ປະທານກາແດງລາວຕ້ອນຮັບການເຂົ້າພົບຂອງຊ່ຽວຊານກາແດງເຢຍລະມັນ




ໃນຕອນເຊົ້າຂອງວັນທີ 21 ກຸມພາ 2018 ທີ່ຫ້ອງຮັບແຂກອົງການກາແດງລາວ, ທ່ານ ຄໍາຮຸ່ງ ເຮືອງວົງສີ ປະທານອົງການກາແດງລາວ ໃຫ້ກຽດຕ້ອນຮັບການເຂົ້າພົບຂອງທ່ານ Hellmut Giebel ຊ່ຽວຊານກາແດງເຢຍລະມັນ ພ້ອມດ້ວຍຄະນະ ຈຸດປະສົງ ຂອງການເຂົ້າພົບໃນຄັ້ງນີ້ເພື່ອສືບຕໍ່ເປັນການເຊື່ອມສາຍສຳພັນທີດີລະຫ່ວາງ ອົງການກາແດງລາວ ແລະ ກາແດງເຢຍລະມັນ ທີ່ໃຫ້ການສະໜັບສະໜູນ ແລະ ຊ່ວຍເຫຼືອ ອົງການກາແດງລາວ ໃນການເຄື່ອນໄຫວວຽກງານມະນຸດສະທຳ ນັບແຕ່ປີ 2007 ເປັນຕົ້ນມາຈົນຮອດປັດຈຸບັນ ຄື: ໄດ້ສ້າງອາຄານສູນເລືອດ, ມອບລົດຕູ້ເພື່ອເຄື່ອນໄຫວຽກງານຈໍານວນ 10 ຄັນ, ລົດຈັກເວບ 100 ຈໍານວນ 01 ຄັນ, ອຸປະກອນການແພດເພື່ອບັນຈຸເຂົ້າໃນສູນເລືອດແຫ່ງຊາດ ແລະ ການຝຶກອົບຮົມເພື່ອສ້າງຄວາມເຂັ້ມແຂງໃຫ້ແກ່ວິຊາການ ໃນແຕ່ລະດ້ານ ເປັນຕົ້ນແມ່ນວຽກງານເລືອດ, ການຊ່ວຍເຫຼືອບັນເທົາທຸກ, ການປະຖົມພະຍາບານຂັ້ນຕົ້ນ ແລະ ອື່ນໆລວມມູນຄ່າທັງໝົດ 1,892,078 ໂດ່ລ້າ.


ໃນໂອກາດດັ່ງກ່າວທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ໄດ້ລາຍງານສະພາບການເຄື່ອນໄຫວວຽກງານຂອງອົງການກາແດງລາວ ໂດຍສະເພາະແມ່ນວຽກງານເລືອດ, ວຽກງານຊ່ວຍເຫຼືອບັນເທົາທຸກ ແລະ ທ່ານຍັງໄດ້ໃຫ້ຮູ້ເຖີງຂໍ້ສະດວກ ແລະ ຂໍ້ຫຍຸ້ງຍາກ ຂອງວຽກງານກາແດງລາວ ແລະ ສິ່ງທ້າທາຍ ຕໍ່ວຽກງານຂອງອົງການກາແດງລາວ. ພ້ອມກັນນັ້ນ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ໄດ້ສະແດງຄວາມຂອບໃຈ, ຍ້ອງຍໍຊົມເຊີຍ ແລະ ສະແດງຄວາມຮູ້ບຸນຄຸນ ຕໍ່ທ່ານຜູ້ຕາງໜ້າກາແດງເຢຍລະມັນ ພ້ອມດ້ວຍຄະນະ ທີ່ໃຫ້ການສະໜັບສະໜູນ ແລະ ຊ່ວຍເຫຼືອອົງການກາແດງລາວ ກໍ່ຄືປະຊາຊົນ ຜູ້ປະສົບໄພພິບັດຕ່າງໆ ແລະ ຜູ້ທຸກຍາກດ້ອຍໂອກາດ ຕະຫຼອດໄລຍະທີ່ຜ່ານມາ ແລະ ຫວັງຢ່າງຍິ່ງວ່າຈະຍັງສືບຕໍ່ໄດ້ຮັບການຊ່ວຍເຫຼືອ ຈາກກາແດງເຢຍລະມັນ ໃນອານາຄົດຕໍ່ໜ້າ.


ຂຽນ​ຂ່າວ: ມີ​ນາ ພີມ​ມະ​ຈັນ , ຖ່າຍ​ພາບ: ທິດ​ດາ​ວັນ ກຸ​ລະ​ວົງ​ສາ
ທີ່ມາ: Lao Red Cross 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments