ເປີດຕົວສະໂມສອນຫຼວງພະບາງຢູ່ໄນເຕັດຢ່າງເປັນທາງການ




ຕອນແລງຂອງວັນທີ່ 21 ກຸມພານີ້ ສະໂມສອນຫຼວງພະບາງຢູ່ໄນເຕັດ ໄດ້ຈັດພິທີເປີດຕົວສະໂມສອນຢ່າງເປັນທາງການ ຢູ່ສະໂມສອນປະຊຸມຂອງທະນາຄານແຫ່ງ ສປປ ລາວ ປະຈຳພາກເໜືອ ແຂວງຫຼວງພະບາງ ໂດຍມີ ທ່ານ ມອນໄຊ ລາວມົວຊົງ ຫົວໜ້າຄະນະຈັດຕັ້ງແຂວງ ຮອງປະທານສະມາຄົມກິດລາ-ກາຍຍະກຳແຂວງ, ທ່ານ ສຸກັນ ບຸນຍົງ ເຈົ້າເມືອງຫຼວງພະບາງ, ພ້ອມດ້ວຍຄະນະບໍລິຫານງານສະໂມສອນ, ຄູຝຶກ, ນັກກິລາ ແລະ ແຂກຮັບເຊີນເຂົ້າຮ່ວມ.

ທ່ານ ສີທອງ ພົມມະຈິດ ປະທານສະຫະພັນບານເຕະແຂວງຫຼວງພະບາງ ປະທານສະໂມສອນ ໄດ້ກ່າວເປີດຕົວສະໂມສອນວ່າ: ສະໂມສອນຫຼວງພະບາງຢູ່ໄນເຕັດ ໄດ້ຮັບການສ້າງຕັ້ງຂື້ນເປັນຄັ້ງປະຫວັດສາດໃນປີນີ້ ເພື່ອເຂົ້າຮ່ວມແຂ່ງຂັນໃນລາຍການ ລາວພີເມຍລີກ 2018 ເຊີ່ງໃນປີນີ້ ແມ່ນໄດ້ປັບປ່ຽນເປັນລາຍການ ແປັບຊີລາວພີເມຍລີກ. ສະໂມສອນຫຼວງພະບາງຢູ່ໄນເຕັດ ແມ່ນໄດ້ມີການອຸປະຖຳຫຼັກຈາກກຸ່ມບໍລິສັດພູສີກໍ່ສ້າງ ເຊີ່ງປະຈຸບັນໄດ້ມີການປະກອບສ່ວນຈາກພາກທຸລະກິດ ແລະ ການສະໜັບສະໜູນຂອງພາກລັດ ມີທືນສະສົມແລ້ວປະມານ 600 ກ່ວາລ້ານກີບ ຄາດວ່າການເຄື່ອນໄຫວຕົວຈີງ ຈະໃຊ້ທືນປະມານ 1 ຕື້ກີບ.
ໂອກາດນີ້ ທ່ານ ມອນໄຊ ລາວມົວຊົງ ໄດ້ຕາງໜ້າການນຳຂອງແຂວງ ຮຽກຮ້ອງໃຫ້ ຄູຝຶກ ແລະ ນັກກິລາສຸມໃສ່ການຝຶກຊ້ອມໃຫ້ຫຼາຍ ພ້ອມທັງເຂົ້າຮ່ວມແຂ່ງຂັນໃຫ້ປະສົບຜົນສຳເລັດ ນຳເອົາໄຊຊະນະມາສູ່ຊາວແຂວງຫຼວງພະບາງ ໄດ້ຊື່ນຊົມ.


ສະໂມສອນຫຼວງພະບາງຢູາໄນເຕັດ ມີນັກກິລາທັງໝົດ 24 ຄົນ, ໃນນີ້ ໄດ້ມີການຊື້ຕົວນັກກິລາຈາກນະຄອນຫຼວງວຽງຈັນ 2 ຄົນ ແລະ ຕ່າງຊາດອີກ 5 ຄົນຕາມລະບຽບການຂອງສະຫະພັນບານເຕະແຫ່ງຊາດ ໂດຍຊື້ມາຈາກ ແດນມາກ, ເບຼຊີນ, ໄອວໍລີໂຄດ, ຍີ່ປຸ່ນ ແລະ ຄາເມລູນ ຄາດວ່າໃນການເຂົ້າແຂ່ງຂັນລາຍການນີ້ ຈະໃຫ້ຢູ່ໃນລະດັບ 1 ໃນ 3. ສຳລັບນັດທຳອິດຂອງຫຼວງພະບາງຢູໄນເຕັດ ແມ່ນຈະລົງແຂ່ງຢູ່ສະໜາມກິລາຫຼັກ 16 ນະຄອນຫຼວງວຽງຈັນ ໃນວັນທີ່ 25 ກຸມພາ ໂດຍຈະພົບກັບ DK FC ສ່ວນນັດທຳອິດຂອງການຕ້ອນຮັບທີມມາຢາມ ແມ່ນວັນທີ່ 11 ມີນາ ໂດຍແມ່ນ ປກສ FC ທີມທີ່ເປັນຮອງແຊ້ມລາວພີເມຍລີກໃນປີ 2017 ໂດຍຈະມີການແຂ່ງຂັນທີ່ສະໜາມກິລາຂອງແຂວງບ້ານນາສ້າງເຫວີຍ.


ໂດຍ: ອາພຸດເດດ ບຸບຜາ (ວິທະຍຸກະຈາຍສຽງແຫ່ງຊາດ)

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments