ຫ້ອງວ່າການແຂວງສາລະວັນ ຕີລາຄາການປະຕິບັດວຽກງານ 1 ປີ



ໃນວັນທີ 16 ກຸມພາ 2018 ຜ່ານມານີ້ ຫ້ອງວ່າການປົກຄອງແຂວງສາລະວັນ ໄດ້ຈັດກອງປະຊຸມສະຫຼຸບວຽກງານປະຈຳ 2017, ໂດຍການເປັນປະທານຂອງ ທ່ານ ປອ ສະໄໝ ໂພທິສານ ຫົວໜ້າຫ້ອງວ່າການປົກຄອງແຂວງ, ໃຫ້ກຽດເຂົ້າຮ່ວມ ມີ ທ່ານ ບົວທອງ ຄຸນຍອດປັນຍາ ຮອງເຈົ້າແຂວງໆສາລະວັນ, ມີພະແນກການອ້ອມຂ້າງແຂວງ ແລະຫ້ອງໜ້າຫ້ອງວ່າການປົກຄອງ 8 ຕົວເມືອງ, ຫົວໜ້າຂະແໜງ-ຮອງຂະແໜງ ແລະ ພະນັກງານ-ລັດຖະກອນເຂົ້າຮ່ວມ. 



ທ່ານ ອູ່ທອງ ມູນລາສີ ຮອງຫົວໜ້າຫ້ອງວ່າການປົກຄອງແຂວງ ໄດ້ຜ່ານບົດສະຫຼຸບຜົນງານການເຄື່ອນໄຫວ 1 ປີຜ່ານມາ ເຊິ່ງໄດ້ຕີລາຄາຄືນການຈັດຕັ້ງປະຕິບັດໜ້າທີ່ວຽກງານເປັນຕົ້ນແມ່ນການເຮັດໜ້າທີ່ພາລະບົດບາດ ເປັນເສນາທິການ ແກ່ການນຳຂອງແຂວງ ຕາມທິດນຳທີ່ວ່າ: ເປັນເສນາທິການທີ່ດີ, ເປັນຜູ້ປະສານງານທີ່ດີ, ເປັນຜູ້ບໍລິຫານ ແລະ ບໍລິການທີ່ດີ. ຜ່ານການຈັດຕັ້ງປະຕິບັດຕົວຈິງເຫັນວ່າມີຫຼາຍດ້ານທີ່ພົ້ນເດັ່ນ ໂດຍສະເພາະແມ່ນການສ້າງແຜນການ, ແຜນດຳເນີນງານ, ຄົ້ນຄວ້າສັງລວມຄຸມຄອງເອກະສານ ກວດກາປະເມີນຜົນ, ວິເຄາະ, ວິໃຈ ບັນຫາຕ່າງໆ ໃຫ້ແກ່ການນຳ ອັນໄດ້ສ້າງເງື່ຶອນໄຂອຳນວຍຄວາມສະດວກ ໃຫ້ແກ່ການຕັດສີນໃຈ ຂອງການນຳໃນການແກ້ໄຂບັນຫາຕ່າງໆຢ່າງສອດຄ່ອງ ແລະຖືກຕ້ອງຕາມແນວທາງ ນະໂຍບາຍ, ລະບຽບກົດໝາຍ ເຮັດໃຫ້ການຊີ້ນຳໆພາການສ້າງສາພັດທະນາ ເສດຖະກິດ-ສັງຄົມແຂວງ. ເອົາໃຈໃສ່ໃນການຈັດຕັ້ງປະຕິບັດຢ່າງເປັນລະບົບມີການຕິດຕາມ, ກວດກາ, ສະຫຼຸບຖອດຖອນບົດຮຽນ ແລະປັບປຸງ, ກໍ່ສ້າງເຊື່ອມຊືມເປັນແຕ່ລະໄລຍະເພື່ອເຮັດຫຼ້ອນໜ້າທີ່ໃນການເປັນເສນທິການໃຫ້ການນຳແຂວງ. 

ນອກນຈາກນີ້ໄດ້ຕິດຕາມ, ຊຸກຍູ້ວຽກງານສາມສ້າງໃຫ້ເປັນຮູບປະທຳຂຶ້ນ ເຊິ່ງປັດຈຸບັນສາມາດເກັບກຳຂໍ້ມູນຕົວເລກສ້າງບ້ານພັດທະນາໄດ້ 5 ຕົວເມືອງທົ່ງພຽງ, ມີ 185 ບ້ານ ໃນນັ້ນສະເໜີໃໝ່ 29 ບ້ານ. ຜູ້ເຂົ້າຮ່ວມກອງປະຊຸມຄັ້ງນີ້ຍັງໄດ້ເຊື່ອມຊຶມມະຕິກອງປະຊຸມຄົບຄະນະບໍລິຫານງານພັກແຂວງເປີດກວ້າງຄັ້ງທີ 7 ສະໄໝທີ III ແລະຍັງໄດ້ປະກອບຄຳຄິດຄຳເຫັນຕໍ່ບົດລາຍງານສະຫຼຸບວຽກງານປະຈຳປີ 2017 ແລະແຜນການ 2018 ອີກດ້ວຍ.



ໃນຕອນທ້າຍ ທ່ານ ບົວທອງ ຄຸນຍອດປັນຍາ ຮອງເລຂາພັກແຂວງ ຮອງເຈົ້າແຂວງໆສາລະວັນ ກໍ່ໄດ້ໂອ້ລົມ ເນັ້ນໜັກໃຫ້ເອົາໃຈໃສ່ການເປັນເສນາທິການເປັນຕົ້ນ: ການກະກຽມວຽກງານຕ່າງໆໃຫ້ມີຄວາມວ່ອງໄວ, ສອດຄ່ອງ ແລະຖືກຕ້ອງ, ຄົ້ນຄວ້າວິເຄາະວິໄຈບັນຫາຕ່າງໆໃຫ້ເລີກເຊີ່ງ, ພ້ອມທັງສັງລວມສະພາບການທີ່ພົ້ນເດັ່ນທົ່ວແຂວງ, ຕິດຕາມຊຸກຍູ້, ແບ່ງວຽກງານໃຫ້ຖືກຕາມຄວາມອາດສາມາດຂອງແຕ່ລະຄົນ, ປັບປຸງແບບແຜນວິທິເຮັດວຽກໃຫ້ມີຄວາມສອດຄ່ອງຂຶ້ນກວ່າເກົ່າ ແລະເປັນລະບົບຂຶ້ນຕື່ມ, ພ້ອມນັ້ນຕ້ອງຍົກສູງຄວາມຮັບຜິດຊອບຕໍ່ໜ້າທີ່ວຽກງານໃຫ້ວ່ອງໄວ ແລະມີປະສິດທິຜົນສູງຂຶ້ນເລື້ອຍໆ.



ພາບ-ຂ່າວ: ທິດລານີ ໂຄດໂຍທາ ( ນສພ ສາລະວັນ)

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments