກແຂວງ ເລຂາພັກເມືອງເຈົ້າເມືອງລະມາມ ແລະໃຫ້ກຽດເຂົ້າຮ່ວມທ່ານ ຄຳເຜີຍ ບຸດດາວຽງ ກຳມະການສູນກາງພັກ ເລຂາພັກແຂວງ ເຈົ້າແຂວງເຊກອງ ມີບັນດາຄະນະປະຈຳພັກ,ກຳມະການພັກ,ຫົວໜ້າ,ຮອງ ຫ້ອວການຕະຫຼອດຮອດຄະນະພັກຮາກຖານໃນທົ່ວເມືອງເຂົ້າຮ່ວມທັງໝົດ109 ທ່ານຍິງ12 ທ່ານ.



ກອງປະຊຸມຄັ້ງນີ້ໄດ້ຮັບຟັງການສະຫຼຸບລາຍງານຜົນສຳເລັດການດຳເນີນກອງປະຊຸມ,ເຊິ່ງໃນກອງປະຊຸມຄະນະຜູ້ແທນໄດ້ພ້ອມກັນຄົ້ນຄວ້າ ແລະ ປະກອບຄຳຄິດເຫັນໃສ່ຮ່າງບົດລາຍງານການເມືອງ,ຮ່າງບົດລາຍງານແຜນພັດທະນາເສດຖະກິດ-ສັງຄົມ,ເອກະພາບກັນຕີລາຄາດ້ານດີ-ດ້ານອ່ອນ,ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນການຊີ້ນຳໆພາ ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກເມືອງໄລຍະ 1 ປີຜ່ານມາ ແລະ ວາງທິດທາງແຜນການປີ 2018 ເຊິ່ງຈະຕ້ອງໄດ້ເອົາໃຈໃສ່ສູ້ຊົນຈັດຕັ້ງປະຕິບັດຫຼາຍໜ້າວຽກທີ່ເປັນຈຸດສຸມສຳຄັນ ໃຫ້ບັນລຸຕາມຄາດໝາຍທີ່ວາງໄວ້ຕໍ່ໜ້າຕື່ມອີກ


ໂອກາດດຽວກັນນີ້,ທ່ານ ຄຳເຜີຍ ບຸດດາວຽງ ກຳມະການສູນກາງພັກ ເລຂາພັກແຂວງ ເຈົ້າແຂວງເຊກອງກໍ່ໄດ້ໃຫ້ກຽດໂອ້ລົມເຊິ່ງກ່ອນອື່ນທ່ານກໍ່ໄດ້ຍ້ອງຍໍຊົມເຊີຍຕໍ່ຜົນສຳເລັດທີ່ອົງຄະນະພັກເມືອງຍາດມາໄດ້ໃນຊຸມປີຜ່ານມາ ພ້ອມນັ້ນທ່ານກໍ່ໄດ້ໃຫ້ທິດຊີ້ນຳຕໍ່ຄະນະພັກເມືອງຫຼາຍບັນຫາເປັນຕົ້ນແມ່ນຄາດໝາຍສູ້ຊົນລວມໃນຊຸມປີຕໍ່ໜ້າເຮັດແນວໃດເພື່ອໃຫ້ຮັບປະກັນທາງດ້ານການເມືອງຢ່າງໜັກແໜ້ນ,ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ,ເສດຖະກິດມີການຂະຫຍາຍຕົວຢ່າງຕໍ່ເນື່ອງ,ເອົາໃຈໃສ່ສືບຕໍ່ຊີ້ນຳໆພາວຽກງານ 3 ສ້າງໃຫ້ເຂົ້າສູ່ລວງເລິກຢ່າງແຂງແຮງ ໂດຍຕິດພັນກັບການແກ້ໄຂຄວາມທຸກຍາກຂອງປະຊາຊົນ,ສືບຕໍ່ຢ່າງແຂງແຮງໃນການສຶກສາອົບຮົມປະຊາຊົນບັນດາເຜົ່າກ່ຽວກັບການຮັກສາມູນເຊື້ອວັດທະນະທຳຮີດຄອງປະເພນີອັນດີງາມຂອງຊາດຂອງເຜົ່າຕ່າງໆຢ່າງສະເໝີພາບທີ່ບໍ່ຜິດກັບກົດໝາຍ.

ນອກຈາກນີ້ກໍ່ຕ້ອງໄດ້ເອົາໃຈໃສ່ວຽກປ້ອງກັນຊາດ-ປ້ອງກັນຄວາມສະຫງົບຂອງບ້ານ,ເມືອງ ຕ້ອງໃຫ້ມີຄວາມເຂັ້ມແຂງ ໃນບ້ານໜຶ່ງຕ້ອງມີກຳລັງກອງຫຼອນ,ປກສ ບ້ານ ຫຼືກຳລັງປ້ອງກັນຕົວເພື່ອປ້ອງກັນເຮັດໃຫ້ບ້ານມີຄວາມສະຫງົບໂດຍພື້ນຖານ.

ຂ່າວ: ດາວສະຫວັນ ໄຊລາສອນ  (ຂ່າວແຂວງເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments