Header Ads

ແຂວງຫຼວງພະບາງ ຍົກລະດັບໃຫ້ພະນັກງານວິຊາການແພດຜ່າຕັດໃນຜົ້ງທ້ອງຜ່ານທໍ່




ເພື່ອແນໃສ່ຍົກລະດັບຄວາມຮູ້ຄວາມສາມາດໃຫ້ກັບພະນັກງານວິຊາການແພດໃນການ ຜ່າຕັດຜົ້ງທ້ອງຜ່ານທໍ່ ທາງແຂວງຫຼວງພະບາງໄດ້ຈັດກອງປະຊຸມຮ່ວມເຝິກຫັດ ແລະ ການຜ່າຕັດໃນຜົ້ງທ້ອງຜ່ານທໍ່ ຂຶ້ນໃນ ວັນທີ 23 ກຸມພາ 2018 ນີ້, ທີ່ຫ້ອງປະຊູມຊັ້ນສອງຂອງໂຮງໝໍແຂວງຫຼວງພະບາງໂດຍການເປັນປະທານຂອງ ທ່ານ ດຣ ຄຳສອນ ພົງສະຫວັດດີ ອຳນວຍການໂຮງໝໍແຂວງຫຼວງພະບາງ, ມີຄະນະນຳພ້ອມດ້ວຍທີມງານຈາກໂຮງໝໍມະຫາວິທະຍາໄລຈຸລາລົງກອນ ບາງກອກປະເທດໄທ, ສະມາຄົມຜ່າຕັດຜ່ານທໍ່ລາວ ແລະ ທີມງານແພດຈາກ 8 ແຂວງພາກເໜືອຄື: ຫຼວງພະບາງ, ອຸດົມໄຊ,ໄຊຍະບູລີ, ຜົ້ງສາລີ, ຫົວພັນ, ບໍ່ແກ້ວ, ຫຼວງນໍ້າທາ, ຊຽງຂວາງ ແລະ ແຂວງຈຳປາສັກເຂົ້າຮ່ວມ. ຈຸດປະສົງຫຼັກຂອງການເຝິກຫັດຄັ້ງນີ້ແມ່ນເປັນການຍົກລະດັບວິຊາການດ້ານການຜ່າຕັດຜົ້ງທ້ອງຜ່ານທໍ່, ອີກດ້ານໜື່ງແມ່ນເພື່ອຮ່ວມມືດ້ານວິຊາການລະຫ່ວາງສະມາຄົມຜ່າຕັດຊ່ອງກ້ອງອາຊີຕາເວັນອອກຊຽງໃຕ້ ກັບ ສະມາຄົມຜ່າຕັດຜ່ານທໍ່ລາວເພາະວ່າວຽກງານນີ້ຖືເປັນວຽກງານທີ່ສຳຄັນຕໍ່ວຽກງານການປິ່ນປົວຜູ້ເຈັບປ່ວຍ ແລະເປັນການຍົກລະດັບພັດທະນາໄປສູ່ຄວາມທັນສະໄໝເທື່ອລະກ້າວ ແລະ ເປັນສິ່ງຮອງຮັບແລະສ້າງຄວາມເຊື່ອໝັ້ນໃຫ້ກັບຄວາມຕ້ອງການຂອງພໍ່ແມ່ປະຊາຊົນບັນດາເຜົ່າເວ ລາເຂົ້າປິ່ນປົວ. ສໍາລັບການເຝິກຫັດຄັ້ງນີ້ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບທິດສະດີ, ເຝິກຫັດແບບທົດລອງ ແລະ ການຜ່າຕັດຕົວຈິງກຽ່ວກັບໜີ້ວຖົງບີ 5 ກໍລະນີ ແລະ ອະໄວຍະວະລອດແອບແອຂາ 1 ກໍລະນີ.

ພາບ ແລະ ຂ່າວ: ຂ່າວສານຫຼວງພະບາງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.