Header Ads

ຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ ໄດ້ເຜີຍແຜ່ ເອກະສານ ມູນເຊື້ອຂອງກອງທັບ ປະຊາຊົນລາວ



ໃນວັນທີ 26/ 2/ 2018 ນີ້ ຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ ໄດ້ເຜີຍແຜ່ ເອກະສານ ມູນເຊື້ອຂອງກອງທັບ ປະຊາຊົນລາວ ໃຫ້ກຽດຂື້ນເລົ່າມູນເຊື້ອໂດຍທ່ານ ພັທ ສົມພອນ ຕະລຸມພົນ ຫົວໜ້າ ຫ້ອງການ ກອງບັນຊາການ ທະຫານແຂວງ ບໍ່ແກ້ວ ມີທ່ານ ພັທ ສີພົນ ອິນຕະວົງ ຮອງຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ ແລະ ບັນດານັກໂທດ-ຜູ້ຖືກດັດສ້າງເຂົ້າຮ່ວມ.


ກອງທັບປະຊາຊົນລາວ ແມ່ນຜູ້ສືບທອດ ພາລະກິດ ປະຫວັດສາດ ຂອງວິລະບຸລຸດຂອງຊາດ ເຊິ່ງສືບທອດຫຼາຍຮຸ້ນ. ເຂົ້າເຈົ້າເລົ່ານັ້ນ, ລ້ວນແຕ່ເປັນຜູ້ມີມູນເຊື້ອ ອັນພິລະອາດຫານ ບໍ່ຍອມຈໍານົນຕໍ່ສັດຕູ. ສິ່ງດັ່ງກ່າວນັ້ນ, ໄດ້ກາຍເປັນແບບຢ່າງ ມູນເຊື້ອອັນດີງາມຂອງກອງທັບ ປະຊາຊົນລາວໃນປະຈຸບັນ, ແມ່ນເຫດການປະຫັວສາດ ແລະ ແມ່ນບາດກ້າວກະໂດດທີ່ສໍາຄັນໃນພາລະກິດຕໍ່ສູ້ຕ້ານກັບພວກຈັກກະພັດ ລ່າເມືອງຂຶ້ນແບບເກົ່າ ແລະ ໃໝ່ ກໍ່ຄືການຮັກສາ ມູນເຊື້ອອັນອົງອາດກ້າຫານ ແລະ ເສີມ ຂະຫຍາຍຜົນງານໄຊຊະນະຂອງກໍາລັງປະກອບອາວຸດປະຊາຊົນ.
ກອງທະຫານປະຕິວັດ ກອງຮ້ອຍລາດສະວົງ ໄດ້ັຮັບການສ້າງຕັ້ງຂຶ້ນໃນວັນທີ 20 ມັງກອນ 1949 ກອງທັບປະຊາຊົນລາວ ໂດຍ ແມ່ນພັກປະຊາຊົນປະຕິວັດລາວເປັນຜູ້ສ້າງຕັ້ງ, ສຶກອົບຮົບຝຶກຝົນຫຼໍ່ຫຼອມຕົນເອງ, ແມ່ນກອງທັບປະຊາຊົນ, ສູ້ຮົບເພື່ອສິດຜົນປະໂຫຍດຂອງປະຊາຊົນຊາວຜູ້ອອກແຮງງານບັນດາເຜົ່າ, ແມ່ນພາຫະນະອັນແຫຼມຄົມ, ຂອງພັກຊົນຊັ້ນກໍາມະກອນລາວ; ສະນັ້ນ, ກອງທັບປະຊາຊົນລາວ ຈຶ່ງຍຶດໝັ້ນທາດຊົນຊັ້ນກໍາມະກອນທາດແທ້ປະຊາຊົນ.



ທ່ານ ພັທ ສົມພອນ ຕະລຸມພົນ ຍັງໄດ້ກ່າວຕື່ມອີກວ່າ: ໜ້າທີ່ຂອງຜູ້ພວມກະທໍາຜິດແມ່ນຕ້ອງ ປະກອບສ່ວນ ເປັນຫູ ເປັນຕາຊ່ວຍເຈົ້າໜ້າທີ່ ໃນການປົກປັກຮັກສາຄ້າຍຄຸມຂັງ-ດັດສ້າງໃຫ້ມີຄວາມສະຫງົບປອດໄພຮອບດ້ານ, ປະກອບສ່ວນສ້າງສາພັດທະນາຄ້າຍຄຸມຂັງ-ດັດສ້າງ ໃຫ້ມີຄວາມສວຍງາມ, ຕັ້ງໜ້າຝຶກຝົນຫຼໍ່ຫຼອມຕົນເອງ, ດັດສ້າງຕົນເອງໃຫ້ກາຍເປັນພົນລະເມືອງດີຂອງສັງຄົມເມື່ອອອກຈາກທີ່ນີ້ໄປແລ້ວ.

ຂ່າວ: ຮທ ວິທູນ ແກ້ວກັນຍາ (ປກສ ແຂວງບໍ່ແກ້ວ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.